1 Korintus 1:30 - Allah Wene Hurumbik Keron

³⁰ Eke At Allahen hit Kristus Yesus hinim dambuksoho hinombisaharisi-o. Eke At Kristus etno inuk fam ninindi yi angge di angge iniluk atukon epmano-at og nisarisi-o. Eke nit ninebe At Allah ninim dambule nisahakeg, eke nit At Allah udaki welamag ulug heako ninombisahakeg, eke ninebe ninili weheg suruk amag ulug At Allahen Amloho Yesus etno nit ninake belabik wapag-o.

1 Korintus 1:30 ပူးပေါင်းရင်းမြစ်များ

Matius 1:21

Eke udag ebe endetuk halug, inuk Yesus-at soaluhun-o. Eke it apheyen dag surukon elegsoho apma imbisalug inili wahu halug, inuk ari-at soaluhun-o.

Lukas 11:49

Eke At Allah yi angge di angge obog ilukon etnowen amuk yig isaruk wilil,

Lukas 21:15

Eke Anden hinindi enggatep hisahalug, yig hisarukmu, it hinim healeg welamuhubon epmanowen wene onggo yig hisao hai atuken, hinenggal uruk ahep ulug yig hisahup fug-o.

Yohanes 1:18

Eke ap misihen At Allah ebe haruk eleg oke, At Allah Amloho misig-at inim werehon etnowen At Allah ebe duroho wereg ulug selegmaroho yig nisebag-o.

Yohanes 14:6

Ariroho wereg neyeheg, it yi aphe di aphe epmano An Nikni ambeg luog ulug suruk isalug, Anden-at og inaplug laruk ahi-o. Ariroho og inaplug laruk neyeheg, iren An sohorep nahalug lao ari hai-o.

Yohanes 17:26

Eke iren Hat hebe iniluk amag ulug Hat hawene bukaloko yig isaruk atikik etno ilitoho yig isaruk aruhuk-o. Ariroho yig isaruk aruhuk etno fam, Haren An nebe hindi hunduhuk welahen etno hag, it inebe hindi hunduhuk welamag ulug yig isaruk aruhuk-o. Ariroho yig isaruk wilil, An it ninim ninindi misig-at hunduhuk welamuhuk-o,” ulug yig isebag.

Yohanes 17:8

Eke wene Haren og nitikinon etno yig isaruk atikikmu, iren eberoko warusareg, At Yesus etno At Allahen lahabik waharisimu, ebe At Allah wereg ambeg epmen demat waharisi hehe-o, ulug iniluk atisi-o.

Yohanes 8:12

Eke fobik At Yesus etnowen yig isaruk wilil, “It aphe kweanmon duma selehap inaptukon etno An at-o. Eke it yi aphe di aphe obog-at An mug naplug laruk etno fam, o seleg iniluk welamon etno holahupseg, o hikmu laruk amuhup fug-o,” ulug yig isebag.

Kisah Para Rasul 26:18

Eke haren it aphe o hikmu neken werehon epmano inebe selegmaroho imbisaruk wilil, iniluk inabukag ulug minduhup hahakireg fam, it inebe at iblis apma werehon epmano sohorep isalug, At Allah apma imbisahun-o. Ariroho suruk aruhunmu, it aphe obohen An ninuk eberoko waruk wilil, iren dag suruk atuson epmano sohorep isalug, At Allahen fuloko imbisebareg fam, At udaki-at welamuhup-o,’ ulug At Yesusen yig nitisi-o,” ulug eke at Paulusen yig isarisi.

Roma 1:17

Eke o amuk wene holal balfahon etno fam yig nisaruk wilil, “It aphe inindi werehon epmano At Allah obam ebetuk isalug, alem dahon inobam werehon etno elehepfulug fanoroho ninim welamuhuken ulug dambuk inabuhu-o,” ulug wene holal balfag etno ilitoho, kidia, “It aphe wene fano wene etno eberoko waruk isalug, ari fam At Allahen alem dahon inobam werehon epmano elehepfulug fanoroho imbisahu-o,” ulug wene fano wene etnowen bukaloko yig nisaruk-o.

Roma 11:36

Eke yi angge di angge epmano obog bilin At Allahen-at wal hebareg fam, kidia inebe werehep isaruk-o. Eke yi angge di angge epmano At inuk su amag ulug-at wereg-o. Ari halug, niren nintul nantul Allah inuk-at suontepfuruk amuk-o.

