1 Korintus 1:7 - Allah Wene Hurumbik Keron

⁷ Ariroho warikipseg fam, hit o epma At Ninowe suon Yesus Kristus selegma aruhuon etno aso wilil, At Roh Kudusen og hisawon etno obog-at holarikip hisihi-o.

1 Korintus 1:7 ပူးပေါင်းရင်းမြစ်များ

Matius 25:1

Eke fobik At Yesusen yig isaruk wilil, “Fobik o ari sambit o boholma Allah weregmen sukon etno it holani nomaloen angge epmanowen sebag etno hag suhu-o. It holani epmanowen inaheral lampu ilitoho epmano holalug, at misig hwe onggo wiog ulug wapahon inim salkal uog ulug lebag-o.

Lukas 12:36

Eke it anggimbu nin at inowe hwe onggo waruk atlug suhuluk wariog ulug surukmu aso wereg etno hag, hit hinasum serlog fam keteroho wansalug, hinaheral fisako aso welamiek-o. Eke at inowe etno watlug sok kik haruk halug, dulum-at hut haruk-o.

Lukas 17:30

Eke ariroho sebag etno hag, fobik An Allahen minduhup naharision etno waruhuk ari sambit ariroho-at suhup-o.

Roma 8:19

Eke yi angge di angge wal hebahon epmano inolohore boholma lahaboho neken wilil, At Allahen udaki suontep isawon etno aso wereg-o.

Roma 8:23

Ariroho suruk ari, it yi angge di angge wal hebahon epmano inakelehen-at hinel watuk eleg-o. Eke nit bilin alem neken At Roh Kudusen og nisarision etno fobik og nisawon etno aso wilil, At Allahen At udaki mondog welamag ulug ninombisahukon etno inim, eke ninebe fanoroho suontep nisahukon etno inim aso wilil, hinel watuk ahe-o.

1 Korintus 4:5

Eke hit At Ninowe inuk suon awan waharuk eleg heheg, hiren aphe inoag del inabuk fug-o. Eke At Ninowe inuk suon etno o ari sambit waharuk aruhureg, o hubanggo neken werehon etno selegma embeheg, eke it aphe inindimuen herako ebetukon epmano selegmaroho imbiseheg suhu-o. Ariroho suruk aruhureg, At Allahen o ari sambit aphe inakeleg inakeleg ininuk suontep isahu-o.

2 Korintus 12:13

Eke an alem misig sirikikon fam hiren nobam napelegsoho hinapma nombahuog ulug suruk ahep ano? Eke hiren it aphe demat ulug ebetukon ninon hag inindi yabuk anggolo seheg, eke nit hag ninindi yabuk dorat seheg suruk atisi buruk ahep ano? An ariroho sirikikon etno onggo og nemag ulug yig hisarikik fug ari hiren nobam napelegsoho hinapma nombahiek-da. Eke an hiren og nemag ulug wene misig ari yig hisarikik fug-o. Ariroho yig hisarikik fug ari fam hiren nobam napelegsoho hinapma nombahuog ulug suruk ahep halug siek-da.

Galatia 5:5

Eke nit hag At Kristus obam ebetuk nisalug, At Allahen alem dahon ninobam werehon epmano elehepfuhu ulug ninindi ebetuk ahe-o. Eke At Roh Kudus etnowen yig nisarukmu, Aren alem dahon elehepfukon etno aso welahe-o.

Filipi 3:20

Eke it ariroho suruk oke, eke nit hag boholma lahuk ulug welahe-o. Eke At Ninowe Yesus Kristus ninili warukon etno boholmen ambik waruhu ulug aso welahe-o.

Kolose 3:4

Eke At Kristus hit hinim welahep etno fam, At ebe suon etno waharuk aruhumu, At hinim hinoag weregsoho hinombisahaku-o.

1 Tesalonika 1:10

eke At Amloho Yesus aphe waratuk ambeg epmanowen iluksoho minduhupfuruk apagma, At Allah asineyen yig nisarukmu, dil ninapahon etno boholmen waharukim aso welahebon etno inim, it aphe obog iniluk wilil yig nisaruk-o.

2 Tesalonika 1:7

Eke o fanoma ninombisahiog ulug wereg heheg, At Ninowe Yesus boholmen omalaikat oag werehon epmano inim ambik wamuhup-o.

2 Timotius 4:8

Eke o ari sambit At Allah aphe fanoroho oag del inaptukon etnowen At udaki iniluk welamon etno og niruhu oke, an-at og niruhu fug-o. It aphe inindi At Yesus inim hunduhuk wilil At wamon aso werehon epmano obog-at og nisahu-o.

Titus 2:13

Eke nit ninindi ninahientoho wilil, At Allah suon, Ninowe Yesus Kristus ninili warukon etno At ebe suon wamon etno aso wereg niseheg yanggul nisaruk-o.

Ibrani 9:28

Ariroho suruk etno ilitoho, At Kristus nit yi aphe di aphe obohen dag suruk aheon epmano elehap sukag ulug misihim-At Allah ake waroko embebag-o. Ariroho waroko embebag etno fam, fobik misihim waruhu ari, niren dag suruk aheon elehap siog ulug waruhu fug-o. Nit At wamon aso welaheon epmano ninili wiog ulug-at waruhu-o.

1 Petrus 1:13

Ari halug, hit hinindi yaharoho wilil, fobik At Yesus Kristus waruhureg, fanowon etno og nisahu, ulug hinindi ebetuk amiek-o.

1 Petrus 4:13

At Kristus welapag etno ilitoho atikipseg, hinahientoho wilil, fobik At ninim ilitoho suon amuhuk-o, ulug hinindi ebetuk amiek-o.

1 Petrus 5:4

Ariroho surukmu, eke fobik nit obog ninaso werehon etno waruhureg, hit fanoroho inaso welahebon etno suontep hisahaku-o.

2 Petrus 3:12

Ari nomini, At Ninowe horog kidia waruhu ano? ulug aso wilil, dag seheg eleg, Allah yabuk fanoroho suruk amuk-o. At Ninowe fobik waruhuon etno aso wilil, bohol etno hondok oloken eleg waruhu-o.

1 Yohanes 3:2

Nomini-o, nit Allah udaki welaheon-at oke, fobik keroho welamuhuk ulug nit awan niniluk atuk ahe fug-o. Eke At Kristus etno obam ebetuk amuhupmu, At ebe hag amuhuk-o. At etno waruhumu, ebe demat hahuk-o.

Yudas 1:21

Hit Allah hinim wilil, Hinikni hinindi hunduhuk welamuhup-o. At Yesus Kristus hit hinabuen hiniluk welamon og hisahuon etno-at aso welamuhup-o.