1 Korintus 11:2 - Allah Wene Hurumbik Keron

² Eke an yi wene di wene nindi ebetuk wilil, wene misig yanggul hiseheg, misig yanggul hiseheg suruk atikik epmano ilitoho hit seneg welahep ari fam hit fano suruk ahep-o, ulug suontep hisaharuk ahi-o.

1 Korintus 11:2 ပူးပေါင်းရင်းမြစ်များ

Lukas 1:6

Eke it biren etano At Allah il fam inobabut fano mondog wilil, duroho suruk amuk eke duroho suruk am fug ulug ebahon etno fanoroho suruk apag.

1 Korintus 11:17

Eke wene misig du yanggul hisaminon etno fam, hit fano suruk ahep, ulug yig hisaruk ahi fug-o. Eke hit Allah wene ulen ulug wonggaltuk ahep ari, ninindi fanoroho welamuhuken ulug wonggaltuk ahep fug-o. Dag-at suog ulug wonggaltuk ahep-o.

1 Korintus 11:22

Eke hinaharom, hinahik naruk ambeg ulug hinibam faleg eleg ano? Eke it Allah udaki dambuksoho werehon epmano hiren hinahlahirep isaruk ahep ano? Eke it inaharek elehon epmano inenggali war inabuog ulug suruk ahep ano? Eke alem ari fam keroho yig hisik-o? Hit fano welahep ulug yig nisawag hinahla buruk ahep ano? Ariroho yig hisamin fug-o.

1 Korintus 15:2

Eke hit hinindi ebetikibon ari werlek-at ebetikip fug-o. Eke ari halug, hit anden yanggul hisarikikon etno seneg wereg hisalug, At Allahen wene ari fam hinili og hinaptuk aruhu-o.

1 Korintus 4:17

Eke an At Kristus inuk fam o ahik ya da At Allah udaki wereg ambeg wene yanggul isaruk ahion epmano nobabut suruk ahion hinindi ebebukag ulug, an namloho Timotius indi oag weregsoho sil nurukon, At Ninowe inuk fam nindi hunduhukon etno hinambeg lahabik waharikik-o.

1 Korintus 7:17

Eke At Ninowe inuk suon etnowen aphe obog ninakeleg sik sumbut nisebag-o. Eke At Allahen ninakeleg ninakeleg-at wol nisebareg, og nisebahon etno hit aphe Allah udakion obog ilitoho-at sil nuruk amag ulug yanggul hisaruk ahi.

1 Tesalonika 1:6

Ariroho welatukukseg fam, hinilanggen nisaruk atikipseg, nit ilitoho seheg, eke At Allahen urukon etno ebereheg, suruk atikip-o. Eke ariroho suruk hiseheg, dahon anggolo hinobam umburuson oke, eke At Roh Kudus etnowen og hisarukmu, hinahientoho wilil, wene etno eberoko warikip-o.

1 Tesalonika 3:6

Lahapfik waharuk atikikmu, at Timotius etno hit wereg ambehen iog suhuluk ninambeg waharuk atisireg, it Tesalonika ap epma inindi hunduhuk wilil, Allah wene fano waruk-o, ulug yig nisarisi-o. Eke aren yig nisaruk wilil, “Hit it Tesalonika aben nintul nantul hinobam ebetuk-o. Eke hiren it bik isa lawon hinindi ebetuk ahep etno hag, iren hit bik hisa wamon ebetuk-o,” ulug ariroho yig nisaruk atisireg fam, nit ninahien harukuk-o.

2 Tesalonika 2:15

Ariroho wol hinaptisireg fam, hit hinindi oag weregsoho wilil, niren ninune fam inim, eke ninaholal etno fam inim wene du demat ulug yanggul hisarukukon etno-at seneg welamuk-o.

2 Tesalonika 3:6

Nomini-o, At Ninowe Yesus Kristus inuk fam duroho yig hisaruk ahe-o, it hinomini epmano inaborali wilil, niren yig isarukukon etno ilitoho suruk elehon halug, it inakelegsoho sohorep isiuk-o.