1 Korintus 10:16 - Allah Wene Hurumbik Keron

¹⁶ Eke ambusu honanggowon nit At Allah wa yig itlug naruk aheon etno ari, At Kristus amep etno ninim hunduhuk welahe ano, eleg ano? Eke orom roti nit kuroko naruk aheon ari At Kristus ebe ninim hunduhuk welahe ano, eleg ano?

1 Korintus 10:16 ပူးပေါင်းရင်းမြစ်များ

Kisah Para Rasul 2:42

Eke ikma belap inapahon epmano inindi misig-at weregma, At Yesus omini mondep isebahon epmanowen inim dambuksoho wilil, Allah wene yig iseheg, orom nenggeg, sembahyang eheg, suruk apag.

1 Yohanes 1:7

At Allah weregsoho o selegma laruk nisalug, ninomini obog ninim dambuksoho welahe-o. Ariroho weregma, eke ninindi dahon At Yesus Allah Amloho amep fam ho ninaptuk-o.

Ibrani 3:14

Eke nit bilin ninindi oag weregsoho wilil Allah wene warukuk etno hag, nintul nantul-at senebuhuk halug ari, At Kristus omini-at welamuhuk-o.

Kisah Para Rasul 2:46

Og isaruk wilil, nintul nantul o Allah ibam wonggalik keheg, eke inibamen orom nenggeg suruk wilil, inindi inahientoho welapag.

1 Korintus 1:9

At Allahen Amloho Ninowe Yesus Kristus hinim hinindi hunduhuk welamuhuben ulug wol hisebahon etnowen At indi ebetukon etno demat suruk ulug hinahla buruk amuk-o.

1 Yohanes 1:3

Eke ninesanggo holtukukon etno hit-at yig hisaruk ahe-o. Eke hit ninim ninomini atlug, Allah ninim eke Amloho Yesus Kristus ninim dambuksoho welahe-o.

Kisah Para Rasul 20:7

Eke fobik o sono hari Minggu ulug it ninomini ninim hari Sabtu fam hupmu orom nawon kubuog ulug wonggaltuk atukukseg, at Paulusen it aphe yig isaruk wilil, at ebe o sono liog ulug suruk atisireg fam, hubanggo homanoho ilimbul yig nisarisi.

1 Korintus 12:13

Eke At Allahen nit obog-at Roh Kudus misig etno Kristus ebe misig-at amag ulug belap nisa wapag. Eke it Yahudi ap inim, eke it Yunani ap inim, eke it aphe inanggimbu epmano inim, eke it unde werehon epmano inim, obog ninebe misig-at amag ulug ikma belap ninapag. Eke nit obog At Roh Kudusen ambusu etno misig-at og nisebagma, naruk ahe-o.

Kisah Para Rasul 20:11

Laharuk atisireg, orom kuruko og isarukmu, narusa. Naruk atusama, at Paulus etnowen wene hupmu yig isarision etno atog ilikia o healtuk heheg yig isaruk atisireg larisi.

Lukas 22:17

sohorluk ik honanggo etno inggikmu seneg wilil, Nikni Allah wa, ulug At Allah heahi watuk apareg, yig isaruk wilil, “Ik du hinonggarehen seneg wilil, dot dot amiek-o.

1 Korintus 10:15

Eke hit hinebe hinindi werehon neken wereg hisalug, yig hisaruk ahi-o. Ari halug, hiren an nune du keroho ehek ulug hinindi eberiek-o.