Lucas 20:36 - Yaminahua

³⁶ Nãskakẽ anã tsoa natiroma. Ãjirifo keskara ixikani Niospa fakekõifori ixikani mã otokanax.

Lucas 20:36 ပူးပေါင်းရင်းမြစ်များ

Mateo 22:30

“Akka yorafo nakanax anã otokanax anã ãfiyatirofoma. Kẽrofori anã feneyatirofoma. Nãskakanax ãjirifo keskara itirofo nai mẽranoax.

Marcos 12:25

Yorafo nakanax mã anã otokanax, anã ãfiyatirofoma, anãri ãto ãfi feta fake atirofoma. Askatamaroko nã ãjiri nai mẽranoafo keskara itirofo.

Romanos 8:16

Nõko shinã mẽraxõ Niospa Yõshi Sharapa noko yoi iskafakĩ: “Mĩ Epa Niospa Fakekõi,” ixõ noko yoi.

1 Corintios 15:26

Akka Niospa Satanás omiskõipakenakafo mẽra potaxii. Akka nã Satanás Adán afara chakafamanino keyokõichi nõ afara chakafaax nõ napanaka. Nãskakẽ Niospa Satanás omiskõipakenakafo mẽra potano anã tsoa nanakama.

1 Corintios 15:42

Nãskarifiai yora naino ãfe yora payokometiro. Anã nõ otoaxkai nõko yora payokomenakama. Nãskara shara nõ ipanaka anãkai nõ nanakama.

1 Corintios 15:49

Nõ nono mai anoax fake kãini. Nãskax nõ Adán keskarakõi. Askatari nõ Niospa yora ikax nõ Jesucristo keskarakõi ixii.

Filipenses 3:21

Nãato nõko yora chakakẽ noko fetsafaxoxii afe yora keskara sharafinakõia nõ inõ. Nãskaxõ ãfe kerex sharaõxõ nõko yora noko fenasharafaxoxii afara chakafo nõ finõinĩfofanõ.

Apocalipsis 20:6

Shinãkapo efe yora mĩshtichi, mato yoiai keskara. Noko Epa Niospa otofakĩ taefaxii. Noko katoni afe yorafo nõ inõ. Epa Nios feta Cristo noko yoiai keskara nõ fetsafo Epa Nios kĩfixomis. Nõ omiskõifikatsaxakĩ Jesúsnoax omiskõifikatsaxakĩ naax nõ omiskõipakenafo mẽra kanakama. Askatamaroko Cristo ika anoxõ a feta fetsafo nõ ĩkixii. Nãskakẽ Jesús keskara shara ikax nõ fãsi inimaxii.

Apocalipsis 21:4

Ato kexesharaxii anã tsoakai omiskõitiroma. Ato noikĩ oiaifono Epa Niospa ato shinãmasharaxii ãto fẽo tereaxoxii anã shinãchakakakima tanaima inimanõfo. Ato kexeaino tsoakai anã natiroma, anãrikai manomitsai oiakanima, anãrikai paemekanima. Afara chakafo iyopaoni keskarakai anã askanakama,” ixõ yoia.

Apocalipsis 22:9

Ẽ askafaito ea yoia iskafakĩ: “Ea askafayamafe. Ẽri mia keskaraki. Mĩ ikaino, Jesús chanĩmara faafo ikaino, ãfe meka yoimisfo ikaino, keyokõi nã mĩ rama kenea keskara chanĩmara faafo fe, ẽri mato keskara nõko Ifo Nios ẽ yonoxomis. Akka Epa Nios fisti mĩ Ifofatiro. Nã fisti nãmã mĩ feopakekafatiro,” ea faa.