Juan 3:28 - Yaminahua

²⁸ Akka ẽkai Cristoma. Epa Niospa ea yoia ẽ Cristoõnoa yorafo tãpimanõ ãto chaka xatenõfo, Cristo nokoaito chanĩmara fanõfo. Nãnori ẽ mato yoiaito mã nikamis.

Juan 3:28 ပူးပေါင်းရင်းမြစ်များ

Mateo 3:3

Isaías kirika kenekĩ yoiyoni a inõpokoai yoikĩ Niospa shinãmanaino. Iskafakĩ yoini: Tsõa istoma anoxõ yorafo yoixii akiki feaifono. Iskafaki ato yoixii: “Mã nõko Ifo oi kiki. Nãskakẽ itipinĩsharakãfe. Ãfe fai sharafaxokãfe. Mãto chaka xatekãfe,” ixõ ato yoiaito nikaxikani, ixõ Isaías kirika keneyoni Juanoa yoikĩ.

Lucas 1:76

Nãskata Zacarías ãfe fake yome pishta yoini: Anifoshta, nõko Nios finakõia nõ mãnão nikõina. Akka mĩ yosixõ Niosnoa mĩ ato yoixoxii. Taefakĩ mĩ ato yoixonano chipo nã nõko Ifo finakõia oxii. Nãskakẽ itipinĩkãfe mã nõko Ifo oi kiki mĩ ato faxii.

Juan 1:20

Askafaifono Juan ato kemani: “Ẽkai Cristoma. A nõ manai nõko xanĩfo ẽkai aama,” ato faito,

Juan 1:23

Askafaifono Isaías kirika keneni keskara nãnorikõi Juan ato yoini iskafakĩ: “Niospa mato yoipaiyai keskara ẽ mato yoinõ. Tsõa istoma anoxõ ẽ fãsikõi mekaikai: ‘Nõko Ifo nokoki oxii. Ĩkisi itipinĩsharakãfe. Mã ipaoni keskara afianã iyamakãfe. Keyokõichi mãto chaka potakãfe, mẽstekõishara isharaxikakĩ,’ ” ixõ Juan ato yoini.

Juan 1:27

Ẽ iskaratĩa mato Niospa meka yoifafãini. Askafiano aato chipo mato yoixii. Fãsi ea finõkõia. Ẽ afaa tãpiama ẽ sharakeroko ẽ ãfe zapato risfi nexaxopanã,” ixõ Juan ato yoini.