Lucas 6:25 - Yaminahua

²⁵ “Ooa. Iskaratĩa afara ichapayax mã inimakõiyoi; akka chipo mã fonãixii. Askatari iskaratĩa mã fitsakõiyoi; akka chipo shinãmitsai mã oiaxii.

Lucas 6:25 ပူးပေါင်းရင်းမြစ်များ

Lucas 12:20

“Nãskaito Niospa iskafakĩ yoini: ‘Mĩkai afaa tãpiama. A na fakishi mĩ nai, akka, ¿na mĩ mekeafo tsoanã ikimẽ?’ fani.

Lucas 13:28

Mato askafaino anoax mã oiayanã mã omiskõi fetsexii, Abrahamnõ Isaacanõ Jacobonõ a Niospa meka yoimisfonõ ato õi Nios xanĩfo ika anoa ato õi. Nãskakẽ ato makinoa Niospa mato potaxii.

Lucas 6:24

Akka nã kori ichapayafo Jesús ato yoini iskafakĩ: “Ooa. Iskaratĩa mã kori ichapayax mã inimakõi. Akka chipo naax mã omiskõipakenaka, Nios Ifofamax kori fisti shinãkatsaxakĩ.

Lucas 6:26

“Yorafo sharakõira mato faifono, mã inimakõimis. Mãto xinifori nãskapaonifo, nõ Niospa meka tãpikõikẽ noko yoisharakõikanira ikanax ãa chanĩfikani,” Jesús ato fani.

Lucas 8:53

keyokõichi õsaketsanifo, tãpifikaxõ nã fake xotofake mã nafiano.

Efesios 5:4

Askatari fanĩrira meka chaka yoiyamakãfe. Anori shinãtama a Niospa fakefo isharakõikaxõ, mẽstekõi yoisharatirofo iskafakĩ: “Aicho Epa Niosi, mĩ noko ĩkisharakõiaki,” ixõ mã yoimis.

1 Tesalonicenses 5:3

Yorafo iskaifono: “Nõkai afaa chakafamisma nõ isharakõia,” ikaifono Epa Niospa ato omiskõimanaino pae meexikani. Oa kẽromã fake nanexõ mã fake kãikĩ pae meetiro keskara meexikani. Nãskakẽ nã omiskõiai nokoaino tsoa faki onetiroma.

Stg. 4:9

Afara chakafaxõ shinãchakakõikãfe inimakakima. “Ẽ afara chakafaax ẽ rãfikõiaito meei,” ixõ shinãkãfe.

Apocalipsis 3:17

Akka mã yoimis iskafakĩ: “Ẽ afara ichapaya. Ẽ afaa yopaima. Ẽ Niospa mekari tãpifinakõia,” ixõ, anori mã yoifiax mã tãpiama mã chaka imis. Ooa. Ea mã yopafikĩ mã kakapaimis. Niospa ãfe Yõshi Sharapa mato imapaiyai keskara mã ikama. Mã katsa keskarakĩ. Mã imis keskara mẽ tãpia. Akka ẽkai askara fichipaima. Askafixõ ẽ matoõnoa shinãi keskara mãkai tãpiama. Mã nã fẽxo keskarafo. Fẽxo afara õitiroma. Nãskarifiai mãri ẽfe mekakõi nikasharamisma. Mã yora chitoria keskarafo. Akka mã tãpiama mã chitoria keskara. Yora chitoriato rapati yopai chitoria ixikima. Nãskarifiakĩ mã ea yopaima keskara ea yopafikĩ.