Juan 6:56 - Yaminahua

⁵⁶ Fatorafãfe ẽfe nami pikani, ẽfe imiri ayakani, nãfo efe rafesharapakenakafo.

Juan 6:56 ပူးပေါင်းရင်းမြစ်များ

Juan 14:20

Naax ẽ otoaito mã ea tãpitiro ẽmãi Epa Nios fe nĩpanakakẽ. Nãskarifiai mã efe ixii. Ẽri ẽ mato fe ixii.

Juan 14:23

Jesús kemani: “Ea noikakĩ nã ẽ mato yoiai keskara ea nikakõitirofo. Ẽfe Epa ato noiaino ẽri ato noi. Nãskax nõ ato fe rafetiro.

Juan 6:55

Ẽfe nami na mã piai keskara. Ẽfe imiri a mã ayatiro keskara.

2 Co. 6:16

Nã Cristo chanĩmara faafãfe ichanãmisfo Epa Nios kĩfinõfo. Akka nã Ifofaafoma ato fe ichanãtirofoma afara nimofo fakaxõ kĩfitirofo na nõko niosra ikaxõ. Nãskakẽ nã rafe osinãtiroma. Akka afãfekai Epa Nioskõi kĩfipaikanima. Akka Epa Nios nõ mẽra ika. Nãskakẽ nõ Niospa pexe keskara. Nõko Nios nia. Epa Niospa yoini iskafakĩ: Ẽfi ato fe ikikai, ato fe rafexikĩ. Ẽ ãto Nios ikaino afo efe yora ikani, ixõ yoini.

Efesios 3:17

Nã Jesús Ifofaafo mĩ Yõshi Shara atoya rafemafe. Mia tãpikĩ finakõinõfo. Askaxõ tãpinõfo mĩ fãsi ato noiaito. Mĩ Fake Cristori fãsi ato noi. Cristo noko noiai keskara tsõa tãpitiroma. Askafikẽ ato tãpimafe, Epa. Akka tãpikanax, mĩ ato fe rafekõiaito mia keskara inõfo,” ixõ ẽ matoõxõ Epa Nios kĩfifafãini.

1 Juan 2:24

Nãskakẽ Jesúsnoa mã nikakĩ taefani keskafakĩ, ãfe meka shara shinãmakiyamakãfe. Nã mã nikakĩ taefani keskafakĩ, mã shinãmakiyamax mã nikakõisharaino Epa Nios fe ãfe Fake Jesús mato fe rafekõipakenaka.

1 Juan 3:24

Akka a Niospa noko yoini keskafakĩ nõ nikasharakõiax Nios fe nõ rafekõitiro. Askatari Niosri nofe rafekõitiro. Epa Niospa ãfe Yõshi Shara nokoki nĩchini. Aõxõ nõ tãpitiro Epa Nios nofe ikaito.

1 Juan 4:12

Akka tsoa pishta Nios õimisma. Nãskafiax nõ noinãino, Nios nõmẽra ika. Nofe ixõ yorafo noko noimasharatiro.

Apocalipsis 3:20

Shinãkapo efe yora mĩshtichi. Akka a yora pexe mẽra ikipaikĩ ĩkisi pexe ifo kenatoshitiro pexe ifãfe ikimanõ. Nãskarifiai ẽ mato ano nokoxõ mato yoikĩ iskafaxii: “Ẽ mefe rafepai,” ixõ ẽ mato yoimis. Fẽtsa ãfe shinã mẽraxõ ea nikaxõ ea yoi: “Ifo, emẽra ikife. Ẽ mia fichipai,” ixõ anori yoiaito ẽ a mẽra ikiax ẽ afe rafei. Ari efe rafei.