Mateo 11:2 - Yaminahua

^2-3 Askatari Juan Maotista karaxa mẽra ixõ nikani Jesús Apa Niosxõ yorafo sharafaito. Nãskakẽ tãpisharapaini. Nãskaxõ karaxa mẽraxõ aõxõ tãpimisfo nĩchini Jesús ano. Mã ato nĩchia fõkaxõ yõkanifo: “¿Mĩmẽ Cristo nã Epa Niospa nokoki nĩchiai, askayamai fetsa nokoki oiraka nã nõ manai?” ixõ yõkatanõfo Juan ato nĩchini.

Mateo 11:2 ပူးပေါင်းရင်းမြစ်များ

Mateo 1:17

Abraham ãfe fenafo ichapa ini, nã David kainitĩa catorce inifo Abraham ãfe fenafo. Askatari nã David ãfe fenafo ichapa ini. Nãskano David ãfe kaifo yora fetsafãfe Babilonia ano ato iyonifo ato yonomaxikakĩ. Babilonia ano ikanax David ãfe fenafo catorce inifo. Askatari David ãfe fenafo Babilonia anoax anã fenifo ãto mai ano. Mã fenixakakĩ David ãfe fena fetsafori kainifo catorce inifo. Askatari Cristo kaini.

Mateo 14:3

Akka Herodes Juan reteyoamano Juan yõani iskafakĩ: “Xanĩfo Herodes, mĩ exto Felipe mĩ ãfe ãfi Herodías mĩ fĩa. Askara chakakõi,” nãskafani. Nãskakẽ Herodes akiki õitifishkini. Nãskaxõ ãfe sorarofo achimani karaxa mẽra ikimaxii.

Mateo 4:12

Akka mã Juan sorarofãfe karaxa mẽra ikimana nikata Jesús Galilea mai ano anã oni.

Mateo 9:14

Juan ãfe inafo fẽkaxõ Jesús yoinifo iskafakakĩ: “Fariseofãfe foni tenekĩ feyafamisfo Nios shinãkakĩ. Nõri askafamis foni tenekĩ Nios shinãkĩ. Akka, ¿afeskakĩ mĩõxõ tãpimisfãfe foni tenekanimamẽ?” fanifo.

Marcos 6:17

Herodes Juan reteyoamano yoikĩ iskafani: “Mĩ exto ãfi fĩayamafe,” faito nikakĩ, Herodes akiki õitifishkiki ãfe sorarofo yoini achikaxõ metexkere akaxõ karaxa mẽra ikimanõfo. Akka nã Herodías Felipe ãfe ãfi ini, nã Felipe Herodes ãfe exto ini. Akka nã Herodes Herodías fe fĩanãni.

Lucas 3:19

Askatari xanĩfo Herodes yoini: “¿Afeskakĩ mĩ exto ãfi fĩaitamẽ? Askatari mĩ ato chakafafofãsafai,” fani Juan. Askafaito nikakĩ Herodes akiki õitifishkixõ achixõ karaxa mẽra ikimani.

Lucas 9:7

Xanĩfo Herodes nikani Jesúsnoa yoiaifono afama mĩshti akaito. ¿Tsoamẽ a feronãfake? ixõ shinãni. Akka yoinifo: “Mã Juan afianã mã otoa,” fanifo.

Juan 4:1

Fariseofãfe nikanifo Juan yorafo maotisafapaito. Akka yora ichapa Jesús maotisafapaito fariseofãfe nikanifo. Akka Jesúskai ato maotisafapanima, nã aõxõ tãpimisfãfe ato maotisafapanifo. Aõnoa yoinifo keskai mã Jesús tãpiax aõxõ tãpimisfo fe Judea anoax Galilea ano kani.