Eke it wene duroho suruk amuk eke duroho suruk am fug ulug ebahon etno iniluk halug, wene etnowen komo yig isaruk-o. Eke ariroho yig isaruk ari, it aphe kweanmon obog dag surukon epmano At Allahen oag del inaptuk halug, iren nit dag surukuk fug-o, ulug alem dahon inobam werehon etno elehepfuk nowen ulug ariroho yig isaruk-o.
1 Korintus 11:32 - Allah Wene Hurumbik Keron32 Eke nit ninebe it aphe kweanmon ninim dambuksoho oag del ninaplug ninusuk nowen ulug, At Ninowe etnowen ninesanggo waroko motoho ninombisaharuk-o. အခန်းကိုကြည့်ပါ။ |
1 Korintus 11:32
22 ပူးပေါင်းရင်းမြစ်များ
Eke at ap misig dag sebahon etno inim, eke At Allahen og nisebahon etno inim ilitoho wereg eleg-o. Eke at ap etnowen alem misig dag sebareg fam, alem dahon epmano obam ombatebahon oke, eke niren alem dag anggolo suruk aheon epmano Allahen fanowon etno onggo eleg-at og nisaruk wilil, alem dahon ninobam werehon epmano elehep nisaharuk-o.
Ari halug, it ap ninindi wereg ulug inahla burukon epmano inebe kema welamuhup-o? Eke it ap nit wene unde welahe inahla burukon epmano inebe kema welamuhup-o? Eke it o dumen aphe inesanggo watukon ari o kema welamuhup-o? Eke it o kweanmen ninindi wereg ulug inune urukon epmano At Allahen arat urunanggeroho imbisarisi-o.
Eke At Allah etno indi iluk mondog wilil, Aren it ap o kweanmen ninindi wereg ulug inahla burukon epmano fam An nebe iniluk am nowen ulug urunanggerep isaruk apareg, niren wene yig isaruk aheon etno bilin wene du hai neken burukukon oke, At Allahen wene ari fam aphe nin demat ebetuk nisalug, inili og inabuhuk ulug ahla bebag-o.
ကြော်ငြာတွေ