Juan 20:19 - Yaminahua

¹⁹ Nãskata nomĩkonõ mã xini kaino a aõxõ tãpimisfãfe judeofoki mesekakĩ ãto pexe fepoti feponifo ichanãkakĩ. Mã ichanãifono ãto nẽxpakĩa Jesús nirisatani. Ato yoini: “Mãto õiti fepeakax inimasharakãfe,” ato fani.

Juan 20:19 ပူးပေါင်းရင်းမြစ်များ

Mateo 10:13

Akka mato ifisharaino, mã tãpitiro nã pexe ifãfe afe yorafo ĩkisharamis. Nã mã yoiai keskafakĩ Epa Niospa axosharai tanaima shara inõ. Akka a mato ifisharayamaifo, afãfe afe yorafo ĩkisharamisfoma. Nãskakẽ nã mã yoiai keskafakĩ Epa Niospa ato axosharaima.

Mateo 18:20

Akka rafe iyamakani tres yora ea shinãkani eõnoax ichanãkaxikani ẽri ato fe ichanãxii,” ixõ Jesús ato yoini.

Marcos 16:14

Nãskata chipo Jesús aõxõ tãpimis oncefoki nokoni, mĩsa ano tsaoxõ piaifono. Mã atoki nokoxõ iskafakĩ ato yoini: “¿Afeskakĩ mã ato chanĩmara famamẽ mẽ otofiano nã ea õiafãfe mato yoiaifono?”

Juan 14:27

“Ẽ mato makinoax kakĩ ẽ mato õiti fepeaxosharafãinikai. Akka nã ea nikaifãfema mato õiti fepeaxotirofoma, ẽ fistichi ẽ mato axotiro. Nãskakẽ shinãchakayamakãfe. Rateyamakãfe.

Juan 16:22

Nãskarifiai ẽ mato makinoax kaino mã oiai omiskõixii. Nãskax ẽ anã chipo matoki oaino mã inimakõixii. Tsõakai mato xatematiroma mã ekeki inimaito.

Juan 16:33

Nã ẽ mato yoi mãto õiti shara inõ. Akka nã ea chanĩmara faafoma fe mã nono nãmã nẽtei. Nãskakẽ mato omiskõimafiaifono shinãchakayamakãfe. Ẽ Satanás yafi nã ea chanĩmara faafomafo ẽ ato finõkõia. Nãskakẽ ẽ mato kexesharatiro,” Jesús ato fani.

Juan 20:21

Afianã Jesús ato yoini: “Mãto õiti fepeakax inimasharakãfe. Nã ẽfe Ẽpa ea nĩchini keskafakĩri iskaratĩa ẽ matori nĩchikai,” ato fani.

Juan 20:26

Nãskata ocho nia oxata Jesús aõxõ tãpimisfo anã kene mẽranoax ichanãfono Tomásri nãno ato fe ini. Pexe fepoti fepokõiafono Jesús atoki nokorisatani. Anã ato yoini: “Mãto õiti fepeakax inimasharakãfe,” ato fani.

Juan 21:1

Nãskano Jesús anã aõxõ tãpimisfoki atoki nokoni. Ĩamãfã Tiberias kesemẽ nãno atoki nokoni. Ẽ mato yoinõ afeskax Jesús onimãki.

Juan 21:14

Mã reteafono otoitaxakĩ aõxõ tãpimisfoki nokoni. Tres ves ini atoki oi.

Juan 7:13

Nãskax a ranã yoinãnifo judeofãfe ato nikayamanõfo judeo xanĩfofoki mesekakĩ.

Romanos 15:33

Epa Nios mato fe inõ. Akka Niospa noko imasharatiro nõ isharanõ.

Efesios 2:14

Nãskakẽ Jesucristoõnoax nõ noinãtiro, ẽfe kaifo israelifo fe yora fetsafo. Nãskakẽ nãskarafos noko shinãmasharatiro nõ aõnoax noinã faatanãx afianã nõ noikaspa faatanãnõma. Nãskakẽ afanã noko anã afeska fatiroma. Iskaratĩa nõ Cristoõnoax yora fisti keskarafo.

Efesios 6:23

Nõko Epa Nios feta nõko Ifo Jesucristo mãto õiti mẽra mato shinãsharamanõ mã fekaxteyamanõ. Jesús chanĩmara faax, keyokõi mã nõinãi fetsenõ.

Filipenses 1:2

Nõko Epa Nios feta nõko Ifo Jesucristo mato noikĩ mato sharafai kiki mato inimamakĩ mã anã fekaxteyamanõ mã isharakõinõ.

2 Tesalonicenses 3:16

Nõko Ifãfe nõko õiti noko inimamaxotiro. Pena tii afara afeskara afiaino mato inimamatiro. Nõko Ifo keyokõi mato fe isharanõ.

Hebreos 7:2

Askafaito õikĩ Abraham Melquisedec nã afama mĩshti fitanai ranãri inãni. Nã Melquisedec ãfe ane “Asharakõimis,” famisfo. Nã Salem pexe rasi anoax xanĩfo ipaoni. Nã Salem ãfe ane “Isharakõi,” fapaonifo.

3 Jn. 1:14

Akka ẽ mikiki koshi nokosharapai. Ẽ mikiki nokoax mefe yoinõnãsharaxiki.

Apocalipsis 1:4

Nã Asia mai anoafo a Nios Ifofaafo tii siete pexefo anoafo ẽ mato kirika kenexõ fomai. A ẽ mato yoiai anori õisharakõikãfe. Afetĩama Epa Nios niyopaofinixakĩ iskaratĩa nia. Epa Nios nĩpanaka. Ãfe Yõshi Sharari afe itiani. Nãskakẽ Epa Nios feta ãfe Yõshi Sharapa, ãfe Fake Jesucristo mato noikĩ mãto õiti mẽra mato shinãmasharapainõ afanã mãto õiti fekaxtefanõma. Nãskakẽ nõko Ifo Jesucristo Niospa meka noko yoimis chanĩmakõi. Jesúsfi Niospa Fakekõifekẽ retenifo. Mã retexõ maifafiafono Apa Niospa anã otofani anã nanakama. Fato fetsa askayomisma. Nãskaxõ Apa Nios fe rafexõ a xanĩfofo maitio anoafo ato ĩkixii xanĩfokõi ixõ. Aatofi noko noikõiakĩ, ãfe imi foax noko nãxoni Satanás chaka nõko ifo inõma.