Lucas 20:1 - Yaminahua

¹ Pena fetsa Nios kĩfiti pexefã mẽra Jesús ikikaini anoxõ yorafo tãpimani afeskax Nios fe ĩpaxatirofomãkĩ. Anoxõ ato yoiaino a ato Nios kĩfixomisfãfe ãto xanĩfofo fe, a Moisés yoikĩ kirika keneni keskara ato tãpimamisfo, judeofãfe ãto xanĩfofori fenifo.

Lucas 20:1 ပူးပေါင်းရင်းမြစ်များ

Mateo 26:55

Askaifono õikĩ Jesús yorafo yõkani: “¿Afeskai kenofoya ifixatefoya mã oamẽ ea achiyoi oa ẽ yometso keskarakẽ? Pena tii ẽ mato fe itiani Nios kĩfiti pexefã mẽraxõ ẽ mato tãpimani, akka mãkai ea achipaimisma.

Lucas 20:2

Iskafakĩ yõkanifo: “¿Tsõaõxõ mĩ iskafaimẽ? ¿Tsõa mia yoiamẽ mĩ iskafanõ?” ixõ yõkanifo.

Lucas 8:1

Mã askafata pexe rasi mẽra Jesús kafãsapaoni. Afe keskaramakĩ Apa Nios xanĩfoõnoa ato yoifofãsafai. Nã doce feronãfake aõxõ tãpimisfo afe fofãsapaonifo.

Juan 18:20

“Ẽkai one ato yoiama. Keyokõichi ea nikanõfo ẽ ato yoimis. Ẽ mãto ichanãti pexe mẽranoa yafi a mãto Nios kĩfiti pexefã mẽranoa ẽ ato yoimis. Ẽkai ẽfe meka ẽ onemisma.

Hch. 4:1

Pedro feta Juan Jesúsnoa yorafã rasi yoiaifono õikani atoki fenifo, a ato Nios kĩfixomisfo ita, a Nios kĩfiti pexefã kexemisfo xanĩfofo ita, saduceofo ita nãfo atoki fekanax õitifishkinifo, Pedro feta Juan mã Jesús nafiax anã otoita ato faifono.

Hch. 6:12

Mã fokaxõ ato yoikĩ askafaifono, yorafo õitifishkikani mekai fetsenifo, a judeofãfe ãto xanĩfo fe a Moisés yoikĩ kirika keneni keskara ato tãpimamisfori askanifo. Nãskakaxõ Esteban achikaxõ xanĩfokõi ano iyonifo.