1 Korintus 1:10 - Allah Wene Hurumbik Keron

¹⁰ Nomini-o, hit hit healeg welahep ha nowen hinune uruk ahebon etno misig-at uruk amuk-o. Eke hinahla buruk ahebon epmano inim, eke hinindimu ebetuk ahebon epmano inim misig-at amag ulug anden At Ninowe Yesus Kristus inuk suon etno fam yig hisaruk ahi-o.

1 Korintus 1:10 ပူးပေါင်းရင်းမြစ်များ

Matius 9:16

Eke sum amukon etno dag atuk halug, ket yihikon inim selebensuk ari hai-o. Ket yihikon etno wereg heheg, amuk yihikon etno libiloko amburuk wilil, fobik ele su aruhu-o.

Markus 2:21

eke fobik yig isaruk wilil, “Sum amukon etno dag atuk halug, keron inim seleben suk ari hai-o. Ariroho suhup halug, ket yihik ambeg etano wereg heheg, amukon yihikon etano delep atuk aruhureg, fobik mondog suon-at delep aruhu-o,” ulug yig isaruk apareg,

Markus 3:24

“O ahik misihon it minggiroko wilil umayirluk aptuk isalug, inoag eleg aruhu-o.

Yohanes 10:19

Ariroho yig isaruk apagma, it Yahudi ap epmanowen Aren yig isebahon etno fam inebe healeg neken welapag.

Yohanes 17:23

Eke Hat An ninim welahe etno hag, An it ninim wereg nealug it obog inebe misig-at welamag ulug yig hirihi-o. Eke ariroho wereg isalug, it aphe kweanmon epmanowen inahla buruk wilil, At Allahen Amloho indi hunduhuk welatisi etno hag, udaki obog indi hunduhuk wereg-o. Eke At Yesus ari Allahen demat lahabik waharisi-o, ulug inahla buruk wilil iniluk amag ulug yig hirihi-o Nikni.

Yohanes 7:43

Ariroho dahan fahan uruk wilil, it aphe wonggalfahon etno At Yesus farim inebe healeg neken welapag.

Yohanes 9:16

Yig isaruk apagma, it Farisi ap nin etnowen uruk wilil, “At ap fano sehekon du o hari Sabat fam yabuk suk fug uruk iseheg, fano sehek ari At ebe Allah une etno esanggo holtuk eleg hehe-o,” ulug uruk apagma, eke it ninen uruk wilil, “Ap dag surukon hahen sukfugangge ariroho selep fug hehe-o,” ulug ariroho uruk apareg, it inebe healeg welapag.

Kisah Para Rasul 4:32

Nin eke, it Allah wene webahon epmano inindi misig-at dambulig welapag. Inindi misig-at dambulig wilil, du an naharek uruk apag fug. Nit obog ninaharek-o, ulug uruk apag.

Roma 1:13

Ariroho suhuk ari, hiren wene fano wene wawag ulug nilanggen hahukon etno o ari sambit yig isa lahuk-o, ulug nintul nantul nahla birikikon oke, hai atisi-o ulug hinindi ari ebetuk amuk-o, nomini. Eke hit yig hisahuk ulug nindi ebetikikon ari, it nin bilin Allah wene inapeleg welatuson yig isarikikmu warusa etno hag, hit fanoroho wawag ulug nindi ebetikik-o.

Roma 12:1

Eke ari halug nomini-o. At Allahen ninabua nisarisi etno fam, duroho suruk amag ulug yig hisamin-o. Eke hit hiniluk wilil, hinebe At Allah ake embeheg, eke At eyabuk-at suhuken ulug hinahla beheg, eke At ahien hawag ulug seheg suruk amuk-o. Eke hit hinahla buruk ahebon epmano At Allah ake umburuk wilil, ari fam At obam ebetuk amuk-o.

Roma 12:16

Eke hinebe suontepatawon etno sohorep isalug, hinebe seberoho neken wilil yi angge di angge etno epmano suruk amuk-o. Eke hiren an yi angge di angge alem obog niluk-o, ulug hinindi fam ebetuk am fug-o.

Roma 15:30

Ari halug, nomini-o. At Roh Kudus etno ninindi hunduhuk wilil, At Ninowe Yesus Kristus ninim welahe ari fam yig hisamin ari, hiren ap wim duhure bik isa laruk etno hag, an nake nintul nantul At Allah obam sembahyang uruk amuk-o.

Roma 16:17

Nomini-o, it ap ninen aphe fano werehon healoko imbiseheg, eke it apheyen wene demat ulug ebetukon etno seberoho embeheg, eke wene yanggul hisarukukon epmano hai neken inahla beheg surukon epmano fikfag yaharoho wilil, hinim dambuksoho welam fug-o, ulug yig hisaruk ahi-o.

1 Korintus 1:11

Eke at Kloe udaki ninen it Korintus ap it it nili hili aptuk-o, ulug an alem dingsoho yig nitusa-o.

1 Korintus 11:18

Eke alem misig duroho nesanggo holtikik-o. Hit Allah udaki wonggaltuk ahebon epmano wene uruk wilil, healsaruk ahep ulug nesanggo holtikikseg fam, kidia demat ulug nahla bihi-o.

