1 Korintus 1:21 - Allah Wene Hurumbik Keron

²¹ Eke At Allah etno indi iluk mondog wilil, Aren it ap o kweanmen ninindi wereg ulug inahla burukon epmano fam An nebe iniluk am nowen ulug urunanggerep isaruk apareg, niren wene yig isaruk aheon etno bilin wene du hai neken burukukon oke, At Allahen wene ari fam aphe nin demat ebetuk nisalug, inili og inabuhuk ulug ahla bebag-o.

1 Korintus 1:21 ပူးပေါင်းရင်းမြစ်များ

Matius 11:25

Eke fobik o ari sambit At Yesusen uruk wilil, “Nikni-o, Hat hebe boholma kweanma Inikni suon at welahen-o. Ariroho wilil, Haren it ap An niluk ulug inahla burukon epma­no yig isao sohorep isalug, it inapelehon epmano yanggul isa­ri­kin ari famen wa ulug yig hituk ahi-o, Nikni.

Lukas 10:21

Eke fobik At Yesus etno Roh Kudus etno indimu kuruk apagma, ahien anggolo haruk apareg, uruk wilil, “Nikni-o, Hat hebe boholma kweanma Inowe suon welahen-o. Ariroho wilil, Haren it ap An niluk ulug inahla burukon epmano yig isao sohorep isalug, it inapelehon epmano yanggul isarikin ari famen wa ulug yig hituk ahi-o, Nikni. Haren hahien isaruk wilil, fuloko imbisarikinteg yig isarikin-o.

Lukas 12:32

At Yesusen yig isaruk wilil, “Hit udag doron dia, hinakol ha fug-o. At Hinikni etnowen fobik ahientoho At wereg ambeg hinombisahaku-o.

Yohanes 12:31

Eke kidia it aphe kweanmon oag deloko imbisawon etno arat fanggog uruk-o. Ariroho fanggog uruk wilil, at iblis o kweanma duma inikni suon neken welapahon etno oag elehepfukon etno inim arat fanggog uruk-o.

Roma 1:28

Eke it At Allah demat urukon etno ninambit-o ulug, at obam ebetuk eleg famen, At Allahen ariroho suk fug ulug ebahon oke, ariroho-at sil nuruk amag ulug inindi elegsoho imbisebag.

Roma 11:33

Eke At Allahen ahla burukon ari mondog suon neken-at wereg-o. Eke At ebe indi oag werehon etnowen yi angge di angge alem obog-at iluk wereg-o. Eke Aren duroho suhuk ulug ahla burukon etno at sen alem heahaku-o? Eke alem ariroho suhuk ulug indi ebetukon etno sen aren baluhu-o?

1 Korintus 1:18

Eke it aphe dag surukon o dagma lahubon epmanowen at ebe e fam lenggaloko embebahon wene ari we hai neken inahla buruk oke, nit At Allahen ninili og ninaptukon epmanowen wene du fam At Allahen oag weregsoho ninili og ninaptuk ulug ninahla buruk ahe-o.

1 Korintus 1:23

eke nit hag At Kristus Yesus e fam lenggaloko embebagma warapahon wene etno obog-at dindiloko yig isaruk ahe-o. Wene yig isaruk aheon ari fam it Yahudi aben wene du ninambit ulug urukon epmano inim, eke it Yunani aben wene du hai wene uruk ulug urukon etno inim obog-at wereg oke,

1 Korintus 1:24

nit At Allahen wol nisarukon epmano, Yahudi ap inim, Yunani ap inim obog-at dambuksohoen, wene ari At Kristus inuk-at yig nisaruk-o, eke At Kristus etnowen Allah oag weregsoho surukon etno inim, eke At Allah indi ilukonen ahla burukon etno inim obog-at dindiloko yig nisaruk-o, ulug ninahla buruk ahe.

1 Korintus 1:25

Eke it apheyen an nindi wereg-o ulug inahla burukon epmano doron-at-o, eke At Allahen ahla burukon etno hag suon-at wereg-o. Eke At Allah oag eleg neken surukon ari oag werehon at-o, eke it apheyen inoag weregsoho surukon ari mondog oag eleg-o.

1 Korintus 1:27

Eke it ap ninindi wereg ulug inahla burukon epmano inenggali war inabiog ulug At Allahen kweanma kimbu angge neken werehon epmano imig inapag-o. Eke it ninoag wereg ulug inahla burukon epmano inenggali war inabiog ulug At Allahen it oag elehon neken-at imig inapag-o.

1 Korintus 11:32

Eke nit ninebe it aphe kweanmon ninim dambuksoho oag del ninaplug ninusuk nowen ulug, At Ninowe etnowen ninesanggo waroko motoho ninombisaharuk-o.

