Juan 21:15 - Yaminahua

¹⁵ Mã pixõ Jesús Simón Pedro yoini: “Simón mĩfi Juan fakeki. ¿Na fetsa finõmainĩfofã mĩ ea noimẽ?” faito, “Ẽje Ifo. Mã mĩ tãpiaki ẽ mia noiaito,” Pedro faito, Jesús yoini: “A ea noisharaxõ a ea rama Ifofaifori ato kexesharafe ea Ifosharafanõfo. A oveja kexemisto ãfe oveja fake kexemis keskafafe ato kexekĩ,” fani.

Juan 21:15 ပူးပေါင်းရင်းမြစ်များ

Mateo 10:37

“Fẽtsa ãfe apa yafi ãfe afa noikĩ finakõixõ akka ea noikĩ finayamax, ea Ifofamis itiroma. Askatari fẽtsari ãfe fake feronãfake yafi ãfe fake xotofake noikõixõ, akka ea noikĩ finayamax ea Ifofamis itiroma.

Mateo 16:17

Askafaito Jesús kemani iskafakĩ: “Simón, mĩfi Jonáspa fakeki. Niospa mia noixõ mia sharafaxõa. Akka ẽ Niospa Fakekẽ tsõa mia tãpimanama. Ẽfe Epa Niospa nã nai mẽra ikato ãa mia tãpimana.

Mateo 18:10

Anã Jesús ato yoini iskafakĩ: “Nã rama ea Ifofaõnoa fakefo keskara shinãkĩ iskafayamakãfe: ‘Na rama Jesús Ifofaafokai afaafoma,’ ixõ yoiyamakãfe. Ẽ mato mẽstekõi yoinõ. Epa Niospa ãfe ãjirifãfe nã rama ea Ifofaafo ato kexesharafafãimis. Nã ãjirifo Epa Nios fe imisfo. Nãskakẽ ãfe fakefo kexesharamis.

Mateo 26:33

Pedro kemani: “Keyokõi shinãmakifiaifono, akka ẽkai mia shinãmakima,” fani.

Mateo 26:35

Askafaito nikakĩ anã Pedro kemani: “Maa. Mia retefiaifono ẽ mefe nai. Ẽ õimismara ẽ mia faima,” fani. Pedro askafaito nikakakĩ keyokõichi aõxõ tãpimisfãfe askafakĩ fetsanifo.

Marcos 14:29

Ato askafaito nikakĩ Pedro kemani. “Akka keyokõi shinãmakifiaifono ẽkai mia shinãmakima,” ixõ yoiaito,

Lucas 12:32

Anã Jesús ato yoini iskafakĩ: “Efe yorafãfe, rateyamakãfe, Epa Niospa mato kexesharaikiki. Akka Epa Niospa ãfe afama mĩshti mato inãsharai inimakõikai mato inãsharai.

Lucas 22:32

Akka ẽ mia Epa Nios kĩfixoni mĩ ea nikakĩ xateyamanõ. Akka mã mĩ paxkafixõ mĩ ea anã Ifofakõixõ a mefeta ea Ifofaafo ato yoisharafe ea Ifosharafanõfo,” ixõ yoiaito,

Juan 1:42

Askata Andrés Simón Jesúski nokokini. Akiki nokoaino Jesús Simón yoini: “Mĩ Simón, Jonáspa fake. Iskaratĩa ẽ mia ane fetsafaxonõ. Nõ mia Cefas fanõ,” fani. (Cefas nãfa mekapa yoimis Pedro fakĩ.)

Juan 13:37

anã Pedro kemani: “¿Afeskai iskaratĩa ẽ mefe katiromamẽ? Mẽ iskaratĩa itipinĩshara mĩõnoax naxikĩ,” faito,

Juan 21:12

Askaifono Jesús ato yoini: “Piyoi fekãfe,” ato fani. Akka tsõa yõkanima: “¿Mĩ tsoamẽ?” tsõa fanima mãmãi tãpikaxõ ãto Ifomãiyakẽ.

Juan 21:7

Nã Jesúsxõ tãpimis fẽtsa nã Jesús ãfe yamakõi ipaonito Pedro yoini iskafakĩ: “¡Nãfi nõko Ifoki!” fani. Askafaito nikai Pedro koshikõi ãfe rapati safeni nãskax kanõanãfã makinoax ĩamãfãnaki pakekaini ãfe Ifoki nokorisapai.

Juan 8:42

Jesús ato yoini: “Ẽfi Nios fe imiski. Ẽ Nios ariax oni. Ẽa shinãx na mai ano ẽ onima, ẽfe Ẽpa ea nĩchini. Akka mãto Epa Nioskẽ mã ea noikerana.

Hch. 20:28

Nãskakẽ kexemesharakãfe, a Nios Ifofaafori ato kexesharakãfe. Niospa Yõshi Sharapa mato ĩkinãki, a Nios Ifofaafo mã ato kexesharanõ. Jesús nokoõnoax nai ãfe imi foniki.

Hch. 20:29

Mẽ mato makinoax kaano, chipo a fanĩrira yoimisfo chakafo fekani mato fanĩrira yoipaikani. Oa poomãnã chaxo fichixõ pitiro keskafakĩ mato pãrapaikani mã anã Jesús shinãnõma.