1 Korintus 12:25

ninebe obog dambuksoho wal hebag-o.

1 Korintus 3:3

Eke kidia ariroho-at hinindi kweanmon epmano hunduhuk wilil, arikon epmano nao hai-at welahep-o. Eke it ap hinahla werehon epmen inindi inasine aheg, eke nambit hambit eheg, suruk isalug, hinebe kweanmon epmano hinindi hunduhuk eleg welahe buruk ahep ano? Eke aphe kweanmon epmano inobabut ilitoho suruk ahe fug ulug hinahla buruk ahep?

1 Korintus 4:16

Ariroho fano hinaptisireg fam, hit an suruk ahi ilitoho suruk amuhuben ulug hinesanggo watuk ahi-o.

2 Korintus 10:1

Eke an Paulusen wene misig yig hisamin-o. It ap ninen an nabug uruk wilil, at Paulus etno hinim wilil une wiogsoho-at yig hisarukon oke, ebe yatma wilil une winimugsoho-at yig hisaruk-o, ulug ariroho nabug urukon oke, At Kristus obabut fanoroho wilil yig isaruk apag etno hag, yig hisaruk ahi-o.

2 Korintus 13:11

Ari halug, nomini, hit hinahien haruk wilil, hinindi oag wereg amag ulug suruk amuk-o. Ariroho suruk wilil, an nune yig hisihion etno hinesanggo holiuk-o, holtuk wilil, hit fikfag dambuksoho welamuk-o. Eke ari halug, At Allah indi hunduhuk wilil, dambuk ninaptukon etno hinim welamuhup-o.

2 Korintus 13:9

Eke nit hag ninoag eleg, hit hag hinoag wereg halug, ari ninahien haruk ahe-o. Eke hit hag mondog hinindi oag wereg amag ulug hinake sembahyang uruk ahe-o.

2 Korintus 5:20

Ariroho At Kristus ninim mondep nisaharisireg fam, niren ninune yig hisaruk aheon oke, At Allahen-at yig hisaruk-o. Ari halug, At Kristus inuk fam-at yig hisaruk ahe ari, hit hinebe At Allah hinim healeg welahebon epmano At udaki amuhuben hinim dambuliuk-o.

2 Korintus 6:1

Eke At Allah ninim eyabuk suruk aheon epmanowen yig hisaruk ahe-o, “Eke hit At Allahen hinabua hisarisimu, At obam eberoko warikibon ari werlek-at warukuk ulug ehep ha nowen,” ulug yig hisehe-o.

Galatia 4:12

Ari halug, nomini-o, an nebe welahi etno hag, hit ariroho welamuk-o. Eke hiren an nobam dahon imbirikip fug-o.

Filipi 1:27

Eke an nebe, fobik bik hisa waruhuk ano eleg ano ulug napelegma, hit wene alem misig du suruk amag ulug yig hisaruk ahi-o. Eke wene yig hisaruk ahi ari, At Kristusen wene fano wene etno fam ariroho siek ulug yig hisarukon etno hiren ilitoho sukag ulug yig hisaruk ahi-o. Eke hit hinindi misig-at dambuksoho wilil, hinoag weregsoho-at wene fano wene etno demat ulug ebetuk ahe-o ulug urukmu nesanggo holuhuk-o.

Filipi 3:16

Ariroho yanggul hisahuon oke, eke bilin Allah wene etno fam motoho larukuk etno hag, fobik ilitoho-at lahuk ari fano at-o, nomini.

1 Tesalonika 5:13

Eke hiren it inobam hinindi hunduhuk wilil, iren nit nineyabuk fanoroho suruk-o, ulug ininuk suontepfuruk amiek-o. Eke hit it hinomini hinim fanoroho dambuksoho welamuk-o nomini.

2 Tesalonika 2:1

Nomini-o, At Ninowe Yesus Kristus wamon etno inim, eke nit dambuksoho og ninaplug lahukon etno inim alem ari fam yig hisamin-o.

1 Timotius 5:21

Eke At Allah Kristus Yesus inimen, it malaikat imig inapahon epmano inim, it obog inil fam nune oag weregsoho yig hituk ahi-o. Eke anden ariroho siuk ulug yig hirihion etno it hominien suruk isalug, yamintaltoho seberebuk fug-o. Eke yi angge di angge epmano hat homini-at og isaruk am fug-o.

2 Timotius 4:1

Eke At Allah inim, At Kristus Yesus aphe inilukon inim, warehon inim oag del inabuhuon etno inil fam nune oag weregsoho yig hituk ahi-o; At Yesus etno waruhureg, aphe obog Inikni aruhu halug,

1 Petrus 2:11

Nomini-o, hit o kweanma huso neken welahep ulug yig hisihi-o. Kweanmen surukon epmano hinindimu kuk nowen ulug yaharoho welamiek-o.

1 Petrus 5:10

Eke kidia horog dorat dahon etno hinobam umburukmu, fobik At Allah ninabua nisarukon etnowen fano hinabuhu-o. Aren At Kristus hinim ilitoho wilil, hinoag weregsoho welamuhuben ulug fano hinabuhu-o.