Juan 5:28 - Yaminahua

^28-29 Nãskara ẽ mato yoiaino rateyamakãfe. Akka nã namisfãfe ẽfe meka nikakani otoxikani. Afara shara famisfo nikasharakõimisfo nãfo Nios ano nĩpanakafo. Akka nã afara chakafamisfo afo otokanax omiskõipakenakafo,” ixõ Jesús ato yoini.

Juan 5:28 ပူးပေါင်းရင်းမြစ်များ

Juan 3:7

Ẽ mia yoiaino mĩ ea nikax, ‘Mĩri oa fake yome rama kãia keskara mĩ itiro,’ ẽ mia yoiano, ‘Aira, ¿afeskax nõ afianã yometatiromẽ?’ iyamafe.

Juan 4:21

“Ẽ mia yoinõ, ea chanĩmara fafe. Na machi fisti anoxos nõ Nios kĩfitiroma. Jerusalén fisti anoxori nõ Nios kĩfitiroma. Akka fanĩma mĩshtixõ nõ Nios kĩfitiro.

Juan 4:23

Chipo afetĩara nõ Nios kĩfikõikẽ, ãfe Yõshi Shara fistichi noko tãpimatiro nõ kĩfisharanõ. Ãfe Yõshi Sharaõxõ nõ Epa Nios kĩfikõiaito nãskara Niospa fichipai.

Juan 5:20

Ẽfe Epa Niospa ea noikõi. Nãskakĩ nã akai keskara ea tãpimani ẽri anõ. Akka afara fetsa finakõia ea ispaxii. Askaino mã ea iskafakĩ yoixii: ‘Aira õikapo. ¿Afeskakĩ iskara shara akimẽ?’ mã ea faxii.

Juan 5:25

“Ẽ afara fetsa chanĩmakõi mato yoinõ. Yorafãfe ãto õiti mẽra shinãsharakõiafoma oa naa keskarakõi ikafo. Akka ẽ Niospa Fakeki. Iskaratĩa ẽ ato yoiaito ea nikakanax anã naa keskara ikanima, efe isharapakenakafo.

Hch. 24:15

Akka na ea yõaifãfe a yora sharafoya yora chakafo nafono Niospa ato otofaxii chanĩmara famisfo keskafakĩ ẽri nã akaifo keskafakĩ chanĩmara famis.

Hch. 3:12

Askaifãfe õikĩ Pedro ato yoini iskafakĩ: “Israelifãfe, ea nikakãfe. ¿Afeskax nã finimisma sharamẽ ixõ mã shinãimẽ? ¿Afeskakĩ mã noko õimẽ? Nõkai sharafama. Akka Jesúsxõ nõ sharafaa,” Pedro ato fani.

Filipenses 3:21

Nãato nõko yora chakakẽ noko fetsafaxoxii afe yora keskara sharafinakõia nõ inõ. Nãskaxõ ãfe kerex sharaõxõ nõko yora noko fenasharafaxoxii afara chakafo nõ finõinĩfofanõ.

Apocalipsis 20:12

Askata ẽ õia nã xanĩfofo fe nã yora afamafori nakanax Epa Nios tsaoa ano niafo. Nãno niafono Epa Niospa ãfe kirikafo fẽpea. Kirika fetsari fẽpea. Nã kirikaki nã Ifofamisfo atoki kenea. Akka a Ifofamisfoma atoki keneama. Akka nã kirikanã ãfe ane Nĩpamisfo. Nã nayoxoma apaonifo keskara kirikafo mẽra keyokõi Epa Niospa mã keneni. Nãskakẽ nã afara chakafapaonifo keskara atoki kenexõ ato ispai tãpinõfo chanĩmakõi ato omiskõimaxii.