Roma 12:5

Eke ari hag, nit Allah udaki epmano ninebe anggolo welahe oke, At Kristus ninim wilil, nit At ebe misig-at neken welahe-o. Ariroho weregma, nit ninakeleg sik At inggik iog sele neken welaheon epmano ebe etno fam dambuksoho ninombisaharuk-o.

Roma 16:11

Eke at ap misig an nungguluahon inuk Herodion etno inim, eke at Narkisus omini At Kristus awene waruson epmano inim obog-at heahi war inaptuk amuk-o.

Roma 16:7

Eke it ap an nungguluahon ininuk Andronikus Yunias etano, ninim o aphe dahon imbisaruk ambeg hele waroko kolap nisaharuson etano inim-at heahi war inaptuk amuk-o. Eke an At Kristus awene etno awan waruk eleg neyeheg it etanowen bilin warusareg fam, it ap mondep isebahon epmanowen it inebe iniluk-o.

Roma 4:25

Eke niren dag surukon epmano ninake war amag ulug fuloko embebareg, nit alem dahon ninobam werehon epmano elehep nisahalug, At Allahen ninim dambuksoho ninombisahiog ulug iluksoho minduhupfebag-o.

Roma 4:6

Eke ap onggarehen fano saruk elehon etno alem dahon obam wereg halug, At Allahen elehepfuruk ari fam, at Dauden ap du At Allah ahien haruk-o, ulug uruk apareg, eke fobik uruk wilil,

Roma 5:19

Eke at ap misihen Allah une holuk sohorep isalug, dag sebag etno fam it aphe obog-at dag suruk apag etno hag, at misihen Allah une holtug fano sebag etno fam it aphe obog At Allah inim fanoroho welamag ulug dambul inapag-o.

Roma 5:21

Eke ari halug, alem dag surukon etnowen alem waratukon oag werehepfebag etno hag, alem At Allahen ninabua nisarukon etnowen alem dahon ninobam weregma elehepfukon etno oag werehepfuruk-o. Eke ariroho alem dahon ninobam weregma elehep nisaharisireg, At Yesus Kristus inuk fam ninitog mondog niniluk welamon etno-at og nisaruk-o.

Roma 8:1

Eke ari halug, it At Kristus Yesus inim werehon epmano onggo o dagma imbisahu fug-o.

Roma 8:23

Ariroho suruk ari, it yi angge di angge wal hebahon epmano inakelehen-at hinel watuk eleg-o. Eke nit bilin alem neken At Roh Kudusen og nisarision etno fobik og nisawon etno aso wilil, At Allahen At udaki mondog welamag ulug ninombisahukon etno inim, eke ninebe fanoroho suontep nisahukon etno inim aso wilil, hinel watuk ahe-o.

Roma 8:9

Eke hit hag, kweanmen sukon etno mutlug laruk ahep fug du, At Roh Kudusen yig hisarukon etno-at mutlug laruk ahep-o. Eke At Roh Kudus etno hinindimu-at wereg-o. Eke ap misig At Roh Kudus indimu elehon halug, At Kristusen angge eleg-o.

1 Korintus 1:2

Eke hit Allah udaki o Korintus welahebon du At Allahen At Yesus Kristus inuk fam hinakeleg-at hinombisahakeg, eke At Allah udaki wilil hinakeleg welamuhuben ulug wol hiseheg suruk atision etno hit inim, eke it yi aphe di aphe ninim obog-at Ninowe Yesus Kristus inuk suontepfuruk aheon etno inim, wene holal du baloko hinombisaharuk ahe-o.

1 Korintus 1:24

nit At Allahen wol nisarukon epmano, Yahudi ap inim, Yunani ap inim obog-at dambuksohoen, wene ari At Kristus inuk-at yig nisaruk-o, eke At Kristus etnowen Allah oag weregsoho surukon etno inim, eke At Allah indi ilukonen ahla burukon etno inim obog-at dindiloko yig nisaruk-o, ulug ninahla buruk ahe.

1 Korintus 12:18

Ari eleg-o. At Allah indi ebetuk apareg, ninebe ninobam werehon obog-at wal nisebag-o.

1 Korintus 12:27

Eke hit epma hinebe dambuksoho At Kristus ebe misig-at wilil, hinebe hinakeleg sik At Kristus ebe atog atog neken welahep-o.

1 Korintus 12:8

Eke it aphe inindi wereg amag ulug wene yig isarukon etno At Roh Kudusen ap misig og ituk-o. Eke it aphe yi angge di angge alem iniluk amag ulug wene yig isarukon etno At Roh Kudusen ap misig og ituk-o.

