Juan 16:17 - Yaminahua

^17-18 Ato askafaito nikakani yoinãnifo: “¿Afeskakĩ, ‘Ẽfe Epa ari kaito mã anã ea õiyoima,’ noko faimẽ? ‘Afianã ẽ oaito mã ea õixii,’ noko fai. Na noko yoiai keskarakai nõ tãpiama,” ikanax yoinãnifo.

Juan 16:17 ပူးပေါင်းရင်းမြစ်များ

Marcos 9:10

Nãskakẽ tsoa yoitama. Ares fisti ãto õiti mẽraxõ shinãnifo mã tãpifikaxõ. Naax ẽ anã otoxira nokofaito nõ tãpiama ikanax yoinãnifo.

Marcos 9:32

tsõa tãpinima a ato yoiai keskara. Yõkapai akiki ranonifo.

Lucas 18:34

Ato askafakĩ yoiaitokai tsõa tãpinima. Mã nikafikakĩ tsõa tãpisharanima, Niospa Yõshi Sharapa ato shinãmayoamano.

Lucas 9:45

Akka tsõa tãpinima a ato yoiai keskara Niospamãi ato shinã mẽraxõ ato shinãtima faino. Nãskai ranonifo Jesús yõkapaikani ato xafakĩa yoipanã.

Juan 12:16

Nãskafikẽ Jesúsnoa yoikĩ kirika keneni keskara aõxõ tãpimisfãfe tãpiyonifoma. Akka mã reteafono otoax Apa ari kaano nãskakẽ aõnoa tãpinifo. Iskakakĩ shinãnifo: “Nã Jesús nono mai anoxõ a afama mĩshti axiai aõnoa yoikakĩ kirika keneyoni. Nõko xinifãfe Jesús fakeyoamano a inõpokoai aõnoa yoikakĩ kirika keneni,” ikaxõ Jesúsxõ tãpimisfãfe ãto õiti mẽraxõ shinãnifo.

Juan 14:22

Nãskaito Judas fetsa, Judas Iscariotema yõkani: “Ifo, ¿afeskakĩ a mia Ifofaifoma mĩ ato tãpimatama noko fisti mĩ tãpimanimẽ?” ixõ yõkaito,

Juan 14:5

Tomás kemani: “Ifo, nõkai a mĩ kai ari tãpiama, afeskaxõ nõ fai tãpitiroma,” faito,

Juan 16:1

“A mã omiskõixiai ẽ mato yoiyoni mã iskakĩ shinãnõma: ‘¿Afeskai Jesús ẽfe Ifo fiano ẽ omiskõimẽ?’ ixõ mã anori shinãkĩ mã ea potapaixii, anãkai mã ea chanĩmara faxima.

Juan 16:16

Anã Jesús ato yoini iskafakĩ: “Akka ẽkai anã mato fe nono samarakaima. Mẽ ẽfe Epa ari kai. Nãskakẽ mã ea õiyoima. Nãskafiax anã ẽ samamashta oaito mã ea õixii,” aõxõ tãpimisfo Jesús ato fani.

Juan 16:19

Nãskakaxõ yõkapaiyaifãfe Jesús ato tãpini. “¿Na ẽ mato yoiai keskara mã tãpiamax mã yoinõnãimẽ?” ato fani.

Juan 16:5

Anã Jesús ato yoini iskafakĩ: “Ẽfe Epa ea nĩchini. Iskaratĩa ẽ anã akiki kai. Akka mã, ‘¿Faki mĩ kaimẽ?’ mã ea faima.