Juan 18:38 - Yaminahua

³⁸ “¿Afaamẽ a meka chanĩmakõi?” Pilato fani. Askafata Pilato pexe kachiori kãinãkafani. Kãinãkafaxõ judeofo yoini: “Ẽ na feronãfake yõkakĩ ẽkai aõnoa afaa chaka nikama,” ato fani.

Juan 18:38 ပူးပေါင်းရင်းမြစ်များ

Mateo 27:24

Akka Pilato õia tsõa nikakanima inifo. Yorafã rasi fãsikõi mekanifo. Nãskakẽ ãfe ina faka fixotanõ nĩchini. Askata mechokomeni yorafãfe ferotaifi õinõfo ato iskafakĩ yoiyanã: “Ẽkai afaamaki na feronãfake ẽ retepanã. Mã mã apaikai akãfe. Eõnoax naima kiki. Matoõnoax nai kiki,” ato fani.

Marcos 15:14

Askafaifono Pilato ato yoini iskafakĩ: “Akka, ¿na feronãfãke afaa chakafamẽ?” ato faino, anã fãsikõi mekainĩfofãnifo: “¡Mastafe!” fanifo.

Lucas 23:4

Nãskafaino Pilato nã ato Nios kĩfixomis xanĩfofo yafi nã ano niafo yoini iskafakĩ: “Na feronãfãkekai afaa chakafaa ẽ õima,” ato fani.

Juan 18:33

Nãskano Pilato ãfe pexe mẽra Jesús ikimani yõkaxiki. Mã ikimaxõ yõkani: “¿Mĩmẽ judeofãfe ãto xanĩfo?” Pilato faito,

Juan 19:4

Askafaifono Pilato Jesús pexe xaki mẽranoa kãimani õinõfo. Jesús tari õshi nana safeax kãikaini, moxari maiti fakaxõ maimanafono. Nãskaxõ Pilato ato yoini: “Õikapo na feronãfakekai afaa chakafaa ẽ nikama ẽ chakafapanã,” ato fani.

Juan 19:6

Ato askafaito judeofãfe ãto xanĩfoyaxõ a Nios kĩfiti pexefã kexemisfãferi fãsikõi mekafanifo: “¡Mastafe! ¡Mastafe!” faifono, “Mã iyokaxõ mastatakãfe. Ẽkai aõnoa afaa chaka ẽ nikama ẽ chakafapanã,” Pilato ato fani.

Hch. 17:32

a Jesús naax otoita nikakani, akiki kaxemetsamanifo. Ranãrito yoikĩ iskafanifo: “Mã nõ nikakĩ a mĩ noko yoiaito, anã pena fetsa noko yoifaixãfe,” fanifo.

1 Pedro 1:19

Akka Cristo fistichi noko nimatiro. Atokai afaa chakafamisma, nã oveja fake meema keskara sharakõi. Jesús noko nãxoni ãfe imi foni noko imasharapakexakĩ nõ anã chaka inõma.