Juan 2:21 - Yaminahua

²¹ Askafafiakakĩ tsõa tãpinifoma Jesús Niospa pexeõnoa yoinima. Aafi anofi yoimeni.

Juan 2:21 ပူးပေါင်းရင်းမြစ်များ

Juan 1:14

Nãskakẽ na Meka aneya Apa Nios ika anoax mai ano oni yorakõi ixikĩ. Nonoax nofe iyopaoni. Apa Nios keskara sharakõi mã nõ õipaoni. Nãato yorafo noikõimis. Ãfe meka chanĩmakõi. Nã fisti Epa Niospa Fakekõi. Apa Nios imis keskara nãskakõiriai sharakõi imiski.

Juan 2:22

Askata Jesús nafiax oxa rafeta tres nia ĩta otoano aõxõ tãpimisfãfe shinãnifo: “Chanĩma, a Jesús ato yoita keskara, nã pexefã pãoikaikiri keparanãkĩ, ‘Ẽfi tres nia otoxii,’ ixõ yoita. Iskaratĩa mã nõ tãpia aafi anofi yoimeita,” ixõ aõxõ tãpimisfãfe shinãnifo Jesús otoano. Nãskakẽ Niospa meka kenenifo keskara chanĩmara fanifo. Nãskata nã Jesús ato yoini keskara shinãkakĩ: “Chanĩmakõi Jesús noko yoini,” fanifo.

1 Corintios 3:16

Akka, ¿mã tãpiamamẽ mã Niospa pexe keskarakõi? Ãfe Yõshi Shara mato mẽra ika.

1 Corintios 6:19

¿Mã tãpiamamẽ Niospa Yõshi Shara nofe ika? Nõko yora ãfe pexe keskarakõi. Nãskakẽ Niospa Yõshi Shara nõmẽra ika nãmãi nõko Ifofaax. Nãskax mãkõi mã ifofametiroma. Akka Nios mãto Ifo.

2 Co. 6:16

Nã Cristo chanĩmara faafãfe ichanãmisfo Epa Nios kĩfinõfo. Akka nã Ifofaafoma ato fe ichanãtirofoma afara nimofo fakaxõ kĩfitirofo na nõko niosra ikaxõ. Nãskakẽ nã rafe osinãtiroma. Akka afãfekai Epa Nioskõi kĩfipaikanima. Akka Epa Nios nõ mẽra ika. Nãskakẽ nõ Niospa pexe keskara. Nõko Nios nia. Epa Niospa yoini iskafakĩ: Ẽfi ato fe ikikai, ato fe rafexikĩ. Ẽ ãto Nios ikaino afo efe yora ikani, ixõ yoini.

Colosenses 1:19

Nãskaxõ Epa Niospa yoikĩ iskafani: “Ẽ imis keskai ẽfe Fakeri nãskakõimis, nãskax nãri efe Nioskõi, nõ nãskara rafekõi,” ixõ inimakai Epa Niospa yoini.

Colosenses 2:9

Akka Cristo fe Apa Nios nãskara rafe, Cristo noko keskara feronãfakekõifiax Apa Nios imis keskara nã nãskakõini.