1 Korintus 1:20 - Allah Wene Hurumbik Keron

²⁰ Ari halug, it ap ninindi wereg ulug inahla burukon epmano inebe kema welamuhup-o? Eke it ap nit wene unde welahe inahla burukon epmano inebe kema welamuhup-o? Eke it o dumen aphe inesanggo watukon ari o kema welamuhup-o? Eke it o kweanmen ninindi wereg ulug inune urukon epmano At Allahen arat urunanggeroho imbisarisi-o.

1 Korintus 1:20 ပူးပေါင်းရင်းမြစ်များ

Matius 13:22

Eke i angge isinggama kililtil lebag etno hag ari, it nin wene inesanggo holtuk atlug oke, inindi seneni ebetukon etno inim, eke yi angge di angge holawon ebetukon etno inim, it inindi ariroho yi angge di angge kweanmon ebetukon ari obog-at inindimu anggen yihikup fug-o.

Yohanes 12:31

Eke kidia it aphe kweanmon oag deloko imbisawon etno arat fanggog uruk-o. Ariroho fanggog uruk wilil, at iblis o kweanma duma inikni suon neken welapahon etno oag elehepfukon etno inim arat fanggog uruk-o.

Kisah Para Rasul 17:18

Ariroho suruk atusama, it ap Epikuros wene etno inim Stoa wene etno inim yanggul isarukon epmano inimen inune ayeg waroko uruk wilil, “At ap kimbu angge du nit nongge yig nisiog ulug uruk-o?” ulug uruk atusareg, it nin At Allah ninapelehon ahusa alem etno farim yig nisaruk ano, ulug at Paulusen Yesus Allahen minduhupfirision wene etno yig isarukmu ariroho yig itusa.

Roma 1:20

Eke At Allah yi angge di angge wal hebahon epmano fam At abug yig isarukmu, iren At Walhan oag weregsoho itog mondog werehon etno enggag haruk apag-o. Eke Aren yi angge di angge wal hebahon epmano inilanggen haruk apareg, At itog mondog werehon etno enggag haruk ahe-o ulug inahla buruk wilil oke, seberoho umburukon etno fam inenggali watuk halug, inune eleg-at bok amuhup-o.

Roma 1:22

Eke it epmanowen nit niniluk-o ulug ininuk suontepataruk oke, inapeleg-at wilil urunanggeroho il nuruk-o.

1 Korintus 1:19

Eke wene misig Alkitab fam weregma yig nisaruk wilil, “It ap An nindi wereg-o ulug inahla burukon inune ari mondog oag elehap suhuk-o. Eke it ap nin An wene unde wilil nindi niluk-at inahla burukon epmano inune ari Anden sohorep isahuk-o,” ulug wene ari amuk-at holal balfag-o.

1 Korintus 1:26

Eke hit bilin At Allahen wol nisarukmu, keroho welatukuk ulug hinahla buruk amiek-o, nomini. Eke it aphe inil fam hit hinindi elehon inim, eke hit hinoag elehon inim, eke hit ap kimbu angge epmano udaki neken welatikip hisihi-o.

1 Korintus 1:27

Eke it ap ninindi wereg ulug inahla burukon epmano inenggali war inabiog ulug At Allahen kweanma kimbu angge neken werehon epmano imig inapag-o. Eke it ninoag wereg ulug inahla burukon epmano inenggali war inabiog ulug At Allahen it oag elehon neken-at imig inapag-o.

1 Korintus 1:28

Eke it apheyen ap du kimbu angge ulug inambilik butuk urukon epmano inim, eke ap du haion ulug inahla burukon epmano inim, eke du ebe elehon ulug inahla burukon epmano inim, obog At Allahen imig inapag-o. Eke ariroho sebag ari it aphe kweanma dumen du suon ulug inahla burukon epmano alem elehepfiog ulug At Allahen ap doron epmano imig inapag.

1 Korintus 11:32

Eke nit ninebe it aphe kweanmon ninim dambuksoho oag del ninaplug ninusuk nowen ulug, At Ninowe etnowen ninesanggo waroko motoho ninombisaharuk-o.

1 Korintus 2:6

Eke anden wene iniluk amon etno-at yig isaruk ahi-o. Eke it kweanmon epmano kidia suon neken wereg oke, fobik inoag eleg amuhubon epmanowen inune enggatsoho ukon etno sohorep isalug, anden it inindi werehon epmano wene iniluk amon etno-at yig isaruk ahi-o.

1 Korintus 2:8

Eke wene ari, it o duma inune suon urukon epmanowen iniluk apag fug-o. Wene ari iniluk atlepmen, iren Ninowe inuk suon etno e fam lenggaloko embelep fug-o.

1 Korintus 3:18

Eke hit hinonggareg hinune hinenggal-at hinobam ombataruk am fug-o. Eke ap misig hit hinim welahebon etnowen, “Ap o kweanma nindi werehon an-at welahi-o,” ulug indimu ebetuk halug, ap etno demat indi wereg amag ulug bilin ebe kimbu neken welamag-o.

1 Korintus 3:19

Eke it ap kweanma dumen ninindi werehon nit-at ulug inahla burukon ari At Allahen inobabut kimbu neken-at ilanggen isaruk-o. Eke ari halug, at Alkitab etnowen yig nisaruk wilil, “It ap ninindi wereg ulug inahla burukon epmanowen alem neken inobam ombataruk isalug, bak sapnama waratuk etno hag, At Allahen sen inaptuk-o.”

1 Korintus 6:2

Eke nit Allah udakion epmanowen it aphe kweanmon inoag del inabuhuk etno hinapelehen suruk ahep ano? Eke ari halug, hiren it aphe kweanmon epmano inoag del inabuhubon oke, keroho ulug alem doron epmano heahuk hinapeleg atuk ahep-o?

Yakobus 4:4

Eke hit hinindi fanoroho ebetuk ahep fug-o. It kweanmen dag surukon epmano ninim dambuksoho wereg nisalug, At Allahen sohorep nisaharuk-o. Eke it kweanmen dag surukon epmano nomin ulug inim wereg isalug, ari At Allah inim healeg wereg-o.