1 Korintus 2:14

Eke at ap misig Roh Kudus indimu eleg wilil, alem amukon ebetukon halug, At Roh Kudusen yig nisarukon etno demat ulug eberoko wao ari hai-o. Eke nit At Roh Kudus etnowen yig nisarukmu waon oke, at ap etno urunanggeroho neken ahla buruk wilil, wene etno alem heahuk hai atuken weheg eleg wereg-o.

1 Korintus 4:10

Eke At Kristus awene yig isil laruk ahe etno fam nit etno ninindi kimbu neken-at welaheon oke, eke hit hag At Kristus inuk fam hinindi weregsoho welahep-o. Eke nit ninebe ninoag elehon-at oke, hit hag hinoag wereg-o. Eke hit suontep hisaharuk wilil, nit hag kimburep nisaharuk-o.

1 Korintus 6:2

Eke nit Allah udakion epmanowen it aphe kweanmon inoag del inabuhuk etno hinapelehen suruk ahep ano? Eke ari halug, hiren it aphe kweanmon epmano inoag del inabuhubon oke, keroho ulug alem doron epmano heahuk hinapeleg atuk ahep-o?

Galatia 1:15

Eke ariroho suruk atikikon oke, At Allahen nabua nearuk wilil, an nebe awan endoho eleg neyeheg fuloko nombahabareg fam, fobik at anggimbu wilil eyabuk suruk amag ulug wol naptisi-o.

Galatia 4:8

Eke hit bilin At Allah hinapeleg wilil, du kwanangge oag werehon ulug inanggimbu welatikip-o.

Efesus 1:9

Eke ariroho suruk apareg fam, At Kristus eyabuk suruk etno fam an nahla buruk ahion etno suhuk-o, ulug bilin herako neken ahla bebahon oke, fobik nit niniluk amag ulug dindiloko yig nisebag-o.

Efesus 3:10

Eke At Allah yi angge di angge obog wal hebahon etno bilin wene du heraho welamag ulug dugsoho embebahon oke, eke kidia At awene warukon epmanowen it malaikat inim, eke it inowesi boholmon inim, At Allah yiroho diroho suruk ilukon etnowen ahla buruk atlug, duroho suruk-o, ulug iren iniluk amag ulug yig isaruk-o.

Kolose 1:19

Eke At Ikni Allah etno ahla buruk wilil, At Kristus an hahon-at wereg-o, ulug yig nisaruk-o.

Ibrani 1:14

Ari halug, it malaikat etno sa ilitoho wereg buruk ahep-o? It inebe ari, aphe inahut neken wilil, At Allah inuk yig isarukon At anggimbu-at wereg-o. Eke it aphe inili holahubon etno inaso welamag ulug At Allahen-at lahap isaruk-o. Ariroho lahap isaruk halug, it ineyabuk ari-at wereg-o.

Ibrani 2:3

Ari halug, nit kidia wene fanowon du ninahap wendatukon etno ebetuk eleg wilil, keroho ninili holalug wilip amuhuk buruk ahep-o? Ari eleg-o. Wene hinili wawon etno du at-o, ulug At Ninoweyen yig isaruk apagma, it nin inindi ebepahonen wene du demat-o ulug nit yig nisebag.

Ibrani 7:25

Eke At ebe etno itog mondog wilil, kidia inim, fobik inim, it aphe inili wiog ulug og inaplug At Allah ambeg imbisa laheg, eke inake At Allah obam kino yig ereheg suruk wilil, ebe mondog iluk welaruhu-o.

Yakobus 4:4

Eke hit hinindi fanoroho ebetuk ahep fug-o. It kweanmen dag surukon epmano ninim dambuksoho wereg nisalug, At Allahen sohorep nisaharuk-o. Eke it kweanmen dag surukon epmano nomin ulug inim wereg isalug, ari At Allah inim healeg wereg-o.

Yakobus 5:15

Uruk amuhupmu, demat ulug inindi ebetuk isalug, At Ninowe etnowen ap etno fano suhu-o, fano suruk aruhureg, ap etnowen dag surukon epmano sohorep isalug, obam apelegsoho apma umbuhu-o.

Yakobus 5:20

Eke hiren ap dahan fahan sil nurukon etno onggalem mot amag ulug indi werehap suruk hisalug, ap etno ebe ili oko aren yi dag di dag surukon epmano sohorep isalug, obam apelegsoho apma umbuhu-o. Eke ari halug, hit obog alem ari fam hinindi fikfag ebetuk amiek-o.