Juan 7:39 - Yaminahua

³⁹ Akka faka ato yoinima, Niospa Yõshi Sharaõnoa ato yoini iskafakĩ: “A ea chanĩmara fai ẽfe Epa Niospa ãfe Yõshi Shara fe rafepakenaka,” ixõ Jesús ato tãpimani Apa Nios ari kayoxoma yorafãfe ãto xanĩfokõi ixikĩ. Nãskakẽ Jesús kayoamano Niospa ãfe Yõshi Shara ato fe rafeama.

Juan 7:39 ပူးပေါင်းရင်းမြစ်များ

Mateo 16:14

Ato askafaito kemanifo iskafakakĩ: “Fetsafãfe, ‘Juan Maotistara’ mia fakani. Fetsafãferi, ‘Elíasra’ mia fakani. Fetsafãferi mia iskafakani: ‘Nã Niospa meka ato yoimis nã Jeremíaskĩa, askayamai nã Niospa meka ato yoimis fetsa rakikĩa,’ mia fakani,” fanifo aõxõ tãpimisfãfe.

Mateo 21:11

Askaifãfe nã Jesús fe foafãfe ato kemanifo: “Nafi Jesúski Niospa meka ato yoimis. Nazarete anoa Galilea mai ano imis,” ixõ ato yoinifo.

Lucas 24:49

Akka ẽfe Yõshi Shara ẽ matoki nĩchi ẽfe Epa yoiyoni keskafakĩ. Akka mã nono Jerusalén ano nẽteyokãfe, ẽfe shara matoki nĩchiyonõ nai mẽraxõ nã ẽ mato yoiai keskafakĩ mã fetsafo eõnoa mã ato yoinõ,” ixõ Jesús ato yoini.

Lucas 3:16

A shinãifo keskara mã tãpixõ Juan ato yoini: “Ẽkai Cristoma. Nãskakẽ ẽ mato maotisafapai. Akka nã chipo oaito ãfe Yõshi Shara mato mẽra naneyoi. Nã sharafinakõia, ea keskarama. Aato afama mĩshti fatiro, ẽ atiroma keskara. Akka ẽ afaama,” ixõ Juan ato yoini. Mã chaima Jesús oaito yoikĩ ato askafani.

Lucas 7:16

Nã naita Jesús otoa õikani. Yorafo ratei fetsenifo. Nãskakaxõ Nios yoisharakõinifo iskafakakĩ: “Epa Niosfi finakõiakĩ ãfe meka yoimis nokoki nokoa,” fanifo. Nãskatari yoikĩ iskafanifo: “Epa Nios nokoki nokokõia, afe yorafo kexesharaxiki,” fanifo.

Juan 1:21

“¿Akka mĩ Cristoma, mĩ tsoamẽ? ¿Mĩmẽ Elías?” faifãfe, “Ẽkai Elíasma,” ato faito, “¿Akka mĩ Elíasmaax mĩ tsoamẽ? ¿Mĩmẽ nã nõ manamis Niospa meka yoimis, nã nokoki oai?” faifãfe, “Maa, ẽma,” ato fani.

Juan 1:33

Ẽri õiyamano Epa Niospa ea yoiti iskafakĩ: ‘Fatofãfe ea chanĩmara faimãkai mĩ faka mẽra ato ikimapaketiro maotisafakĩ. Akka mikiki fetsa nokoano ẽfe Yõshi Shara nã feronãfakeki fotopakekafãxii. Afe nĩtaxii. Nã mĩ õikĩ mĩ tãpixii nãato ẽfe Yõshi Shara matoya rafemaxii ãfe shinã shara mãto shinã mẽra nanenõ,’ ixõ ea yoia. Epa Niospa ea anori yoiyamakẽ Jesús nã Niospa Fake ẽri tãpikeranama.

Juan 12:16

Nãskafikẽ Jesúsnoa yoikĩ kirika keneni keskara aõxõ tãpimisfãfe tãpiyonifoma. Akka mã reteafono otoax Apa ari kaano nãskakẽ aõnoa tãpinifo. Iskakakĩ shinãnifo: “Nã Jesús nono mai anoxõ a afama mĩshti axiai aõnoa yoikakĩ kirika keneyoni. Nõko xinifãfe Jesús fakeyoamano a inõpokoai aõnoa yoikakĩ kirika keneni,” ikaxõ Jesúsxõ tãpimisfãfe ãto õiti mẽraxõ shinãnifo.

Juan 12:23

Yoiaifãfe nikakĩ Jesús ato kemani: “Ẽfi samamashta ẽfe Epa ari ẽ kaikai afe xanĩfo ikikai. Akka ẽfe Epa ari kayotama ẽ yorafonoax nayoxii.

Juan 14:13

Afara ẽfe aneõxõ ẽfe Epa mã yõkaito ẽ mato axoxii, eõxõ Epa Nios sharara fanõfo.

Juan 14:26

Nãskaxõ Epa Niospa ãfe Yõshi Shara matoki nĩchi eõxõ mato fe ixõ mãto õiti mato inimamasharaxonõ. Keyokõi mato tãpimani. Nã ẽ mato yoia keskara mato shinãmani.

Juan 16:14

Nãato eõnoa yoisharakõixii. Nãskakẽ nã ẽ mato yoimis keskara Niospa Yõshi Sharapa mato tãpimaxii.

Juan 16:7

Ẽ mato yoikõi, ẽ mato makinoax kaano mã shara ixii. Akka ẽ mato makinoax kayamaino Niospa Yõshi Shara matoki oima. Nãskakẽ mãto õiti mato fepeaxoyoima. Nãskafiano ẽ mato makinoax kaxõ ẽfe Yõshi Shara ẽ matoki nĩchixii.