Romanos 14:1

Meka fetsa ẽ mato yoinõ. Fetsafãfe Jesús Ifofafiakaxõ ãfe meka tãpisharakanamax mato fe ichanãifono, “Aicho, nofe ichanãi fekãfe,” ato fakãfe. Mã shinãi keskara anori shinãyamaifono ato fe feratenãyamakãfe. Ato mekafakĩ chakafayamakãfe.

Romanos 15:1

Jesús chanĩmara fakõixõ a Niospa meka tãpisharafoma nõ ato fenãmãshta yoitiro ato fe feratenãtama. Nõa nõ apaiyai keskara fisti nõ atiroma. Nã Jesús chanĩmara faa fetsafori noikĩ nõ ato axotiro ãto shinã mẽra inimamakĩ shara inõfo Jesús Ifo sharafakõinõfo.

Gálatas 5:6

Nõ foshki repa xateano, askayamãkĩ nõ xateamano, afãfekai nõko chaka noko soaxotiroma. Akka nõ Jesucristo Ifofakõinaino fetsafo noko ato noimasharakõitiro nõ ato noisharakõinõ. Nã fisti nõ fichipai, chanĩmara fasharakõixii.

Efesios 4:14

Nãskax anã oa fakefo keskara nõ itiroma mã nõmẽra Niospa meka yosiano. Oa nefe onori kai, anã onori kai imis keskai, fakefo askatirofo afaa shinãsharaima. Askaxõ a Niospa meka tãpisharafãfema ato yoiaifãfe nikafofãsa fatirofo. Askaxõ tãpisharaxikakĩma Niospa mekakõi. Askatari a yora ãa chanĩki fanĩrira ato yoimis nõ nikatiroma.

Efesios 6:24

Nã nõko Ifo Jesucristo noipakenakafo Nios sharakõi mato noikõipakenaka. Askapakexapainõ. Nã tii. Ẽkĩa Pablo ẽ mato kenexoni.

Hebreos 13:20

Epa Niospa noko inimamakõimis nõ afaa shinãchakanõma. Nõko Ifo Jesús mã nokoõnoax nafiakẽ Apa Niospa otofani Jesús keyokõi finõax noko kexemis inõ. Jesús noko nãxoniõnoax Epa Nios fe nõ afe yora ipanaka. Nãskakẽ mã afara shara yopaito Epa Niospa mato inãtiro a mato apaiyai keskara shara mã anõ. Ãfe Fake Jesucristoõxõ nõko shinã mẽra noko shinãmasharax nokoki inimakõixii. Nãskakẽ keyokõichi Jesúsnoa nõ yoisharapakenaka. Nãskara sharakõi ĩpanaka.

Hebreos 4:13

Epa Niospa keyokõi tãpia nõ õtatiroma. A nõ afara shinãxõ nõ amis keskara keyokõi tãpikõia. Akka nõri tãpia a nõ amis keskara. Nãskakẽ nõ Nios pãratiroma.

1 Pedro 1:8

Mã Jesucristo noisharakõi õiyamafikatsaxakĩ. Askatari iskaratĩa mã chanĩmara fakõini õiyamafikatsaxakĩ. Nãskakẽri mã inimai finasharakõiyanã mã tsoa yoisharatiroma.

1 Pedro 2:2

Askatamaroko nã fake rama kãiato yosixiki chocho apaiyai keskafakĩ, mãri Niospa meka shara fichipaikãfe, oa fake yomẽ chocho aki yositiro keska shara ixikakĩ. Mã mã tãpiaki nõko Ifãfe mato shara faxõaito. Nãskakẽ nã Epa Niospa mato amapaiyai keskara fisti akãfe.

1 Pedro 2:25

Akka mã taeyoi oa oveja fenoa keskara mã iyopaoni afara chaka shinãi. Akka iskaratĩa mã Cristo Ifofasharakõi, mato kexesharano oa oveja kexemisto ãfe oveja kexetiro keskafakĩ. Nãskaxõ mato kexesharakõiaino mã afe yora iki.

1 Juan 4:19

Nõ Nios noiyamatai noko noikĩ taefani. Akka noko taefakĩ noinikẽ iskaratĩari nõri nõ aõ noi.

1 Juan 5:1

Jesucristo Niospa Fakekõi. Nokoki nĩchini noko nimapakexanõ, nõko Ifo inõ. Akka nõ a chanĩmara fai nõ Niospa fakefo itiro. Nãskaxõ ãfe Apa Nios nõ noixõ, ãfe Fakeri nõ noikõitiro.

Apocalipsis 2:23

A kẽromã shinãi keskarari shinãifo ẽ ato retexii. Ẽ askafaito, õikani a ea Ifofamisfo mai fetsafo arixõ tãpitirofo ẽ keyokõi yorafo ẽ tãpisharakõia. Mãto õitinĩ a mã shinãi anori mẽ tãpikõia. Tsõakai afaa pishta ekeki onetiroma. Ẽ keyokõi tãpikõia. Nãskakẽ mã afarafo shara famis ẽ mato shara faxii kopifakĩ. Akka a afarafo chakafamisfo ẽ ato omiskõimaxii kopikiri.