1 Korintus 1:9 - Allah Wene Hurumbik Keron

⁹ At Allahen Amloho Ninowe Yesus Kristus hinim hinindi hunduhuk welamuhuben ulug wol hisebahon etnowen At indi ebetukon etno demat suruk ulug hinahla buruk amuk-o.

1 Korintus 1:9 ပူးပေါင်းရင်းမြစ်များ

Matius 24:35

Eke bohol inim, kwean inim ari eleg aruhu oke eke An nune etno hag eleg aruhu fug-o,” ulug yig isebag.

Yohanes 17:21

Ariroho ihi ari, it obog inindi misig-at welamag ulug yig hituk ahi-o, Nikni. Eke nit Hat ninim ninebe misig-at welahe etno hag, it inebe nit ninim misig-at welamuhuken ulug yig hirihi-o. Eke it aphe kweanmon epmanowen, At Yesus Allahen demat lahapfik waharisi ulug inahla bukagsoho it An nudaki epmano inebe misig-at welamag ulug yig hirihi-o.

Roma 11:17

Ariroho wereg ari ilitoho, e misig anggen fanowon yihirukon etno inggik nin yumbuksoho amburuk atusareg fam, at ap misihen e inggik werlekon anggen yihiruk elehon etno ubulukmu imbirisi-o. Eke e werlekon etno ilitoho hit bilin Allah wene hinapeleg welatikibon epmano welahep-o. Ari fam, it inubulukmu hit e fanowon etno fam hinombisaharisimu, e fanowon omanggen etnowen hinebe oag werehep hisahakeg, eke yi angge di angge hinahla laharuk wilil hinebe suontep hisahakeg suruk-o.

Roma 8:28

Eke it At Allah obam inindi hunduhuk werehon epmano it ninen yi angge di angge dahon inobam umburuk-at oke, At Allahen fano inabiog ulug-at suruk-o. Eke it Allah udaki ari, At Allahen ahla buruk apareg-at wol isebag-o.

Roma 8:30

Eke it aphe inebe At Allahen bilin fuloko imbisebahon epmano wol inapag-o. Wol inaptuk apareg, ninim fanoroho welamuog ulug alem dahon inobam werehon etno elehep isebag-o. Ariroho suruk apareg, fobik ninim suon-at welamuhuk ulug hurumbik yig isebag-o.

Roma 9:24

Eke ariroho inebe suontep isahuk ulug fuloko imbisebareg fam, it Yahudi ap inim, it bilin Allah wene inapeleg welatuson epmano inim obog-at wol nisarisi-o.

1 Korintus 1:30

Eke At Allahen hit Kristus Yesus hinim dambuksoho hinombisaharisi-o. Eke At Kristus etno inuk fam ninindi yi angge di angge iniluk atukon epmano-at og nisarisi-o. Eke nit ninebe At Allah ninim dambule nisahakeg, eke nit At Allah udaki welamag ulug heako ninombisahakeg, eke ninebe ninili weheg suruk amag ulug At Allahen Amloho Yesus etno nit ninake belabik wapag-o.

1 Korintus 10:13

Eke hinindi kahalik wamon etno hag, it yi aphe di aphe obog-at inindi kahalik waharuk halug, hinindi oag eleg am nowen ulug, At Allahen bilin hurumbik yig hisebag etno ilitoho maha hinombisahaku-o. Eke at misihen hinindi kahalik waharuk halug, hinindi oag weregsoho welamuhuben ulug, At Allahen hinili wahu-o.

1 Korintus 10:16

Eke ambusu honanggowon nit At Allah wa yig itlug naruk aheon etno ari, At Kristus amep etno ninim hunduhuk welahe ano, eleg ano? Eke orom roti nit kuroko naruk aheon ari At Kristus ebe ninim hunduhuk welahe ano, eleg ano?

2 Korintus 1:18

Eke anden yig hisaruk wilil, nenggal inim demat inim yig hisarikik fug ari, At Allah iluk-o.

Galatia 1:15

Eke ariroho suruk atikikon oke, At Allahen nabua nearuk wilil, an nebe awan endoho eleg neyeheg fuloko nombahabareg fam, fobik at anggimbu wilil eyabuk suruk amag ulug wol naptisi-o.

Galatia 2:20

Eke an nebe At Kristus ninim e fam lenggaloko ninombisahabagma, waratuk soag oke, an niluk welahi ari, an nebe eleg-o, At Kristus etno-at nindimu iluk wereg-o. Eke kidia niluk welahi ari, At Allah Amloho-at obam ebetuk wilil niluk welahi-o. Eke At Allah Amloho nobam indi hunduhuk welapag etno fam, an nake-at warapag-o. Eke At Allah ninabua nisaruk wilil ninili wawon etno ebe werlekon neken imbisaruk ahi fug-o.

Efesus 3:6

Eke wene misig heraho welapahon bukaloko yig isarision etno duroho yig isarisi-o, bilin it Yahudi ap At Allah ahien inobam embebahon oke, kidia wene fano wene yig isil lawon etno fam it bilin Allah wene inapeleg welatuson epmano inim-at ahien inobam umburuk-o.

Kolose 1:24

Eke an hit hinake neken dahon etno nobam umburukon oke, nahientoho welahi-o. Nahientoho wilil, At Kristus etno udaki inake bilin war ariog ulug indi dag apag etno hag, an atog ilitoho neken kidia nindi dag atuk ahi-o.

