1 Korintus 1:4 - Allah Wene Hurumbik Keron

⁴ Eke At Allahen hinabua hisaruk wilil At Kristus Yesus og hisebahon etno anden nintul nantul hit farim Ninikni Allah wa ulug yig ituk ahi-o.

1 Korintus 1:4 ပူးပေါင်းရင်းမြစ်များ

Matius 19:11

Yig ituk apagma, eke At Yesusen yig isaruk wilil, “Wene du it ap obohen inindi ebebuhup fug-o. It At Allahen og isarukon etnowen-at inindi ebebuhup-o.

Yohanes 10:30

Eke nit An Nikni ninim ninebe misig-at welahe-o,” ulug yig isebag.

Yohanes 14:14

Ariroho suruk wilil, hiren An ninuk fam duroho sin-o, ulug uruk hisalug, suhuk at-o,” ulug yig epag.

Yohanes 14:16

Ariroho suruk hisalug, At Roh Kudus etno At An Niknien og hisawag ulug obam sembahyang uruk aruhukmu og hisahu-o. Og hisaruk halug, At Roh Kudus Yalmag hinaptukon etno nintul nantul hinim wilil, Aren wene demat uruk amon etno yig hisaruk aruhu-o.

Yohanes 14:26

Eke fobik hag, At Yalmag hinaptukon Roh Kudus An ninuk fam Niknien lahapfik waruhumu, Aren yi wene di wene epmano obog-at yanggul hisaruk halug, hit At Yesusen wene etno obog-at yig nisarisi ulug hinindi ebebuhup-o.

Yohanes 15:26

Yig isaruk apareg, eke fobik yig isaruk wilil, ‘Fobik At Roh Kudus Yalmag hinaptukon etno waruhu-o. Waharuk aruhureg, Aren wene demat uruk amon etno yanggul hisahu-o. Eke At Roh Kudus etno At Nikni inim inebe misig-at werehon oke, At Nikni wereg ambeg epmen lahapfik waharuk aruhukmu, Aren An nawene etno-at yig hisaruk aruhu-o.

Kisah Para Rasul 11:23

Laruk apareg, At Allahen aphe duma ahien arat inobam imbisi, ulug ahla buruk apareg, yig isaruk wilil, “Hit hinindi At Ninowe Yesus obam ebetuk wilil, hinim hinindi hunduhuk welamiek-o,” ulug yig isebag.

Kisah Para Rasul 21:20

Yig isarukmu, it epmano inesanggo holtuk atusareg, it obohen At Allah inuk suontepfurusa. Suontepfuruk atusareg, at Paulus yig ituk wilil, “Ninomin-o, kidia nit dumen surukukon yig himul-o. It Yahudi ap epmano inebe beribu ribu Yesus inuk warusareg oke, it at Musaen wene duroho suruk amuk eke duroho suruk am fug ulug ebahon etno-at senetuk-o.

Roma 1:8

Nomini-o, an wene misig du yig hisik-o. It o ahik ya da epmanowen it Roma aphe Allah wene fanoroho waruk-o, ulug il nuruk isalug, an At Yesus Kristus inuk fam Ninikni Allah wa ulug yig ituk ahi-o.

Roma 6:17

Eke hiren At Allah wa ulug yig ituk amuk-o. Eke hit o amuk at alem dag surukon etno anggimbu neken welatikibon oke, kidia wene etno warikipseg, wene demat yanggul nisarukon du ninesanggo holtug ilitoho-at suruk amuk-o, ulug hinahientoho ebetuk ahep-o.

1 Korintus 1:3

Eke At Ninikni Allah inim, eke Ninowe Yesus Kristus inuk suon etno inimen hinabua hisaruk wilil, hinim welamag ulug yig hisehe-o.

1 Timotius 1:14

Nabua nearuk atisireg, At Ninowe etnowen nit At Kristus Yesus ninim welaheon epmano Aren angge anggolo og nisarisireg, Allah wene demat ulug ebetukon etno inim, eke aphe ninindi hunduhuk welaheon etno inim og nisaruk-o.