Juan 17:1

Nãskata Jesús nai foisnĩfofã Apa yoini: “Epa, iskaratĩa ẽ naano ato tãpimafe ẽ mĩ Fakekõiki. Mĩ ato tãpimanaino ẽri ato tãpimatiro mĩ fãsi sharakõi.

Juan 17:5

Nõ mai onifamatai ẽ mia keskara xanĩfo shara iyopaoni. Nãskakẽ iskaratĩa ẽ mefe xanĩfo inõ ea xanĩfo imafe a ẽ ipaoni keskara.

Juan 20:22

Nãskaxõ ato yoini: “Na ẽfe Epa ãfe Yõshi Shara fikãfe,” ixõ atoki axfainãkafa ato xoõ ani.

Juan 6:14

Nãskata Jesús ãfe mekapa foe rafe yafi cinco pãa ato pimaito õikanax yoinãnifo: “Chanĩmakõi Jesús Niospa meka yoimis. Nã Epa Niospa aõnoa yoipaoni. Nokoki nĩchini,” ikanax yoinãnifo.

Juan 7:12

Nãno yora ichapa rasi inifo. Atirifãfe iskafanifo: “Jesús feronãfake sharakõi,” ikaxõ yoinifo. Askafafiaifãfe atirifãfe yoikĩ iskafanifo: “Maa. A feronãfakekai sharama. Yorafo pãramis,” ikaxõ yoinifo.

Juan 8:54

Jesús ato kemani: “A ẽa ẽ yoimesharai ẽfe meka sharama. Akka ẽfe Ẽpa eõnoa yoisharai. Mã a yoimis: ‘Nõko Epa Nios,’ fakĩ.

Hch. 19:2

“¿Mã Nios Ifofaxõ Niospa Yõshi Shara mato mẽra mã nanenimẽ?” ixõ Pablo ato yõkaito, kemanifo iskafakakĩ: “Maa, nõkai aõnoa afaa nikayomisma, Niospa Yõshi Sharakai nõ nikamisma,” fanifo.

Hch. 2:17

A ea Ifofaifo nã maniafo tii anoa ẽfe Yõshi Shara ãto õiti mẽra ẽ nanexii. Nãfo askayoi mã chaima nõko mai keyoaino. Afia penatari mãto fenafãfe ẽfe meka yoixikani. Naetapafãfe õiafo oa namakẽ õia keskara õixikani. Anifo tiitori eõnoa namaxikani.

Hch. 2:33

Mã otoax mã nai mẽra kaa Apa Nios ano. Iskaratĩa xanĩfo finakõia Apa fe. Nãskaxõ Epa Niospa yoikĩ taefani iskafakĩ: ‘Ẽfe Yõshi Shara ẽ atoki nĩchixikai nãmã,’ ixõ Niospa yoini. Nãskakẽ Niospa ãfe Yõshi Shara nai mẽraxõ nãmã nĩchia. Oa nẽfefã keskara Niospa ãfe Yõshi Shara nokoki nĩchia. Nãskakẽ nõ mãto meka nikayamafikatsaxakĩ nõ meka fetsafãfe nõ mekai fetsea. Mã chai inoax oxõ mã noko nika, nõ mãto mekapa mekai fetseaito.

Hch. 2:38

Askafaifãfe nikakĩ Pedro ato yoini: “Iskaratĩa mãto chaka soakãfe anã anori shinãkakĩma. Jesús aneõxõ mato maotisafanõfo, faka mẽra ikimapakekĩ. Mato maotisafaifono yorafãfe mato õinõfo mã Jesucristo Ifofaito. Nãskaxõ ãfe Yõshi Shara mato mẽra nĩchi kikĩ mato fe rafekõinõ.

Hch. 2:4

Askaifono Niospa Yõshi Shara ato mẽra nanetani. Askaino anã a meka fistichi tsoa mekanima. Meka fetsafãfe fisti rasi mekanifo Niospa Yõshi Sharapa ato meka fetsafamano.

Hch. 3:13

Askata anã Pedro ato yoini: “Nõko xinifo Abraham, Jacobo, Isaaca atiito Nios Ifofapaonifo. Afia fistichi a yonoxomis Jesús finakõia imani. Nãskakẽ afama mĩshti famis. Nãskafikẽkai mã Jesús Ifofapaiyameama. Nãskakẽ xanĩfo Pilato Jesús shinãkĩ, ‘Nõ reteimakai’ fafiaito, ‘Maa, nõ sharafaima, ato retemafe,’ ixõ Pilato mã yoiyamea, Jesús retenõfo.

Hch. 4:31

Mã askafakakĩ kĩfikĩ xateaifono nã ichanãfo anoax mai naya naya ini. Nãskaino Niospa Yõshi Shara ãto mẽra naneaino ranotamakõi Niospa meka shara yoinifo.

Romanos 8:9

Akka mãkai askarama. Mãto shinã mẽraxõ afara chakapa mato shinãmanima. Akka Niospa Yõshi Shara mãto shinã mẽra nanexõ mato shinãmasharamis. Akka Niospa Yõshi Shara mãto shinã mẽra naneyamaino mã Cristo fe rafetiroma.

Efesios 4:30

Askata Niospa ãfe Yõshi Shara nõko õiti mẽranoa omiskõimayamakãfe afara chakafakĩ. Askatamaroko nõko Ifãfe ãfe Yõshi Shara nokoõnoa inimamasharakõikãfe. Ãfe Yõshi Shara nõ mẽra naneakĩ, oa koxa marakka faa keskarafakĩ Niospa noko askafaa nã Jesús anã fotoaitĩa.