1 Korintus 11:20 - Allah Wene Hurumbik Keron

²⁰ Eke hit hinim misigmu wonggaleg wilil naruk ahebon ari At Ninowe inuk fam orom ambusu etno naruk ahep fug-o.

1 Korintus 11:20 ပူးပေါင်းရင်းမြစ်များ

Kisah Para Rasul 2:42

Eke ikma belap inapahon epmano inindi misig-at weregma, At Yesus omini mondep isebahon epmanowen inim dambuksoho wilil, Allah wene yig iseheg, orom nenggeg, sembahyang eheg, suruk apag.

Kisah Para Rasul 2:46

Og isaruk wilil, nintul nantul o Allah ibam wonggalik keheg, eke inibamen orom nenggeg suruk wilil, inindi inahientoho welapag.

1 Korintus 11:17

Eke wene misig du yanggul hisaminon etno fam, hit fano suruk ahep, ulug yig hisaruk ahi fug-o. Eke hit Allah wene ulen ulug wonggaltuk ahep ari, ninindi fanoroho welamuhuken ulug wonggaltuk ahep fug-o. Dag-at suog ulug wonggaltuk ahep-o.

1 Korintus 11:19

Eke it hinim welahebon arien fano surukon epmano selegma amag ulug, hinim healeg welahep etno alem ari-at-o.

1 Korintus 11:21

Ariroho naruk wilil, it nin inaharom esag sarukon epmano yuhun-at naruk-o. Eke at misig orom obok heheg, eke ap misig ahumsoho nalug ambusu etnowen nenek seheg suruk-o.

Ibrani 10:25

Eke it nin inebe dambuksoho wonggaluk sohorep isaruk etno hag, nit ariroho suruk am fug-o. Eke At Ninowe wamon etno arat fanggog ik waharuk-o, ulug hinahla buruk ahep etno fam hit hit hinindi oag werehepataruk amuk-o.

2 Petrus 2:13

Eke it inenggal wene urukon epmanowen aphe inambolma dahaltuk isalug, o dagma-at imbisahu-o. Eke it dag surukon epmano inenggali eleg wilil, o kweanmen surukon epmano selegma-at suk inindi-o. It ariroho surukon etno hinim orom naruk wilil, hinenggali war hinaptuk-o.

Yudas 1:12

It ap epmano inenggali halug eleg hit hinim wilil esoho naruk-o. Epma hinim wilil, nit fano-at welahe-o, ulug inahla buruk-o. Ari it ap epmano orom buron hik isarukon etno ilitoho wereg-o; eke helak me ase aben di surukon etno ilitoho wereg-o.