Juan 5:34 - Yaminahua

³⁴ “Ẽfi tsõa atiroma keskara fakẽ mã mã õimiski. Akka tsõa eõnoa mato yoiamaito nãfo õixõ mã tãpitiro ẽ mato chanĩkima yoimis. Nãskafekẽ Juan eõnoa mato yoimis keskara ẽ afianã mato shinãmani mãto chaka mã xatenõ omiskõitamaroko Epa Nios fe mã isharapakexanõ.

Juan 5:34 ပူးပေါင်းရင်းမြစ်များ

Lucas 13:34

“¡Ooa Jerusalén ano ikafãfe! Mãfi a Niospa meka yoimisfo mã ato retemiski. Askatari aõnoa ãfe meka shara yoitanõfo Niospa mato ano nĩchiafori mã ato tokorinĩ tsakakĩ retemis. Oa takaranã ãfe fakefo ãfe pei nãmã onetiro keskafakĩ ẽ mato kexepaifiaito mã ea nikakaspamis. Mãfi ekeki omismakĩ ẽ mato ĩkipanã.

Lucas 19:10

Akka ẽ oni ẽfe Epa Nios anoax a fenoafo ato fenayanã ato ifiyoi,” ixõ ato yoini.

Lucas 24:47

Akka ẽfe aneõxõ ato yoikãfe. Jerusalén anoxõ ato yoikĩ taefakãfe. Nãskaxori nã maniafo tii anoafori ato yoifofãsafakãfe ãto chaka xatekaxõ anã Nios nikasharakõinõfo, nãskaifono ãto chaka ẽ ato soaxonikai.

Juan 20:31

Epa Niospa Jesús nĩchini nõko Ifo inõ. Nãfi Niospa Fakeki. Ẽ mato Jesúsnoa kenexoni mã chanĩmara fanõ. Chanĩmara faax mã aõnoax Nios fe nĩpaxanõ.

Juan 5:32

Akka nãno yora fẽtsa eõnoa yoisharamis. Nãato ea chanĩmara fakẽ mãri a nikasharakõitiro.

Juan 5:41

“Epa Niospa ea yoikĩ iskafaino: ‘Ẽfe fake shara,’ ea faino ẽ inimatiro. Akka yorafãfe, ‘Jesús sharaki,’ ea faifono ẽ askafamapaima.

Juan 8:54

Jesús ato kemani: “A ẽa ẽ yoimesharai ẽfe meka sharama. Akka ẽfe Ẽpa eõnoa yoisharai. Mã a yoimis: ‘Nõko Epa Nios,’ fakĩ.

Romanos 10:1

Efe yora mĩshtichi, ẽfe kaifo ẽ shinãkĩ finakõi. Ẽ ato Nios kĩfixõfafãini Jesús chanĩmara fanõfo, Nios fe ĩpaxanõfo.

Romanos 10:21

Askafiaifono ẽfe kaifoõnoa Niospa yoini iskafakĩ: “Nã pena tiixõ ãto shinã mẽraxõ ẽ ato yoimis iskafakĩ: ‘Ekeki fekãfe,’ ixõ ẽ ato shinãmafiaino ekeki fepaikanima. Nikayospamisfo,” ixõ Niospa yoini keskara Isaías kirika keneni.

Romanos 12:21

Askata fetsafãfe mato chakafapaifiaifãfe mãri kopikiri ato chakafayamakãfe. Chaka ifofayamakãfe. Askatamaroko afara sharafatitaifakãfe. Askafakĩ mã chaka potatiro.

Romanos 3:3

Akka nõko kaifãfe atirifãfe Niospa meka ifo shara fayamaifono akka Niospa a yoiai keskara amis.

1 Corintios 9:22

Jesús chanĩmara faafãfe ranãrito Niospa meka tãpisharayokanima. Ẽ nã keskarafo fe ikax ẽri ẽ ato keskara ipai eari Jesús tãpimasharanõ. Nã ea tãpimana keskara ẽri ato tãpimasharanõ. Nãskatari fatora fetsafo fe ẽ ikax ẽ ato keskarari ẽ ipai. Eõxõ Jesús chanĩmara fakanax afe isharapakexanõfo.

1 Ti. 4:16

Nãskakẽ kexemesharafe. Niospa meka mẽstesharakõi ato yoife, isharakõita. Mĩ askafai Epa Nios fe mĩ isharakõipakenakaki. A mia nikaifori askapakenakafoki.

1 Juan 5:9

Akka yorafãfe noko afara yoiaito ato chanĩmara fata a Niospa noko yoiairi nõ chanĩmara fakĩ finakõitiro. Akai yora keskarama, afi Nioskõikĩ. Akka ãfe Fakeõnoa noko yoiaito nõ chanĩmara fakõitiro.