Juan 9:28 - Yaminahua

²⁸ nikakakĩ ĩchaketsanifo. Nãskaxõ yoinifo: “Mĩfi a Ifofaikai. Akka nõfi Moisés meka nikamiski.

Juan 9:28 ပူးပေါင်းရင်းမြစ်များ

Mateo 27:39

Nã ano finõfãifãfe ĩchayanã ãto mapo rafe rafeanifo.

Mateo 5:11

“Mã ea Ifofakẽ fetsafãfe mato ĩchakani, mato omiskõimayanã askatari matoõnoa meka chaka yoikani meka fetsa fetsatapafo. Nã mato chakafaifo keskafakĩri mãto xinifãfe nã Niospa meka ato yoixomisfori ato chakafapaonifo. Nãskakẽ inimasharakãfe eõxõ matori chakafakani kiki. Mã askaito Niospa afara sharafo mato mekexona nai mẽranoa mãtonã inõ,” ixõ Jesús afe imisfo ato yoini.

Juan 7:19

Nõko xini Moisés Niospa meka mato kenexoni. Akka mã nikasharamisma. Nãskakẽ pena tenetitĩa ẽ feronãfake sharafaano mã ea retepai,” ato faino,

Juan 9:34

nikakani akiki õitifishkinifo. “Mĩfi chakakõi kãini. ¿Afeskakĩ mĩ noko tãpimapaimẽ mĩ chakafixõ? Anã nõko ichanãti pexe mẽra mĩ ikitiroma. Nonoax kariskatãfe. Nõkai anã mia õipaima. Anã nõko ichanãti pexe mẽra ikiyamafe,” fanifo.

Romanos 2:17

Ea nikakapo, efe yorafãfe. ¿Mã shinãkĩ iskafatiromẽ? “Nõrifi nõ judeofoki. Moisés keneni keskara mã nõ tãpia. Nõfi Niospa afe yorafoki,” mã imis.

1 Corintios 4:12

Nãskaxõ nõ kerexkai yonotiro a nõ piai fixiki. Nãskatari yorafãfe noko mekafakĩ chakafaifono ato kopitamaroko nõ tenemis. “Jesús mato shara faxopainõ,” ixõ nõ yoimis. Noko omiskõimafiaifono nõ tenemis.

1 Corintios 6:10

Askatari yometsomisfo, atonãma fipaimisfo, pãemisfo, ĩchamitsamisfo, nikayospamisfo, afara fẽtsa fĩatiaxõ ato pãraxõ afara fetsa fĩamisfo. Nãskarafokai Nios xanĩfo ano fotirofoma.

1 Pedro 2:23

Fetsafãfe mekafakakĩ ĩchafiaifono, atorikai kopikĩ tsoa ĩchamisma. Askatari omiskõimanaifono, “Ẽri mato kopixii,” ixõ ato yoinima. Askatamaroko Apaõnoa shinãkĩ iskafani: “Epa, mĩ eõnoa tãpiaki. Nãskarifakĩ mĩ ato tãpikõia. Nãskakẽ a mĩ ato chipo omiskõimaxiai chanĩmakõi,” ixõ Apa shinãni, Apamãi mẽstekõi ikẽ.