1 Tesalonika 2:12

Eke hinesanggo wareheg, eke yonggon hinabeheg suruk wilil, At Allahen an weregma ninim suon welamuhuken ulug wol hinaptuk-o ulug ariroho yig hisaruk wilil, At Allah ahien hisawagsoho hit Allah wene etno ilitoho suruk amiek-o, ulug yig hisaruk atukuk-o.

2 Tesalonika 2:14

Eke niren wene fano wene yig hisarukukon etno fam At Allahen wol hinaptisi-o. Eke At Ninowe Yesus Kristus etno inim suon welamag ulug wol hinaptisi-o.

2 Tesalonika 3:3

Eke At Allahen ebahon etno ilitoho-at suhu-o. Eke Aren hit hinindi oag werehep hisaharuk wilil, at ap dag surukon hinapma seberepfuhu-o.

2 Timotius 1:9

Eke At Allahen ninili warisireg, hit an nudaki welamuhuben ulug wol ninaptisi-o. Wol ninaptisi ari, niren fano suruk nisalug, wol ninaptisi fug-o. Eke At ahla bulug-at ninabua nisaruk wilil, wol ninaptisi-o. Eke o kweanma duma awan wal haruk eleg wilil, At Yesus Kristus inuk fam ninabua nisebahon oke,

2 Timotius 2:13

Eke nit we dorat ninindimu demat ulug ebetuk aheon oke, At hag demat ulug ahla buruk wilil welaruhu-o. Eke Aren bilin ebahon etno onggarehen sohorep isaruk eleg-o.”

Titus 1:2

Eke anden wene du demat ulug yanggul isaruk ahion etno fam it apheyen niniluk welamon etno og nisahu-o ulug inindi ebetuk-o. Eke At Allah enggal uruk elehon etnowen o kweanma duma awan wal haruk eleg wilil, hini­luk welamon etno og hisahuk ulug, abug yig nisaruk apareg,

Ibrani 10:23

Eke At Allahen og hisahuk ulug ebahon etno demat og nisahu ulug ninahla buruk wilil, fanowon og nisahu ulug uruk aheon etno ninindi eberegsoho welamuk-o.

Ibrani 11:11

Eke misig at Abraham etno ebe anggog apareg wilil, uhwe Sara etno udag endebuk hai heheg oke, At Allahen hurumbik yig nitision etno demat suhu-o ulug indi ebetuk apareg, namloho misig fobik endag sahuk at-o, ulug indi ebepag.

Ibrani 2:17

Eke ariroho inilioko imbisiog ulug wapareg fam, it apheyen dag surukon sohorep isiog ulug, At Allah unde inuk suon neken wilil, apheyen At obam ebebukag ulug fanoroho yig iseheg, eke inabua seheg suruk ariog ulug, At omini ilitoho-at inambeg waharuk apareg, suruk apag-o.

Ibrani 3:1

Nomini, Kristus udaki du wai, nit hit ninim At Allahen wol nisebareg fam, At Yesus etno wene demat uruk aheon etno unde wilil inuk suon welamag ulug lahabik waharision etno hinilanggen haruk amiek-o.

Ibrani 3:14

Eke nit bilin ninindi oag weregsoho wilil Allah wene warukuk etno hag, nintul nantul-at senebuhuk halug ari, At Kristus omini-at welamuhuk-o.

Ibrani 6:18

Ariroho yig isebag etno hag, Aren hurumbik urukon etno inim, eke At inuk fam urukon etno inim yig nisaruk halug, At Allahen enggal-at ulug imbisahu fug-o. Ari halug, nit At Allahen ninili wawag ulug obam ebetuk aheon etno ninindi oag weregsoho wilil, Aren og hisahuk ulug yig nisebahon etno aso welahe-o.

1 Petrus 5:10

Eke kidia horog dorat dahon etno hinobam umburukmu, fobik At Allah ninabua nisarukon etnowen fano hinabuhu-o. Aren At Kristus hinim ilitoho wilil, hinoag weregsoho welamuhuben ulug fano hinabuhu-o.

1 Yohanes 1:3

Eke ninesanggo holtukukon etno hit-at yig hisaruk ahe-o. Eke hit ninim ninomini atlug, Allah ninim eke Amloho Yesus Kristus ninim dambuksoho welahe-o.

1 Yohanes 1:7

At Allah weregsoho o selegma laruk nisalug, ninomini obog ninim dambuksoho welahe-o. Ariroho weregma, eke ninindi dahon At Yesus Allah Amloho amep fam ho ninaptuk-o.

1 Yohanes 4:13

Eke At Allah ninindimu wereg etno alem du at-o, Aren Roh Kudus etno og nisebag-o.

Wahyu 19:11

Eke fobik boholma sok husig weregma nilanggen lahap haruk atikik­mu, wam kuda huluon misig waharisi-o. Waharukmu, wam etno amboloag fam ap misig waharisi-o. At ap waharision etno inuk Demat urukon soaleg welatisi-o. Inuk Demat soalehon etnowen aphe fano­roho-at inoag deloko imbisaruk wilil, yuhun-at o dagma imbisa­ruk atisi fug-o.