1 Korintus 12:3 - Allah Wene Hurumbik Keron

³ Eke ari halug, at ap misig Roh Kudus etno indimu wilil, aren At Yesus ebe homali neken umburuk eleg-o. Eke at ap misihen, “At Yesus an Nowe at-o” ulug urukon ari, At Roh Kudus etnowen-at yig itukmu uruk-o.

1 Korintus 12:3 ပူးပေါင်းရင်းမြစ်များ

Matius 22:43

Yig ituk apagma, eke At Yesusen yig isaruk wilil, “Ariroho hinahla buruk ahebon oke, eke At Roh Kudus etnowen Daud yig itukmu, aren At Kristus farim Nowe suon ebag ari, keroho ulug ebag buruk ahep-o? At Daud etnowen yig isaruk wilil,

Markus 9:39

eke At Yesus etnowen yig ituk wilil, “Hiren ariroho winimug yig isa fug-o. It ap ninen An ninuk fam sukfuganggeroho suruk wilil, nabug baltuk eleg-o.

Yohanes 13:13

Horie uruk apareg, yig isaruk wilil, “Anden ho hinabihion etno ebe du farim sehek ulug hinahla buruk ahep ano? Hiren Ninowe yanggul nisarukon ulug yig nituk ahep ari, An nebe Hinowe yanggul hisarukon-at wereg nealug, demat yig nituk ahep-o.

Yohanes 13:14

Eke An Hinowe welahion etnowen hiniog ho hinabihi etno hag, hit hinonggarehen at misig iog horepfeheg suruk amag ulug yanggul hisihi-o.

Yohanes 15:26

Yig isaruk apareg, eke fobik yig isaruk wilil, ‘Fobik At Roh Kudus Yalmag hinaptukon etno waruhu-o. Waharuk aruhureg, Aren wene demat uruk amon etno yanggul hisahu-o. Eke At Roh Kudus etno At Nikni inim inebe misig-at werehon oke, At Nikni wereg ambeg epmen lahapfik waharuk aruhukmu, Aren An nawene etno-at yig hisaruk aruhu-o.

Kisah Para Rasul 8:37

at Filipus etnowen yig ituk wilil, “Eleg-o, hat hindimu demat ulug ebetuk ahen halug, ikma belap habuk fano at-o,” ulug yig ituk apagma, at ap etnowen yig ituk wilil, “An At Yesus Kristus Allah Amloho etno demat ulug nindi ebetuk ahi-o,” ulug yig epag.

Roma 10:9

Eke hiren hinambilik famen uruk wilil, “Nit Ninowe ari At Yesus at-o eheg, eke hinindi famen At Kristus etno Allahen it aphe warehon wereg ambeg epmanowen iluksoho minduhupfebag-o,” ulug hinindi ebereheg suruk hisalug, hinili wahu-o.

Roma 9:3

Eke it nomini ari inake At Allahen wene homali neken nobam umburuk wilil, At Kristus ninim healep nahuk ari fano ulug nahla bele-o.

1 Korintus 16:22

Eke at misig At Ninowe etno obam indi hunduhuk elehon halug, wene homali etno obam welamag-o. Eke At Ninowe wamon etno aso welamuk-o!

1 Korintus 8:6

Eke Ninowe inuk suon At Yesus Kristus misig-at wereg-o. Eke yi angge di angge epmano obog alem At Yesus-at wereg-o; nit ninebe alem etno At Yesus-at wereg-o, ulug ninahla buruk ahe-o.

2 Korintus 11:4

Eke at ap misig hinambeg watlug niren yig hisarukuk etno ilitoho yig hisaruk eleg heheg, Yesus awene ninon neken-at yig hisaruk heheg, hiren nomin wa ulug fanoroho-at heahi watuk ahep-o. Eke niren yig hisarukmu, Roh Kudus etno inim, wene fano wene etno inim fanoroho warikibon oke, kidia wene ninon inim, eke ap werlekon ahurangge inim waruk ahep-o.

2 Korintus 3:5

Eke nineyabuk fanoroho suhuken ulug ninonggarehen ninindi enggatepataruk ahe fug-o. Nit yabuk fanoroho sukag ulug At Allahen-at ninindi enggatep nisaharisi-o.

Galatia 3:13

Eke At Kristus etno wene homali nit ninobam werehon etno At obam ombatebareg fam, it Yahudi aben wene duroho suruk amuk eke duroho suruk am fug ulug ebahon etnowen homali ninobam embebahon etno elehepfebag-o. Eke ari halug, at Alkitab etno fam yig nisaruk wilil, “At ap misig e fam lenggaloko werehon halug, homali etno obam wereg-o,” ulug yig nisarukon etno wereg halug, At Kristus etno ninake ariroho sebag.

Wahyu 1:10

Waruk aheon oke, eke o hari Minggu fam an Roh Kudusen og nitukmu, nilanggen biren barentoho yet harikik-o. Yet haruk atikikseg, an nambolmen binggon une suon neken urukmu nesanggo holtikik-o.