Juan 6:11 - Yaminahua

¹¹ Nãskax tsaofafono Jesús nã cinco pãa fita Apa Nios yoini: “Aicho, Epa,” ixõ Apa Nios yoita pãa yafi nã foe rafe kaxkepaketa aõxõ tãpimisfo ato inãni, afãferi ato inãnõfo. Fikaxõ pikani mãyakõinifo.

Juan 6:11 ပူးပေါင်းရင်းမြစ်များ

Mateo 15:36

Nãskata Jesús siete pãa yafi foeri tsomaxõ Apa Nios kĩfini: “Aicho Epa, mĩõxõ ẽ ato pimaikai. Mĩ fãsi sharafinakõiaki,” fata, pãa kaxketa, foeri tekenãfaxõ aõxõ tãpimisfo ato inãni nã yorafã rasi ato miniketsanõfo.

Lucas 24:30

Nãskata mã mĩsa ano tsaoafono pixakakĩ Jesús pãa tsomainĩfofã, Apa Nios kĩfikĩ. “Aicho,” fata, nãskaxõ pãa kaxkepakexõ ato inãni pinõfo.

Juan 21:10

Askata Jesús ato yoini: “A mã rama foe fia niri fekãfe,” ato fani.

Juan 21:13

Nãskaxõ Jesús ato pimakĩ ato pãa yafi foe ato inãni.

Juan 21:9

Mã ĩamãfã kesemẽ nokokaxõ õiafo chii mãnã mãnã ikaito õinifo. Foe yafi pãa xoimea chii ketokonõ raka õinifo.

Juan 6:23

Nãskatari Tiberias chaimaxõ kanõa rasi fenifo. A Jesús yorafã rasi ato pimaita ano fenifo.

Juan 6:9

“Õipo. Na fãke cinco pãa fea. Foe rafeya fea. Akka yora ichapato pitirofoma. Fisti rasichi pitirofo. Nono yora ichapa rasi. Na pãa pishta tsoa nokotiroma,” fani.

Hch. 27:35

Ato yoikĩ askafata pãa tsomainĩfofã ãto ferotaifi, Epa Nios kĩfikĩ iskafani: “Aicho Epa Niosi, mĩ noko kexesharaki,” fata ato pãa pikĩni.

Romanos 14:6

“Na judeofãfe tenetitĩa nõ ichanãtiro Jesús shinãi,” ixõ shinãifãfe, nãfãfe nõko Ifo Jesús Ifofasharapaikani. Akka a nã fatora penata nõ ichanãtiro Jesús shinãi ikaifãferi, nãfãfe nõko Ifo Jesús Ifofasharapaikani. Askatari fetsafãfe shinãkani: “Nõ nami pitiro. Aicho, Epa Niospa mĩ noko nami inã nõ pinõ,” ixõ shinãkani. Nãfãferi nõko Ifo Jesús Ifofasharapaikani. Akka fetsafãferi nã nami piyamaifãfe nãfãferi nõko Ifo Jesús, “Aicho,” fatirofo. Nãskaxõ nãfãfe Nios shinãsharapaikani.

1 Corintios 10:31

Ẽ mato yoinõ afara mã akai shara shinãkĩ akãfe. Niospa mato shara õinõ akãfe. Niosnoa shinãsharanõfo akãfe.

1 Tesalonicenses 5:18

Afara afeskara afiaino, Epa Nios aicho fakãfe. Nãskara Niospa matoõnoa fichipai kiki mã Cristo Jesús Ifo shara fakẽ.