1 Korintus 12:9 - Allah Wene Hurumbik Keron

⁹ Eke ariroho suruk ari at misig etno Roh Kudus indimu wilil, Allah obam ebetuk amag ulug og ituk-o. Eke at misig Roh Kudus indimu wilil it aphe uk warehon fano inaptuk amag ulug og ituk-o.

1 Korintus 12:9 ပူးပေါင်းရင်းမြစ်များ

Matius 10:8

Yig isaruk wilil, eke it uk warehon fano inabe­heg, it warehon minduhup iseheg, eke it honanggorohon fano in­abeheg, eke it setan inindimu werehon wilip iseheg sil nuruk amuk-o. Eke hit Anden onggo eleg yuhun-at og hisarikikon etno fam, hiren uang anggen onggo dot og nisimiek-o ulug kino eheg eleg-at sil nuruk amuk-o.

Matius 21:21

At Yesusen yig isaruk wilil, “Hit An yig hisaminon etno-at hinindi ebetuk amuk-o. Hit hinindi biren neken welam sohorep isalug, hiren demat ulug ebetuk amuhup halug, Anden e du yig irihimu bug aha etno hag, hiren ariroho sukon etno hai aruhu fug-o. Eke misig, hit hinindi fanoroho ebetuk wilil, bunu suon du leko lahalug ik yenggeleg epma sebesik ambik ma-o, ulug yig ituk hisalug, ambik waruhu at-o.

Markus 16:18

Ariroho suruk wilil, eke walo muluk neken ininggik senereheg, eke imag wareg neken nenggeg suhubon oke, etno fam waramuhup fug-o. Eke it uk warehon epmano hininggik sen inaptuk hisalug fano amuhup o,” ulug yig isebag.

Markus 6:13

Yig isil nuruk wilil, it aphe anggolo setan inindimu kebahon epmano lisoko wilip iseheg, it uk warehon inebe anggolo epmano e anggen ambusu inobam delepfulug fano inabeheg sil nuruk apag.

Lukas 10:9

‘Kidia At Allah weregma welamon etno fanggog ehekseg fam, kuog ulug suruk ahep-o,’ ulug yig isaruk amuhup-o.

Lukas 9:2

Yig isaruk apareg, iren At Allah weregmen sukon wene etno yig iseheg, eke it uk warehon epmano fano inabeheg sukag ulug lahap isebag.

Kisah Para Rasul 10:38

Eke fobik At Allahen Yesus Nazaret ap etno At Roh Kudus inim, eke oag weregsoho suruk amon etno inim obog-at og itisi etno hit hiniluk-o. Eke fobik At Yesus etno Allah inim wilil, it uk warehon fano inabeheg, it setan inindimu werehon lisoko wilip iseheg o ahik ya da obog-at sil nuruk atisi-o.

Kisah Para Rasul 5:15

Dambulik waharuk apagma, it mondep isebahon epmanowen fano inaptuk apag. Fano inaptukmu, it aphe uk warehon epmano og inaplug at Petrus akumag fam sangguntep isalug fano inabukag ulug e belaroho kwalema imbisa laruk apag.

1 Korintus 12:28

Eke At Allahen At udaki inanggelegma epmanowen aphe inebe minduhup isaruk wilil, bilin it wene yig isil nuruk amag ulug mondep isebahon epmano minduhup isebag. Eke fobik it Allah wene inindimuen walug yig isarukon epmano minduhup isebag. Eke fobik it wene yanggul isarukon epmano minduhup isebag. Eke fobik it aphe sukfugangge surukon epmano inim, eke it uk warehon fano inabukag ulug og isarukon epmano inim, eke it yalmag isarukon epmano inim, eke it aphe inaso werehon epmano inim, eke it inune akelehon urukon epmano inim obog-at minduhup isebag.

1 Korintus 12:30

Eke it obog it inune akelehon mirlaloko yig isarukon epmano ilitoho wereg ano? Ari eleg-o.

1 Korintus 13:2

Eke an Allah wene nindimuen walug yig iseheg, eke yi angge di angge herahowon epmano obog niluk aheg, eke At Allah inuk mondog ebetuk wilil bunu etno walug o ninmu imbik laheg suruk wilil, nindi hunduhuk eleg welatlemen, an nebe napeleg neken-at welatle-o.

2 Korintus 4:13

Eke Alkitab fam yig nisaruk wilil, “At obam ebetikikseg fam nune irikik-o,” ulug ebag etno hag nit ariroho At obam ebetuk ahe etno fam ninune uruk ahe-o.

Efesus 2:8

Eke At Allahen hinabua hisebareg fam hit demat ulug eberoko warukmu hinili warisi-o. Eke hit fano suruk hisalug, hinili warisi fug-o. We yuhun-at hinili warukon etno og hisarisi-o.

Ibrani 11:33

Eke it obog epmano hag inindi demat ulug ebetuk wilil, aphe o ahik suon nin inim wim abil laruk apareg, inebe obog-at seberoho imbisebag. Ariroho imbisaruk apareg, it epmanowen yabuk fanowon etno suruk wilil, At Allahen og hisahuk ebahon etno-at holeheg, eke it nin wam singa induag dokoroho inele abitep iseheg,