Lucas 12:22 - Yaminahua

²² Nãskata chipo Jesús aõxõ tãpimisfo yoini iskafakĩ: “Ẽ anã mato yoisharanõ. Ea nikasharakãfe. Shinãchakayamakãfe.

Lucas 12:22 ပူးပေါင်းရင်းမြစ်များ

Lucas 12:11

“Nãskata ichanãti pexefo ano mato iyoaifono, askayamakĩ xanĩfofo ano mato iyoaifono, shinãchakayamakãfe afeskaxõ mã ato kemaimãkai afaa mã ato faimãkai. Epa Niospa mato shinãmasharai kiki.

Lucas 12:23

Akka a nõ piaitokai noko imasharatiroma. Askatari a nõ safeatori nõko yora noko imasharaxotiroma.

Lucas 12:29

Nãskakẽ shinãkĩ iskafayamakãfe: ‘Ooa, ẽ afaa piimẽti a ẽ piai keyoano, askatari ẽ afaa ayaima,’ ixõ shinãyamakãfe.

1 Corintios 7:32

Ẽ mato anori yoi mãto shinã mẽraxõ afaranã mato fekaxtefanõma. Ẽ mato, “Ãfiyayamakãfe,” faima. Askatari xotofakefori, “Feneyayamakãfe,” ẽ ato faima. Ẽ mato mẽstekõi imapai nõko Ifo fisti mã shinãkĩ finakõinõ, mã afara fetsa shinãnõma. Askaxõ ẽ mato yoia keskara feronãfake ãfimaisto ãfe Ifo inimamapai. Akka feronãfãke ãfiyaxõ ãfiri inimamapai. Ãfinĩ afara yopaito fenẽ shinãchakakĩ ãfi fixotiro. Nãskakĩ ãfe Ifo fistikai shinãtiroma. Nãskaxõ ãfe Ifo inimamapaikĩ ãfiri inimamapai. Askatari xotofake fenemaisto ãfe Ifo Jesús fisti yonoxosharapai. Afara fetsakai shinãima ãfe Ifo fisti shinãi. Niospa amapaiyai keskara fisti aki. Akka xotofake feneyaxõ ãfe feneri inimamapaikĩ afara fetsafori shinãtiro ãfe Ifo Jesús fisti shinãkĩma.

Filipenses 4:6

Nãskakẽ afara afeskara afiaino shinãchakayamakãfe, askatamaroko mẽxotaima Epa Nios kĩfiki. A mã fichipaiyai keskara yõkakãfe iskafakĩ kĩfikĩ: “Aicho Epa Nios, mĩ ea nikasharakõimis. A ẽ yopai keskara tãpixõ mĩ ea axosharamis,” ixõ kĩfikãfe.

Hebreos 13:5

Akka kori ichapa noiyamakãfe. Askatamaroko inimakãfe afe tii mã ayamakĩ. Epa Niospa yoinikĩ iskafakĩ: “Ẽkai mato makinoax paxkanakama. Askatari ẽ mato potanakama. Nãskakẽ a mã yopai ẽ mato inãxii,” ixõ yoini.