Juan 5:26 - Yaminahua

²⁶ Akka tsõa Epa Nios onifanima. Akõi ika. Nãskarifiakĩ Epa Niospa yoia keskara ãfe Fakeri tsõa onifanima. Ẽakõi ẽ ikaki.

Juan 5:26 ပူးပေါင်းရင်းမြစ်များ

Juan 1:4

Aõnoax keyokõi niafo. Niospa yorafo tii shinãmapaiyai keskafakĩ Jesúsxõ ato shinãmatiro ãto õiti xafakĩakõi inõfo.

Juan 10:18

A ea chanĩmara faafoõnoax ẽakõi ẽ nai, ea tsõa retekeranama. Ẽfe Ẽpa ea yoini keskara ẽ atoõnoax naikai. Ẽfe Epa Niospa ea yoini keskara ẽ atoõnoax nafiax ẽ anã otoxii,” ixõ Jesús ato yoini.

Juan 11:25

Jesús kemani: “Eõnoax nã nafo tii otokani. Akka eõnoax niafori. Nã ea chanĩmara faax nafiax anã otoxii kiki.

Juan 11:26

Nãskakẽ ea chanĩmara faax anã nanakama. ¿Nãskakẽ mĩ ea chanĩmara faimẽ?” faito,

Juan 14:19

Ẽ anã nono ikima. A ea Ifofaifãfema anã ea õikanima. Akka mã ea õixii, ẽ niano. Nãskakẽ mãri efe nĩpanaka.

Juan 14:6

Jesús kemani: “Ẽfi nã fai keskaraki. Ẽfi chanĩmismaki. Eõnoax yorafo nĩpaxatirofoki. Tsoakai ẽfe Epa ika ano nokotiroma. Eõnoax fisti ẽfe Epa ari nokotirofo.

Juan 4:10

Jesús kemani: “Niospa mia inãpaiyai mĩ tãpiama mĩ eari tãpiama. Akka mĩ ea yõkaito ẽ mia faka shara inãkerana. Nã faka sharapa yorafo nimasharatiro,” Jesús fani.

Juan 6:57

Akka ẽfe Epa nĩpanakato nãato ea nĩchini. Nãskai ẽri aõnoax nipanaka. Nãskakẽ efe rafesharakanax eõnoax nĩpanakafo.

Juan 8:51

Chanĩmakõi ẽ mato yoinõ. Nã ẽfe meka nikaifo nakanamax nĩpanakafo,” ato faito kemanifo,

Hch. 17:25

Askatari ea afaa axokãfe ikima. Akka nãato keyokõi noko nima. Nõ xakainõ noko nefefaxoni, afara fetsafori ani.

1 Corintios 15:45

Niospa meka yõra kenekĩ iskafani: “Feronãfake Adán Niospa onifakĩ taefani. Onifaxõ xãka ikai fani,” ixõ yõra kirikaki keneni. Akka Cristori Adán keskara feronãfake. Feronãfakekõixõ noko nimapakenaka. Nõ naax anã otoax nõ anã natiroma.

1 Ti. 1:17

Anori shinãkĩ nãnori nõ yoitiro iskafakĩ: “Aicho Epa Niospa, mĩ fãsi sharakõi. Meres mĩ xanĩfokõi, tsõa mia finõtiroma. Mĩ nanakama, mĩ nĩpanaka. Tsõa mia õitiroma. Meres mĩ keyokõi tãpikõia. Meres mĩ Nioskõi, anã fato fetsama.” Nãskafakĩ nõ Nios yoipakenaka.

1 Ti. 6:16

Akka tsõa onifanima, aakõi ares ika. Nãskax nanakama. A chaxasharai mẽra ika tsoa akiki nokotiroma. Askatari tsõa õimisma, tsõa õitiroma. Nãskakẽ keyokõichi nõ aõnoa yoisharatiro: “Nios fisti sharafinakõia. Nã fistichi afara sharafo ares atiroki,” ixõ yoipakenakafo. Askapainõ.

Hebreos 1:2

Akka iskaratĩa noko yoia ãfe Fakeoxõ. Nãskakẽ nõ tãpitiro Nios afe keskaramãki. Ãfe Fakeoxõ keyokõi nai mẽranoafoya mai anoafoyari onifani. Nãskafata ãfe Fake katoni nai mẽranoafoya mai anoafoyari nõko xanĩfo finakõia inõ.

Apocalipsis 21:6

Askaxõ anã Niospa ea yoia iskafakĩ: “Mẽ aka. Iskaratĩa ẽ yoiyoni keskara mẽ keyoa. Afara onifataima ẽ iyopaoni. Afetĩara maifo tii keyoai eres fisti ẽ yoitiro. Ẽ keyokõi ĩkinã. Ẽfi nĩpamiski. Fetsa nõamãikĩ yoitiro iskafakĩ: ‘Ẽ faka fenakõi naxikima,’ ixõ yoitiro. Nãskarifiai fetsa ipaisharapaikõikĩ yoitiro iskafakĩ: ‘Ẽa ẽ isharatiroma. Ẽ Nios yopakõi,’ ixõ anori yoiaito ẽ inimakĩ ifitiro, efe ĩpaxanõ.

Apocalipsis 22:1

Askano ẽfe namapa õiai keskara Niospa ãjiri fẽtsa ea õimana afe keskaramãki Nios ika ano. Nios fe Jesús tsaoa anoax faka shara fakkai fakkaisai keskara kafani, fai nẽxpakĩa. Afara choshta a mẽra ikitiroma. Nãno ikafãfe nã faka shara ayapaiyaitĩa ayatirofo, nãskakẽ nomipakenakafoma. (Nãskarifiakĩ nãno Niospa noko potapakenakama noko ĩkipakenaka.) Nãnori fai nẽxpakĩa ifi nia ika. Faka takai raferi nii xokoa ika. Nãno ikafãfe nã nii fimi pipaiyaitĩa pitirofo. Nãskakẽ fonãipanakafoma. Nãskarifiai Nios nofe ikano nõ aõnoax omiskõitiroma nõ nisharapakenaka. Nã ifi oxe tii fimimis. Ãfe pei tsasimisma xachoko fena shara ipanaka. Nãskarifiai nã chanĩmara faafo tii maifo tii anoax Niosnoax meema sharakõi ipanakafo.

Apocalipsis 22:17

Askano Niospa Yõshi Shara feta Jesús afe yorafãferi yoikakĩ iskafatirofo: “Jesúski fekãfe,” ato faifono, fetsafãferi nikakaxõ ato yoitirofo: “Jesúski fekãfe,” ato fatirofo. Fẽtsa nõamã ikĩ faka yopai, faka ano katiro mã ayax anã nõamã itiroma. Nãskarifiai fẽtsa ãfe chaka xatepai, Jesúski otiro Epa Nios fe ipaxakĩ. Afaa inãtama Jesús chanĩmara faax, afe ipaxatiro.