1 Korintus 11:16 - Allah Wene Hurumbik Keron

¹⁶ Eke at ap misig wene alem du fam ninim heahuog ulug suruk halug, nit Allah udaki ninim dambuksoho welaheon epmano ninune sahaltuk ahe eleg-o.

1 Korintus 11:16 ပူးပေါင်းရင်းမြစ်များ

Kisah Para Rasul 21:21

Ariroho surukmu, it ninen yig isaruk wilil, ‘At Paulus etnowen it Yahudi ap o ahik ya da Allah wene inapelegke yig isil nuruk-o. Ariroho yig isil nuruk wilil, hit Yahudi ap oke, at Musaen wene duroho suruk amuk eke duroho suruk am fug ulug ebahon etno sohorep isalug, hinudaki iniyunggul ambilik bal inabuk fug-o,’

Kisah Para Rasul 21:24

Hat it hinim dambultihipseg, haren onggo umburukmu, hat it hinim hiniruk balsalihip-o. Balsaruk atlihipmu, it yi aphe di aphe obohen uruk wilil At Paulus Musaen wene duroho suruk amuk eke duroho suruk am fug ulug ebahon etno-at suruk heheg, nit ninenggal-at ninune dahon etno obam denggeltukuk-o, ulug uruk amuhup.

1 Korintus 11:15

Eke it hweap epmano hag, iniruk inunggulasum neken og isebareg fam, it hweap iniruk yaron halug, inolohore fano atuk-o.

1 Korintus 16:1

Kidia it Allah udaki o Yudea werehon epmano yalmag inabukon uang balu sukag ulug yig hisamin-o, eke ariroho yig hisamin ari, it Allah udaki o Galatia werehon epmanowen sukag ulug yig isarikik etno hag yig hisaruk ahi-o.

1 Korintus 4:5

Eke hit At Ninowe inuk suon awan waharuk eleg heheg, hiren aphe inoag del inabuk fug-o. Eke At Ninowe inuk suon etno o ari sambit waharuk aruhureg, o hubanggo neken werehon etno selegma embeheg, eke it aphe inindimuen herako ebetukon epmano selegmaroho imbiseheg suhu-o. Ariroho suruk aruhureg, At Allahen o ari sambit aphe inakeleg inakeleg ininuk suontep isahu-o.

1 Korintus 7:17

Eke At Ninowe inuk suon etnowen aphe obog ninakeleg sik sumbut nisebag-o. Eke At Allahen ninakeleg ninakeleg-at wol nisebareg, og nisebahon etno hit aphe Allah udakion obog ilitoho-at sil nuruk amag ulug yanggul hisaruk ahi.

1 Korintus 9:1

Eke an nebe yuhun-at sil nurukon buruk ahep ano? Eke At Ninowe etnowen wene yig isil nuruk amag ulug mondep nahabag fug buruk ahep ano? Eke an At Ninowe Yesus etno ilanggen kiroho harisi fug buruk ahep ano? An neyabuk At Ninowe inuk etno fam sirikikon etno hit o epma welahep fug ano?

1 Korintus 9:6

Eke an, at Barnabas ninim nineyabuk nininggik fam suog ulug ninakeleg-at wereg buruk ahep?

1 Tesalonika 2:14

Eke it Allah udaki At Yesus awene waruk wilil, o Yudea werehon epmano dahon inobam umburusa etno hag, hit ariroho-at dahon hinobam umburusa-o. Eke it hinominien dahon hinobam umburusa etno hag, it Yahudion it Yahudi aben dahon inobam umburusa-o.