Lucas 15:6 - Yaminahua

⁶ Nãskax mã ãfe pexe ano nokoxõ ãfe yamafoya a chaima nikafo yoitiro iskafakĩ: ‘A ẽfe oveja fenoa. Mẽ fichiakĩ efe inimakãfe,’ ixõ ato yoitiro.

Lucas 15:6 ပူးပေါင်းရင်းမြစ်များ

Lucas 1:58

Mã fake kãiano ãfe kaifãfe a chaima nikafãfe tãpinifo. “Mã Elisabet fake kãia nõko Ifo Niospa mã Elisabet aõ noikĩ fake fimismano mã fake fima,” nãskafanifo. Askafakanax akiki inimanifo.

Lucas 15:10

Nãskarifiakĩ ẽ mato yoi. Nãskarifiakani Epa Niospa ãfe ãjirifo inimakani fẽtsa ãfe chaka xateax a anã ipaoni keskara iyamaito õikani,” ixõ Jesús ato yoini.

Lucas 15:24

Akka na ẽfe fake mã nani keskara ikatsaxakĩ mã anã ekeki nokoaki. Mã fenofinino mã nõ anã fichiaki,’ ixõ akiki inimakĩ fista axoni.

Lucas 15:5

Mã fichiax ãfe oveja fenoaki akiki inimakĩ tepapiinĩfofã tepokomexõ iyotiro.

Lucas 15:7

Nãskakẽ ẽ mato yoi, nãskarifiai inimakõikani nã nai mẽra ikafo fẽtsa ãfe chaka xatekõiano Jesús Ifofakĩ. Akka nã noventa y nueve yorafokiri nai mẽranoax atokiri inimakani, afomãi isharakõipaonifono nono mai ano ikanax. Akka nã feronãfake chakafinakõi iyopaonixakĩ ãfe chaka xatekõiano akiki inimaifinakõikani nai mẽranoax,” ixõ Jesús ato yoini.

Juan 15:14

Ẽ mato yoiai keskara aki mã efe rafemis mã itiro.

Juan 3:29

Afianã ẽ mato yoinõ ea nikapo. Mã mã tãpia feronãfake ãfe yama yoikĩ iskafatiro: ‘Aicho. Na kẽro mĩ ea yoixona iskaratĩa ẽfe ãfi iki,’ ixõ yoiaino ãfe yamari aõnoax inimatiro. Nãskarifiai ẽ Cristoyamafiax fetsafãfe nã Cristo Jesús chanĩmara faifono ẽri fãsi akiki inimakõi.

Hch. 11:23

Mã Bernabé nokoxõ õia Niospa ato imasharakõia õitoshini. Askaifãfe õikĩ Bernabé inimasharakõini. Nãskaxõ ato yoisharakõini shinãsharakõixõ. “Isharakõixõ nõko Ifo nikasharakõikãfe,” ato fani.

Hch. 15:3

Nã Nios Ifofaafãfe Antioquía anoxõ ato nĩchiafo fokakĩ, Finicia yafi Samãria finõfãikakĩ ato yoifainifo: “A judeofofãfema Nios Ifofakakĩ mã ãto chaka xateafora,” ixõ ato yoiaifono nikakani a Nios Ifofaafo inimakõinifo.

Filipenses 1:4

Ẽ Epa Nios kĩfikĩ mẽxotaima inimakõikai keyokõi ẽ mato kĩfixõfafãini.

Filipenses 2:17

Ẽ mato yoisharamis mã Jesús chanĩmara fakõinõ. Akka Epa Nios ẽ yoitiro iskafakĩ: “Epa Niospa, ea mĩa yoini keskafakĩ Filiposo anoafo mĩ Fake Jesúsnoa ẽ yoimis. Nã chanĩmara fakõinõfo, a mĩ ato yoiai keskara akõixikani. Ẽ mia ato chanĩmara famaõxõ ea retexikani rakikĩa,” ixõ ẽ Epa Nios yoitiro. Akka ea retefiafono eõxõ mã Jesús Ifofaano ẽ inimatiro. Nãskakẽ mãri efe inimakãfe Niospa ea sharafaino matoõnoax ẽ natiro.

Filipenses 4:1

Nãskakẽ efe yora mĩshtichi, ẽ mato noikõikĩ ẽ mato õisharapai. Nã ẽ mato shinãitĩa ẽ mea ẽ inimakõikakãini. Nãskakẽ ẽfe fakefãfe, Jesús kachikiri fayamakãfe. Ifo sharakõi fakãfe.

1 Tesalonicenses 2:19

Nõ mato yoimis Jesús keskara shara mã inõ. Nãskakẽ Jesucristo oaino keyokõichi tãpitirofo Jesúsmãi Ifokõi fakaxõ. Nãskakẽ Jesús õiaino matoõnoax nõ inimakõixii, nõ mato yoipaoni keskaramãi mã nikakõimiskẽ.

1 Pedro 2:10

Akka mãkai Nios shinãyopaonima, afe yorakai mã iyopaonima. Akka iskaratĩa mã afe yorafo, taeyoi Niospa mato noifiaino mã tãpiyopaonima. Akka iskaratĩa mato noikõiaito mã mã tãpia.

1 Pedro 2:25

Akka mã taeyoi oa oveja fenoa keskara mã iyopaoni afara chaka shinãi. Akka iskaratĩa mã Cristo Ifofasharakõi, mato kexesharano oa oveja kexemisto ãfe oveja kexetiro keskafakĩ. Nãskaxõ mato kexesharakõiaino mã afe yora iki.