Juan 6:50 - Yaminahua

^50-51 Ẽ nai mẽranoax ẽfe Epa Nios ika anoax oni. Ẽfi na mã piai keskaraki. Nã ea chanĩmara fai nãfi efe nĩpanakakĩ. Nã nõko xinifãfe pipaonifo nai mẽranoax pakeaito aatokai ato nimasharamisma. Iskaratĩa afianã Epa Niospa nai mẽraxõ mato inãi a mã piai. Nã piax yorafo isharapakenakafo anã nanakafoma. Ẽfi nã mã piai keskaraki. Nãskakẽ ẽ keyokõi yorafo ẽ ato nãxoxii nisharapakexanõfo,” ixõ Jesús ato yoini.

Juan 6:50 ပူးပေါင်းရင်းမြစ်များ

Juan 3:13

“Tsoakai nai mẽra kaax anã fototiroma. Akka ẽ fisti ẽ nai mẽranoax fotoa yora fakekõi ikiyoi. Ẽ afianã chipo kaxii.

Juan 3:36

Nãskakẽ Niospa Fake chanĩmara faax nõ afe nipaxatiro. Akka tsõa chanĩmara fayamakẽ Niospa ato omiskõimapakenaka. Akka Jesús nikayamakanax nakanax afe nĩpanakafoma fakishifã mẽranoax omiskõipakenakafo.”

Juan 5:24

“Ẽ mato chanĩmakõi yoinõ. Fatoto ẽfe meka nikasharaimãkai, akka nã ea nĩchiniri, fatotori chanĩmara faimãkai nãfi ẽfe Epa Nios fe nĩpanakakĩ. Akka iskaratĩa yorafo oa naa keskara ikafo Nios Ifofaamax. Akka Epa Nios chanĩmara fakanax afe ipanakafo. Nafiax afianã otoxikani.

Juan 6:33

Nã fistichi yorafo nimapakekõixatiro. Epa Niospa nãmã nĩchini yorafo ato imasharapakexanõ,” ato faito,

Juan 6:42

“Kee, nikakapo. Na Jesús, ãfe apa José yafi ãfe afa María nõ õimis. Nakai afaama. Akka, ¿afeskakĩ noko yoimẽ: ‘Ẽfi nai mẽranoax Nios ika ariax onikĩ?’ Nãskakẽ na meka nõ chanĩmara faima. Iskara meka nõ nikapaima,” ikanax yoinãnifo.

Juan 6:47

Ẽfi mato chanĩmakõi yoikai. A ea chanĩmara fai ẽfe Epa Nios fe ipanaka.

Juan 6:58

“Afianã ẽ mato yoi. Nõko xinifãfe a pipaonifo ãfe ane mãnã. Nã pifiakanax mã nai keyonifo. Akka ẽfi Epa Nios ariax ẽ matoki oni. Ẽfi a mã piai keskarakĩ. Ea pikanax eõnoax nisharapakenakafo,” ixõ Jesús ato yoini.

Juan 8:51

Chanĩmakõi ẽ mato yoinõ. Nã ẽfe meka nikaifo nakanamax nĩpanakafo,” ato faito kemanifo,

Romanos 8:10

Cristo mato fe rafefiaino afara chakaõnoax mãto yora nai. Mãto yora nafiano mãto fẽro mẽsho naima Nios fe nipanaka Niospamãi afaa chakafamisma keskara mato õiaino.