1 Korintus 10:11 - Allah Wene Hurumbik Keron

¹¹ Eke iren suruk apahon epmano it aphe ninen inilanggen isawag ulug ariroho seg apag-o. Eke nit o kweanma eleg amon etno horog fanggog ik wahareg fam suruk aheon etno ninindi ebebukag ulug wene du iren bilin sebahon epmano holal balfag-o.

1 Korintus 10:11 ပူးပေါင်းရင်းမြစ်များ

Matius 13:39

Eke ap etno inim healeg wilil hohol i yapahon etno ari, at iblis ebe-at wereg-o. Weregma, fobik anggen balukon etno fanggog uhumu, it malaikat etnowen anggen baltukon etno hag, anggen baluhup-o.

Matius 13:40

Hohol etno baluroho walug, hondok olokma yalepfebag etno hag,

Roma 13:11

Eke kidia o ari sambit welahe ulug hiniluk halug, ariroho yig hisihion epmano ilitoho-at suruk amuk-o. Eke hit nohoruk amon etno sohorep isalug, kidia minamon etno fam arat fanggog ehek-o. Eke fobik ninili wahu ulug ninahla buruk atukukon oke, ninili wawon etno horog fanggog uruk-o.

Roma 13:12

Eke o hubanggo welamon etno arat eleg ariog ulug suruk ari fam, o seleg etno wariog ulug suruk-o. Eke ari halug, niren it o hubanggo werehon epmanowen surukon epmano sohorep isalug, o ilingge wilil surukon etno ninasehen ninasing wereg epmano hag sen salug welamuk-o.

Roma 15:4

Eke it bilin inahlahiroho wilil inindi oag weregsoho welapahon wene epmano holal embebag ari, niren Alkitab wene holal baleg etno wane seheg, ninindi ebereheg suruk wilil demat fano ninabuhu ulug ninahla bukag ulug embebag-o.

Roma 4:23

Eke ariroho inim dambulfag ulug wene holal embebahon etno at Abraham akeleg-at inim dambulfag ulug wene holal embebag fug-o.

1 Korintus 10:6

Eke it amuk dag suruk apahon epmano hag nit ariroho-at dag suk ulug ninahla behe ha nowen ulug, ninilanggen isawag ulug suruk apag-o.

1 Korintus 7:29

An ariroho yig hisaruk ahion ari, kwean duma olohore ket amon etno fanggog uruk ari fam yig hisihi-o. Eke kidia it inuhwesi werehon epmano inuhwesi elehon neken welamag-o. Eke it ioba yatukon epmano ioba yatuk elehon neken welamag-o.

1 Korintus 9:10

eke nit farim ariroho ebag buruk ahep ano? Eleg-o. Ariroho ebag ari nit farim-at ebag-o. At ap kwean yultukon etno inim, eke at anggen loltukon etno inimen ineyabuk inakeleg sik-at suruk wilil, fobik anggen balehon epmano sumburoko og nisawag ulug yabuk suruk-o.

Galatia 4:24

Eke it hweap biren inahudaki neken welapag-o. Eke at hwe misig inuk Hagaren endepahon etno at udaki dom Sinai famon anggimbu neken endag inaptuk-o.

Filipi 4:5

Eke it aphe obog hinune fanoroho-at yig isaruk amuk-o. At Ninowe wamon etno horog fanggog uruk-o.

Ibrani 10:25

Eke it nin inebe dambuksoho wonggaluk sohorep isaruk etno hag, nit ariroho suruk am fug-o. Eke At Ninowe wamon etno arat fanggog ik waharuk-o, ulug hinahla buruk ahep etno fam hit hit hinindi oag werehepataruk amuk-o.

Ibrani 10:37

Eke alem ari fam at Alkitab etnowen uruk wilil, “Dot welatlug fobik At waruhuk ulug urukon etno waruhu ari, At ebe orog-at waruhu fug-o.

1 Yohanes 2:18

Nomini-o, yi angge di angge eleg atukon etno fanggog uruk-o. Eke at antikristus, ari Kristus inim healeg werehon etno, waruhu ulug hinesanggo holtuk atikip etno hag, kidia antikristus inebe anggolo atusa-o. Anggolo atusa famen, yi angge di angge eleg amon etno fanggog uruk ulug niniluk atuk-o.