Juan 3:31 - Yaminahua

³¹ Anã Jesús ato yoini iskafakĩ: “A nai mẽranoax nãmã fotoato nãato nãmãnoafo ato finõa. Akka nã nãmãnoax fakeafãfe nãmãnoa fisti yoitirofo. Akka nã nai mẽranoax fotoato nãatofi keyokõi finõa.

Juan 3:31 ပူးပေါင်းရင်းမြစ်များ

Mateo 28:18

Nãskaifono Jesús atoki kaxõ ato yoini: “Ẽfe Epa Niospa ea yoia nai mẽranoafoya nono mai anoafori ẽ ato yoinõ.

Juan 1:15

Jesúsnoa Juan ato yoini iskafakĩ: “Ea nikakãfe, õikapo. Nãõnoa ẽ mato yoimis. Iskafakĩ ẽ mato yoimis: ‘Mã oi. Ẽ taeyoi ofiano ea finõkõia ẽ fakeamano amãi Apa Nios fe iyopaonixakĩ,’ ” ixõ Juan ato yoini.

Juan 1:27

Ẽ iskaratĩa mato Niospa meka yoifafãini. Askafiano aato chipo mato yoixii. Fãsi ea finõkõia. Ẽ afaa tãpiama ẽ sharakeroko ẽ ãfe zapato risfi nexaxopanã,” ixõ Juan ato yoini.

Juan 1:30

Ẽ mato aõnoa yoimis. Ẽ mato yoia iskafakĩ: ‘Chipo oi ea keskarama finakõia, nãmãi ẽ fakeamano iyopaonixakĩ.’ Nakĩa mã oa.

Juan 3:30

Akka nã Cristo finakõia. Ẽkai Cristoma. Ẽ afaa tãpiama, Cristo finakõia. Akka ẽ afianã afaa yoitiroma ea tanatamaroko, Cristo fisti nikakõinõfo,” ixõ Juan ato yoini.

Juan 6:33

Nã fistichi yorafo nimapakekõixatiro. Epa Niospa nãmã nĩchini yorafo ato imasharapakexanõ,” ato faito,

Juan 8:23

Jesús ato tãpixõ ato yoini: “Mãfi na mai anoakĩ. Akka ẽfi nai mẽranoakĩ.

Hch. 10:36

Niospa israelifãfe fenafo meka sharaõnoa ato yoini, inimasharakõinõfo. Jesucristoõxõ ato yoini, nã nõko Ifoõxõ.

Romanos 9:5

Judeofãfe xinifãfe Epa Nios Ifofasharapaonifo. Cristori judeo fake kãini, Niospa Fakekõifiax. Nãskax arifi nõko xinifãfe ãto fena. Nãfi yorafãfe ãto Ifokĩ, nãatomãi keyokõi ato ĩkikẽ. Nãskakẽ, “Nios fãsi finasharakõia,” nõ fapaxanõ. Askapainõ.

Hebreos 9:1

Ẽ mato yoinõ afe keskara yorafo ipaonifomakĩ. Akka Epa Niospa Moisés yoini afeskaxõ nono mai anoxõ afe yorafo ato Nios kĩfixotirofomãkĩ Niospa ato chaka soaxonõ. Akka karapa pexe fanifo a mẽraxõ Nios kĩfinõfo.

1 Pedro 3:22

Jesús Apa ari nai mẽra kani Apa Nios fe xanĩfokõi ixiki. Nãskakẽ ãjirifãfe ãto xanĩfofofãfe Jesús finõtiroma nã yõshifãferi. Askatari nã yõshifãferi xanĩfofiakaxõ Jesús finõtirofoma Jesúsmãi finakõikẽ.

1 Juan 4:5

Akka fetsafãfe Nios tãpiafomano, nãskakẽ anorima ato yoimisfo, Satanás ato shinãmanaino. Nãskakẽ Satanás ifofaafãfe ato nikamis Satanásmãi ãto ifokẽ.

Apocalipsis 19:16

Jesús ãfe ane fetsa ãfe rapati chainipaki kenea mãnãkiri keneta maikiriri kenea iskafakĩ: “Xanĩfo maifo tii anoa ãto Xanĩfo finakõia, askatari ãto Ifo finakõia,” ixõ kenea.