Juan 16:30 - Yaminahua

³⁰ Iskaratĩa mã nõ tãpia keyokõi mĩ tãpikõia. Nõ mia yõkapaiyaito mĩ noko tãpitiro. Nãskakẽ mĩ Nios ariax onikẽ nõ mia chanĩmara fai,” ixõ yoiaifãfe

Juan 16:30 ပူးပေါင်းရင်းမြစ်များ

Juan 16:17

Ato askafaito nikakani yoinãnifo: “¿Afeskakĩ, ‘Ẽfe Epa ari kaito mã anã ea õiyoima,’ noko faimẽ? ‘Afianã ẽ oaito mã ea õixii,’ noko fai. Na noko yoiai keskarakai nõ tãpiama,” ikanax yoinãnifo.

Juan 16:23

“Ẽ naax ẽ otoax ẽ anã mato fe iyamaino mã anã afara mã ea yõkatiroma. Akka ẽfe aneõxõ mã Epa Nios yõkatiro. Afarashta ẽfe aneõxõ mã Epa Nios yõkaito mato axoxii.

Juan 16:26

Nãskaxõ mã ea noi. Ẽmãi Nios ariax matoki onikẽ mã mã ea chanĩmara faa. Nãskakẽ Epa Niospa matori noikõi. Akka, ‘Ẽ mato makinoax kakĩ anã ẽ mato Epa Nios kĩfixoni,’ ẽ mato faima. Mã mã yõkaxii ẽfe aneõxõ.

Juan 16:31

Jesús anã ato kemani: “¿Chanĩmamẽ mã mã ea chanĩmara faimẽ?” ato fani.

Juan 17:8

A mĩa yoiai keskara ẽ ato yoiaito ea chanĩmara fakõikani. A ẽ mia ariax oniri mã tãpiafo. Chanĩmara fakani a ea mĩa nĩchini.

Juan 2:11

Jesús nã pexe rasi Caná anoxõ tsõa atiroma keskara taefaito õinifo Jesúsmãi finakõixõ tsõa afama mĩshti atiroma keskara atiro. Nãskakẽ õikaxõ aõxõ tãpimisfãfe chanĩmara fanifo.

Juan 21:17

Nãskaxõ anã Jesús yõkani: “Simón, mĩfi Juan fakeki. ¿Ea mĩa noikõimẽ?” ixõ Jesús yõkari faino Pedro anã tooxinima. Nãskaxõ anã Pedro kemani: “Ifo, mĩfi afama mĩshti tãpiaki. Mã mĩ tãpia ẽ mia noiaito,” fani. Askafaino anã Jesús yoini: “A ea Ifofamisfo ato kexesharafe ea Ifofasharanõfo.

Juan 5:20

Ẽfe Epa Niospa ea noikõi. Nãskakĩ nã akai keskara ea tãpimani ẽri anõ. Akka afara fetsa finakõia ea ispaxii. Askaino mã ea iskafakĩ yoixii: ‘Aira õikapo. ¿Afeskakĩ iskara shara akimẽ?’ mã ea faxii.

Juan 8:42

Jesús ato yoini: “Ẽfi Nios fe imiski. Ẽ Nios ariax oni. Ẽa shinãx na mai ano ẽ onima, ẽfe Ẽpa ea nĩchini. Akka mãto Epa Nioskẽ mã ea noikerana.

Hebreos 4:13

Epa Niospa keyokõi tãpia nõ õtatiroma. A nõ afara shinãxõ nõ amis keskara keyokõi tãpikõia. Akka nõri tãpia a nõ amis keskara. Nãskakẽ nõ Nios pãratiroma.