Lucas 12:42 - Yaminahua

⁴² Jesús kemani: “Mã tãpinõ ẽ mato yoi afe keskaramãkĩ ina shara ãfe xanĩfãfe ãfe afama mĩshti kexemafaini mai fetsa ari kakĩ nã ãfe pexe anoafo ato kexesharaxonõ ato pimasharayanã, nã ãfe xanĩfo fena oyamaino.

Lucas 12:42 ပူးပေါင်းရင်းမြစ်များ

Mateo 13:52

“Akka pexe ifãfe pexe xaki mẽra ãfe afara shara onekatsaxakĩ nã fena yafi nã xini ato ispatiro. Nãskarifiakĩ a Moisés yoikĩ kirika keneni keskara ato tãpimamisfãfe mã Nios Ifokõi faifono, Nios xanĩfoõnoa ato yoitirofo. Akka meka xiniõxõ meka fena sharari mã tãpitiro,” ato fani.

Mateo 20:8

“Nãskata mã fakishano nã tare ifãfe afe xanĩfo yoini iskafakĩ: ‘Ea yonoxonaifo ato kenafe ato kopifanõ. Nã rama ikiafo ato kopifakĩ taefafe. Askata nã iki taeafo chipo ato kopifaxiki,’ fani.

Lucas 12:43

Mã mai fetsa ari katani oxõ õitoshini a yonoxomisto mã yonoxosharakõiano. Nãskakẽ akiki inimakõini a yonoxomisri inimakõini mãmãi yonoxosharakõiax.

Lucas 7:13

Nã kẽro ifomafa oiaito õikĩ, Jesús shinãkõikĩ yoini iskafakĩ: “Oiayamafe,” fata,

Lucas 7:19

Nãskaxõ ato nĩchini Jesús ano fotanõfo mã ato nĩchia fokaxõ yoinõfo iskafakĩ: “¿Mĩmẽ Cristo nã Epa Niospa nokoki nĩchiai, askayamai fetsa nokoki oiraka nã nõ manai?” ixõ yoitanõfo Juan ato nĩchini.

Hch. 20:28

Nãskakẽ kexemesharakãfe, a Nios Ifofaafori ato kexesharakãfe. Niospa Yõshi Sharapa mato ĩkinãki, a Nios Ifofaafo mã ato kexesharanõ. Jesús nokoõnoax nai ãfe imi foniki.

1 Ti. 3:15

Akka ẽ mia ari fena kayamaino õikĩ na kene tãpixõ mĩ tãpitiro afeskax itirofomãkai a Jesús Ifofaifo. Akka Nios nĩpanaka. Nãskax a Ifofamisfo Niospa fakekõifo afe ipanakafo. Nãskaxõ Niospa meka mẽstekõi ato yoisharaifãfe fetsafãferi ato nikasharakõitirofo.

1 Ti. 5:17

A Nios Ifofaafãfe xanĩfofofãfe noko kexesharakaxõ noko ĩkisharamisfo Niospa meka noko tãpimanaifono nõ atoki inimakĩ nõ aicho fatiro. Askatari nõ ato inãsharatiro nã afara yopaifo keskara finõfo.

2 Timoteo 4:2

Niospa meka fena fenakima ato yoife fenãmãshta shara. A nikapaiyaifo askatari a nikakaspaifori ato yoisharafe, mĩ ato yoisharaino ãto chaka xatenõfo Jesús Ifofasharax isharanõfo. Shinãsharata, Niospa meka mẽstekõi yoife.

Tit. 1:7

Nã Nios Ifofaafo kexemis sharakõi itiro, afaa chaka shinãmisma nãmãi xanĩfoax. Nã keskara yora mĩ katotiro nã Nios Ifofaafo kexemis inõ. Nã Niospa shinãmanai keskara inõ aõnoa afaa chaka yoiyamanõfo. Askatari kakapaimis itiroma. Askatari samama õitifishki imiskai itiroma. Askatari pãemis itiroma. Askatari setemitsamis itiroma. Askatari yora fetsa pãraxõ kori fĩamis itiroma.

Hebreos 13:17

Akka nã ichanãti pexe anoxõ Niospa meka mato yoimisfo ato nikasharakõifafãikãfe. Nãskax nã mato yoiaifo keskakõikãfe. Nãfãfe mato kexesharamisfo mã Jesús nikasharanõ. Akka nãfãferi tãpiafo Nios ari nokoaifãfe ato yõkaxii iskafakĩ: “¿Mã ẽfe meka mã ato tãpimasharamismẽ?” ixõ ato yõkaxii. Nãskakẽ ato nikasharakãfe inimakõinõfo. Akka mã ato nikayamaino inimatirofoma, shinãchakatirofo. Nãskaxõ mato axosharatiroma.

Hebreos 13:7

Niospa meka yoimisfãfe mato yoinifo keskara atoõnoa shinãfafãikãfe. Nãfãfe mato shara famisfo. Nãskakaxõ nõko Ifo Jesús chanĩmara famisfo. Nãskakẽ ato keskara ikãfe nõ Jesús Ifofasharakõinõ.

Hebreos 3:5

Akka Moisés Epa Niospa ãfe yonomati ini. Niospa yoini keskafakĩ, nãskarakõi ani. Ãfe kaifo israelifo ato yoipaoni Niospa meka. Askatari ato kexesharapaoni. Askatari Egipto anoa ato ifixõ ato iyoni. Nã Moisés apaoni keskafakĩ õikĩ keyokõichi tãpikõitirofo Epa Niospa ãfe Fake nĩchiai afe yorafo ichapakõi ifinõ nai mẽra afe ĩpaxanõfo.

1 Pedro 4:10

A Niospa ãfe Yõshi Sharapa noko tãpimanai keskafakĩ nõri fetsafo axosharatiro fetsafãferi Nios Ifofanõfo. Nãskaxõ fetsafo afara shara faxokĩ xateyamakãfe. A Niospa afe yorafo noikõiai keskafakĩ mãri ato noikõikãfe.