Juan 6:30 - Yaminahua

³⁰ kemanifo: “A tsõa atiroma keskara fakĩ noko afama mĩshti ispafe nõ mia chanĩmara fanõ.

Juan 6:30 ပူးပေါင်းရင်းမြစ်များ

Marcos 15:32

A na Cristo israelifãfe ãto xanĩfo, iskaratĩa nõ õipanã afeskai ifi cruz ikakinoax fotopakekafanimamẽ, nãskaito nõ chanĩmara faikai,” ikaxõ, nã ayafi mastafori ĩchaketsanifo.

Marcos 8:11

Nãno fariseofo akiki fenifo afe yoinãi fekani, feparaxõ yõkapaikani. Iskafakĩ yoinifo: “Tsõa atiroma keskafakĩ afama mĩshtifo fakĩ noko ispafe nõ mia chanĩmara fanõ mĩ Nios ariax oamãki,” faifono,

Juan 12:37

Yorafãfe ferotaifi tsõa atiroma keskara Jesús fafiaino tsõa chanĩmara fanima nã Niospa Fakekõi fiano.

Juan 2:18

Jesús askafaito judeofãfe ãto xanĩfofofãfe yõkanifo: “¿Afeskakĩ Nios kĩfiti pexefã mẽraxõ mĩ ato potaimẽ? Niospa mia yoiaito afara tsõa atiroma keskara noko õimafe nõ mia chanĩmara fanõ,” ixõ yõkaifãfe

Juan 6:14

Nãskata Jesús ãfe mekapa foe rafe yafi cinco pãa ato pimaito õikanax yoinãnifo: “Chanĩmakõi Jesús Niospa meka yoimis. Nã Epa Niospa aõnoa yoipaoni. Nokoki nĩchini,” ikanax yoinãnifo.

Juan 6:2

Nãskaxõ Jesús isinĩ imisfo ãfe mekapa ato sharafaito õikani yorafã rasichi chĩfafainifo.

Juan 6:36

Nãskafekẽ ẽ mato yoiaito mã ea nikakĩ mã ea chanĩmara faima.

Hch. 4:30

Epa Niosi, mĩ sharaõxõ a isinĩ ikaifo ato sharafafe, afama mĩshtifo ato õimayanã a mia yonoxomis Jesucristo aneõxõ,” ixõ Epa Nios kĩfinifo.

1 Corintios 1:22

Akka ẽfe kaifo judeofo iskamisfo: “Niospa nai mẽraxõ afama mĩshti noko õimanaito chipo nõ Jesús chanĩmara fatiro,” ixõ shinãmisfo. Akka nã judeofomafãferi afama mĩshti tãpipaikani. Afeskaxõ Niospa yorafo imasharaimãkai tãpipaikani. Askatari afeskaxõ Jesús yorafo ãto chaka soaxonamãkĩ nãri tãpipaikani. Afama mĩshti ãa shinãkakĩ tãpipaikani. Akka tãpitirofoma. Nãskakẽ iskamisfo: “Noko Jesucristoõnoa yoiaifono nõ tãpitiroma, fekaxkõi. Nãskakẽ nõ Jesús chanĩmara faima. Nã afara nõa nõ shinãi nã nõ chanĩmara fai,” ixõ yoimisfo.

Hebreos 2:4

Askatari Niospa afara fetsa fetsatapafo tsõa atiroma keskara ato ispapaoni aõxõ tãpinõfo ãfe meka chanĩmakõikẽ. Askatari ãfe Yõshi Shara ato mẽra naneni ato katoxõ nãfãfe yonokĩ fetsa fetsafakĩ yonoxonõfo. Nãskakẽ nõ Niospa meka chanĩmara fai.