1 Korintus 4:15

Eke hit Kristus inuk fam yanggul hisil nurukon ari ap inebe anggolo-at wereg oke, at hinikni neken ebe misig-at wereg-o. Eke anden At Kristus Yesus inuk etno yig hiseheg, eke wene fano wene yanggul hiseheg suruk atikikon epmano fam fano hinaptisi-o.

1 Korintus 6:11

Eke hit nin ariroho dag suruk atikibon oke, eke At Allahen Ninowe Yesus Kristus inuk fam At Roh Kudus etno og hisaruk wilil, hinindimu dag suruk atikibon epmano ho hinabeheg, eke hinebe Aren angge ulug akeleg-at hinombisahakeg, eke alem dahon hinobam werehon epmano hinili oko elehepfeheg suruk atisi-o.

2 Korintus 12:2

Eke at ap Kristus awene warukon misig etno an niluk-o. Eke at ap etno empat belas tahun bilin welahoahon epmano fam ebe o boholma-at walug lahabag-o. Walug lahabag ari demat walug lahabagma yig hisamin ano, we i og hebahon etno farim yig hisamin ano an napeleg-o, At Allah akeleg-at iluk-o.

2 Korintus 4:6

Eke amuk At Allahen uruk wilil, “O hik wereg ambeg epma seleg amag-o,” ulug ebag etno hag, kidia ninindimu Aren o seleg etno og nisaruk-o. Eke o seleg og nisarukon etno At Yesus Kristus olohotmen fisag ninaptuk wilil, At Allah etno abikag suruk wilil alon werehon-at wereg-o, ulug niniluk amag ulug yig nisaruk-o.

Galatia 1:4

Eke o dagma welahe ambeg dumen ninili wawag ulug At Ninikni Allahen ahla buruk apareg fam, At Kristus nit dag suruk aheon ninonggo bal ninabiog ulug warapag-o.

Galatia 3:13

Eke At Kristus etno wene homali nit ninobam werehon etno At obam ombatebareg fam, it Yahudi aben wene duroho suruk amuk eke duroho suruk am fug ulug ebahon etnowen homali ninobam embebahon etno elehepfebag-o. Eke ari halug, at Alkitab etno fam yig nisaruk wilil, “At ap misig e fam lenggaloko werehon halug, homali etno obam wereg-o,” ulug yig nisarukon etno wereg halug, At Kristus etno ninake ariroho sebag.

Efesus 1:10

Eke Aren hurumbik dindiloko yig nisebahon etno ilitoho-at suruk aruhu-o. Eke Aren sukon etno arat fanggog ik waharuk aruhumu, yi angge di angge boholma kweanma obog-at wal hebahon epmano At Kristus Ninowe suon welamag ulug dambuksoho ninombisahaku-o.

Efesus 1:14

Eke At Roh Kudus etno og hisarisireg fam, At Allahen it nudaki ari fanowon etno og hisahuk ulug abug yig nisebahon etno demat og nisahu ulug ninindi ebetuk wilil, At Allahen aphe At udakion ninili oko suontep nisahaku-o, ulug ninindi ebetuk ahe-o. Eke niren At inuk-at suontepfuruk amuk-o.

Efesus 1:7

Eke At Kristus etno amep deloko umbulug warapareg fam, nit hag ninili waruk wilil, dag suruk aheon epmano sohorep isalug, ninobam ninapelegsoho At apma ninombisaharuk-o.

Efesus 2:10

Eke At Allahen ninebe wal haruk apareg, fobik At Kristus Yesus ninim dambuk ninapareg fam, niren fanoroho sukag ulug ninebe ninindi inim keron wal harisi-o. Eke nit ariroho ninobabut fano welamag ulug Aren-at fuloko ninombisahabag-o.

Efesus 4:30

Eke At Roh Kudus hinindimu werehon etno olohore dahapfuk fug-o. Eke At Allahen hinili wahuon etno hinindimuen demat ulug hiniluk amag ulug At Roh Kudusen hinindimu yig hisaruk-o.

Efesus 5:26

it inebe ik etno fam ho inaptuk apareg, At Allah udaki inakeleg-at welamag ulug At awene etno yig isaruk wilil inakeleg-at fuloko imbisebag-o.

