1 Korintus 10:14 - Allah Wene Hurumbik Keron

¹⁴ Eke ari halug, nomini nindi hunduhukon wai, hit kwanangge amurli hundutuk isalug, hite wilip atuk amuk-o.

1 Korintus 10:14 ပူးပေါင်းရင်းမြစ်များ

Wahyu 21:8

It epmano og inaptuk aruhukon oke, eke it inakol werehon inim, it fanoroho ebetuk elehon inim, it dahon inim, it ap watukon inim, it wanggikon inim, it usa surukon inim, it kwanangge senehon inim, it inenggal urukon inim, it epmano obog hondok helep wandal hahon etnowen inahu ambeg epmano welamuhup-o. Birenam waratukon ari mondog-at senebuhup-o,” ulug yig nitukmu nesanggo holtikik-o.

1 Yohanes 5:21

Nudaki-o, yi angge di angge du walhan suon-o ulug urukon epmano sohorep isalug fanoroho welamuk-o.

1 Petrus 2:11

Nomini-o, hit o kweanma huso neken welahep ulug yig hisihi-o. Kweanmen surukon epmano hinindimu kuk nowen ulug yaharoho welamiek-o.

Wahyu 22:15

It epmano epma kuhubon oke, eke it yangge neken sil nurukon epmano inim, it usa surukon epmano inim, it wanggik surukon epmano inim, it ap watukon epmano inim, it kwanangge senehon epmano inim, eke it dahan fahan suruk wilil inenggal urukon epmano inim, it epmano obog-at o selema welamuhup-o.

2 Korintus 7:1

Eke ari fam, nit ninebe inim, ninindi inim sabele neken denggelepatehe ha nowen ulug ninonggarehen ho saruk amuk-o. Eke ariroho suruk wilil, At Allah ninakoltoho ninobabut fano mondog welamuhuken ulug suruk amuk-o.

2 Korintus 6:17

“It epmano sohorep isalug, hinim hinakeleg sik welamuk-o. Eke ariroho hinakeleg hinakeleg wilil, dahon werehon epmano senetuk eleg hisalug, Anden endag hinabuhuk-o.

Wahyu 13:8

Ariroho suruk atisimu, eke it aphe kwe­anmon epmanowen inuk suontepfuru­sa-o. It ariroho suontepfuruson ari, bilin o kweanma awan wal ­haruk elegma At Wam Domba Udag wapahon etnowen angge aphe ini­luk welamon buku holal embebahon etno fam ininuk elehon halug, iren walo suon etno inuk suontep­furusa-o.

Wahyu 2:14

Ariroho waruk atikipseg fam, eke kidia alem misig fam hinesang­go warik-o. Alem ari, amuk it Israel aphe epmano wam uson neng­geg, wanggik seheg suruk amag ulug at Bileam etnowen at Balak etno yanggul epag etno hag, it nin ilitoho surukon hinim wela­hep-o.

1 Korintus 10:7

Eke ap iron ninen kwanangge amurli hundutuk apag etno ilitoho suk fug-o. Eke wene Alkitab etno fam yig nisaruk wilil, “It aphe epmano horie ulug esoho nenggeg, eke minatlug di wareheg suruk apag-o,” ulug yig nisaruk-o.

2 Korintus 11:11

Eke an ariroho yig hisihi ari, keroho ulug yig nisehek buruk ahep-o? An ariroho yig hisihi ari nit ninebe indi hunduhuk eleg wilil yig nisehek buruk ahep ano? Eke anden hit hinebe nindi hunduhuk welahion etno At Allah iluk wereg-o.

Roma 12:19

Eke yiroho diroho suruk isalug, hiren onggo ulug sukon etno sohorep isalug, fobik At Allahen-at onggo war inabuhu ulug hinahla buruk amuk-o. Eke alem ari fam Alkitab wene holal baleg etnowen yig nisaruk wilil, “At Allahen onggo fobik Anden-at war inabuhuk ulug uruk-o,” ulug yig nisaruk-o. Ariroho yig nisaruk etno hag, eke alem misig du yig nisaruk wilil,

Filipi 4:1

Hit nomini nindi hunduhukon wai. Hit bik hisa wamon nahla buruk wilil, nahien hisaruk ahi-o. Eke hit hag Allah wene yig hisarikikon etno eberoko warikip-o, nomini. Eke At Ninowe awene etno waruk wilil, ariroho suk ulug yig hisihion etno ilitoho suruk wilil hinoag weregsoho suruk amuk-o.

2 Korintus 12:15

Eke ari halug, hit hinindi yabuk suhuken ulug an nebe og hisaruk wilil, nonggareg naharek fam-at onggo bal sahuk-o. Eke anden hit hinebe mondog nindi hunduhuk neyeheg, hiren an dorat hinindi hunduhuk welamuhup ano?

Filemon 1:1

An Paulus At Yesus Kristus awene yig isil larikikseg fam hele war naptuson etno inim, eke at ninomin Timotius etno inimen, hat ninomin Filemon ninim Allah yabuk suruk aheon etno inim, eke it aphe Allah wene warukon hat hambeg nintul nantul sembahyang ik waharukon epmano inim, eke at ninahaloho inuk Apfia etno inim, eke at Arkhipus, wim aptuk etno ilitoho At Yesus Kristus awene yig isil nurukon etno inim,

2 Korintus 12:19

Eke ariroho yig hisehe ari, dahon inobam wilil, nit ninil fam elehepfuog ulug suruk buruk ahep ano? Ari eleg-o. Nit ninebe At Allah il fam wilil, At Kristusen yig nisarukmu neken obog-at yig hisaruk ahe ari, hit hag hinindi werehep hisahuog ulug-at suruk ahe-o, nomini.

Kisah Para Rasul 15:20

Eke niren holal baloko og isaruk wilil, wene alem empat dia hiren suk fug ulug yig isuk; ari alem kwanangge anggom ulug waroko umburukon epmano na fug-o. Eke wanggik suk fug-o. Eke yi angge di angge amep eleg warehon na fug-o. Eke amep ebe inim na fug-o, ulug alem holal baloko umbulug og isa fano-o.

1 Korintus 5:11

Eke ari halug, kidia wene holal du bal hisaruk wilil, “At ap misihen an hinomin welahi ulug yig hisaruk oke, hwe ap uwheon surukon epmano inim, eke obabut dag wilil inggikmu arikon etno inim, eke kwanangge amurli hundutukon etno inim, eke une enggal-at inobam denggeltukon etno inim, eke ambusu nenek surukon etno donggogsoho narukon etno inim, eke komo wene yig isarukon epmano sohorep isalug dil dil angge surukon etno inim, ap ariroho surukon etno hit ninomin ulug hinim welam fug-o. Eke ap arion hinim horie ulug yi angge di angge na fug-o.”

1 Korintus 10:15

Eke hit hinebe hinindi werehon neken wereg hisalug, yig hisaruk ahi-o. Ari halug, hiren an nune du keroho ehek ulug hinindi eberiek-o.

1 Korintus 10:19

Eke ari halug, keroho ulug yig nisehek buruk ahep-o? Kwanangge amurli hundutukon epmano ebe demat wereg ulug buruk ahep ano? Eke monggat ake umburukon epmano demat ulug hinahla buruk ahep ano?

Ibrani 6:9

hit hag hinindi oag weregsoho welahep ari, nit niniluk-o, nomini. Eke hit hinebe hinili wawag ulug at ahien fanoroho hinobam umburuk ari niniluk-o.