Lucas 22:32 - Yaminahua

³² Akka ẽ mia Epa Nios kĩfixoni mĩ ea nikakĩ xateyamanõ. Akka mã mĩ paxkafixõ mĩ ea anã Ifofakõixõ a mefeta ea Ifofaafo ato yoisharafe ea Ifosharafanõfo,” ixõ yoiaito,

Lucas 22:32 ပူးပေါင်းရင်းမြစ်များ

Mateo 18:3

Nãskaxõ ato yoini: “Ẽ mato pãraima. Iskara mã shinãtiroma: ‘Ẽ keyokõi finõfakĩ,’ mã itiroma. Akka fake yome kakapaitiroma. Akka mã shinã fetsafaax na fake yome keskara mã itiro. Mã askayamaxõ mã Nios Ifofatiroma.

Mateo 26:75

Nãskaino Pedro shinãni nã Jesús yoita keskara. “Takara keoyoamano mĩ ato yoikĩ tres faxii: ‘Ẽ Jesús õimismara,’ mĩ ixii,” ixõ Jesús yoita keskara Pedro shinãtani. Nãskata Caifás pexefã mẽranoax kãikainax oiai finakõini.

Marcos 14:72

Pedro nãskaino anã takara keoinãkafãni. Nãskaino Pedro shinãtani nã Jesús iskafakĩ yoita keskara: “Taeyoi takara keofi rafeamano, ‘Ẽ Jesús õimismara,’ mĩ ea faxii tres fakĩ,” ixõ yoitano, nã shinãtani Pedro shinãmitsai oiakõini.

Marcos 16:7

Fokaxõ aõxõ tãpimisfo yoitakãfe, Pedrori yoikakĩ mã nokoamano nã Galilea ano nokoi taei kai kiki. Nã mato yoifafaina keskara nãrixõ mã õikaikai,” ixõ ato yoiaino,

Lucas 8:13

Akka nã fimi exe makex mẽra pakeax foaitiro keskariakĩ, nãskarifiakĩ fẽtsa Niospa meka nikapaisharakõiyotiro. Akka nã fana tapo foaisharama keskaraxõ nikafikĩ nikasharaima. Nãskaxõ afara afeskaraino samamashta kachikiri fatiro.

Juan 14:19

Ẽ anã nono ikima. A ea Ifofaifãfema anã ea õikanima. Akka mã ea õixii, ẽ niano. Nãskakẽ mãri efe nĩpanaka.

Hch. 3:19

Nãskakẽ mãto chaka xatekãfe. Mã afara chakafamiskĩ anã anori shinãyamakãfe. Nãskakẽ Epa Nios fisti shinãkãfe, mãto chaka mato soaxonõ.

Romanos 8:32

Epa Niospa noko noikĩ ãfe Fake Jesús timamanima noko naxonõ. Nãskanixakĩ noko axosharatiro nã apaiyai keskara nõ anõ.

Romanos 8:34

Jesucristo noko nãxokẽ Ãpa otofani. Iskaratĩa Apa Nios ika ano ika Apa feta ato keyokõi ĩkinã. Epa Nios noko kĩfixõfafãini. Nã chanĩmakõikẽ tsõa, “Mĩ afara chakafamiski. Nãskax mĩ omiskõipakenaka,” noko tsõa fatiroma.

2 Timoteo 2:18

A Jesús oaitĩa a namisfo anã otoxiaifo mã nõ tãpifekẽ, a feronãfake rafeta Himeneo feta Fileto anorima mato yoimisfo. Akka nõ tãpia mã Jesús anã fotoaino Epa Niospa nã namisfo otofaxii. Akka nã rafeta mato pãramisfo ãa chanĩkakĩ. Iskara mato yoimisfo: “Mã finõa a mato yoimisfo keskara. A Niospa namisfo mã ato otofaa,” ixõ a refeta yoimis. Afãfe nã meka nikaxõ shinãkĩ iskafatirofo: “Ooa. Mã nõ nakẽ Niospa noko anã otofaima,” ixõ anorima shinãtirofo. Anori shinãkani Jesús shinãmakitirofo.

Tit. 1:1

Tito, ẽ mia kirika kenexõ fomai. Ẽfi Pabloki, Niosfi ẽfe Ifokõiki. Nã ea yoiai keskamis ẽ. Jesucristo ea nĩchia ẽ aõnoa yoimis inõ, nã Niospa katoa yorafo ẽ ato tãpimanõ afãfe Jesús chanĩmara fanõfo.

Hebreos 12:15

Epa Niospa noko noikõikĩ ãfe Fakeoxõ noko sharafa fafafãimis. Nãskakẽ a Niospa noko amapaiyai keskara akãfe fenoxikakima. Askatari mãto shinãmã afaa shinãyamakãfe. Akka mãto shinãmã mã afara shinãkĩ fetsafori mã ato afara chakafamatiro akairi askara anõfo.

Hebreos 7:25

Nãskakẽ Apa Niosxõ noko ifitiro nõ afe ipaiyaito nokoõxõ Apa Nios yoifafãini iskafakĩ: “Epa Niosi, ẽ ato nãxoniki, ato chaka soaxõfe. Nãskaxõ a mĩ ika ano ato imafe,” ixõ nokoõxõ Apa yoimis. Nãskakẽ a nokoõnoa Apa yoia keskafakĩ noko nãskakõi faxoxii nõ afe ĩpaxanõ. Nãskaxkai nõ fenopakenakama.

1 Pedro 1:1

Ẽkĩa Pedro. Jesucristo ea nĩchini aõnoa ẽ ato yoimis inõ. Niospa mato katoni afe yorafo mã inõ. Akka mato potaifono mã Jesúsnoax paxkanãnino ẽ mato kirika kenexõ fomai mã tãpinõ. Ponto anoafo fomata, Galacia anoafo fomata, Capadocia anoafo fomata, Asia anoafo fomata, Bitinia anoafo fomata, ẽ mato fomai.

1 Pedro 1:13

Nãskakẽ itipinĩsharakãfe shinãsharakõiyanã. Nã Niospa noko noikĩ noko afara shara inãxiaitĩa Jesucristo oaino. Nãskakẽ manasharakõikãfe.

1 Pedro 1:5

Akka mã Nios chanĩmara fakẽ, Epa Niospa ãfe sharaõxõ mato kexesharafafãini nã Jesús oaitĩa mã omiskõinõma, nã oaitĩa afe isharapakexakĩ a mato itipinĩshara faxoni ano.

2 Pe. 3:14

Nãskakẽ efe yora mĩshtichi, mã Jesús manakĩ manasharafafãikãfe. Mã askaito Niospa mato õi kiki ãfe Fãkeõnoax mã isharakõikẽ. Nioski mesekĩma iskafakĩ shinãfafãikãfe: “Epa Niospa ãfe Fakeõxõ ea noi. Ẽri Epa Nios noi afe rafepakexakĩ,” ixõ anori shinãfafãikãfe.

1 Juan 2:19

Nã Cristo noikaspaifo nofe iyoafo, mã noikaspakani nomakinoax tsekeafo. Afokai noko keskarafoma. Cristo anã shinãkanima, mã kachikiri faafo. Nãskax nomakinoax tsekeafono nõ tãpitiro afãfekai Cristo Ifofaafoma. Akka a Cristo ãto Ifokõikẽ nomakinoax tsekekeranafoma.