Filipi 3:9

an nebe fanowon-at welahi-o, ulug uruk etno hag, an nonggarehen nebe fanowon welahi ulug uruk ahi fug-o. Eke ariroho uruk eleg wilil, At Kristus inuk eberoko warikik etno fam At Allahen an nindi fanoroho welamon etno og nitisimu, At Kristus inuk fam an fanowon welahi-o ulug uruk ahi-o.

Kolose 1:14

At Amloho indi hunduhukon etno ninili wawag ulug og nisebareg fam, Aren nit dag suruk aheon epmano sohorep isalug ninapelegsoho apma seberoho imbisarisi-o.

Kolose 3:16

Eke At Kristusen ebahon wene etno mondog hinindimu ebereg welamag-o. Eke at misihen yanggul hiseheg at misihen yanggul hiseheg, hinindi hiniluksoho wilil, Allah wene uruk amuhup-o. Eke di etno uruk wilil, i-u inim, enggangga inim, hinune fanoroho uruk amuhup-o. Eke At Ninikni Allah wa ulug, hinahla buruk wilil, di uruk amuhup-o.

1 Tesalonika 5:23

Eke At Allah fanoroho dambuk ninaptukon etnowen hinobabut fanorep hisahaku-o. Eke At Ninowe Yesus Kristus waruhu ari sambit fanoroho welamuhuben ulug At Allahen hinebe inim, hinindi inim, hinahurangge inim fanorep hisahaku-o.

Titus 2:14

Nit yi dag di dag suruk aheon epmano onggo baloko ninili weheg, eke it fano mondog suk ulug inahla ebetukon epmano At udaki obog-at welamag ulug ho ninabeheg sukag ulug ninake og nisebag-o.

Ibrani 9:12

Eke At Kristus ebe o Aren yabuk suruk ambeg epmano kuruk apareg, o bilin inuk Mondog Usabaharik welapag etno hag wereg ambeg epmano inggik misihim-at mondog mondog kebag-o. Kuruk wilil, Aren Allah ake imbiog ulug wam kambing inim, sapi udag inim inamep walug wapag fug-o. At amep etno-at walug waharuk apareg, nit ninebe ninili oko niniluk mondog welamon etno-at og nisebag-o.

Yakobus 1:5

Eke at misig indi fanoroho ebetuk elehon hinim wereg hisalug, At Allah obam sembahyang uruk wilil, “Nindi fanoroho ebebukon etno-at og nimin-o,” ulug sembahyang urukmu, At Allah yi angge di angge anggolo og nisarukon etnowen og hiruhu-o.

1 Petrus 1:2

At Allahen indi bulug fuloko hinombisaharisi etno, At Allah Roh Kudusen hinindi fano hinabukag ulug, At Yesus Kristus une holtuk hisalug, At amep fam ho hinaptisi-o. Eke kidia At Allahen ahien hinobam umburuk amag ulug sembahyang uruk ahi-o.

2 Petrus 1:1

Nomini-o, At Ninikni Allah Ninowe Yesus inimen fuloko hinombisaharisimu, hit nit ilitoho Allah wene fanowon etno warukmu, an Simon Petrus, Yesus omin wilil, Allah wene yig isil nuruk amag ulug mondep naharision etnowen holal du bal hisihi-o.

1 Yohanes 5:6

Eke at kweanma wapahon ari, At Yesus Kristus wapag, ik inim, amep inim walug wapag, ari ikma belapfebahon etno inim, amep deloko embebahon etno inim walug wapag. Ik-at walug wapag fug, we biren eta ik inim, amep inim walug wapag. Walug wapag ari, At Roh Kudus etnowen demat walug wapag ulug yig nisaruk-o. Eke yig nisaruk ari At Roh Kudus etnowen demat ulug yig nisaruk-o.

Wahyu 14:4

Inebe seratus empat puluh empat epmano inuhwesi holeheg eleg-at ap elege neken welatusa-o. Ariroho wilil, At Wam Domba Udag etno laruk ambeg epmano-at inim mutlug larusa-o. Ariroho laruk atusareg fam it aphe kweanmon inanggelegmen inili oko, inowesi bilinon neken At Allah inim, eke At Wam Domba Udag etno inim og isarusa-o.

Wahyu 5:9

Ininggikmu senetuk atusareg, di keron misig uruk wilil, “Hat hag holal baleg etno walug, hele homahowon etno yumbuk suk hoag wereg-o. Hat hebe howatuk apagma, aphe inake waratuk senareg fam, o ahik ya da inune inakeleg sik urukon inim, inungguluag dombog yi aphe di aphe obog inim At Allah og umon in­onggo baliog ulug amburuk senag-o.