Juan 14:16 - Yaminahua

¹⁶ Ẽ Epa Nios mato kĩfixoni mato fetsa nĩchixonõ, nãato mãto õiti fepeaxoyonõ. Nã Niospa Yõshi Shara, nãfi chanĩmismaki. Mato fe ipanaka.

Juan 14:16 ပူးပေါင်းရင်းမြစ်များ

Mateo 28:20

Nãskaxõ ato yoisharakãfe nikasharakõinõfo nã ẽ mato yoia keskara. Akka ẽ mato fe mẽxotaima ipanakaki,” Jesús ato fani.

Juan 14:14

Afara fetsa ẽfe aneõxõ mã Epa Nios yõkaito ẽ mato axotiro,” ixõ Jesús ato yoini.

Juan 14:18

“Akka ẽkai mato fe ikima. Askafixõ ẽ mato potaima. Ẽ matoki anã oxii.

Juan 14:26

Nãskaxõ Epa Niospa ãfe Yõshi Shara matoki nĩchi eõxõ mato fe ixõ mãto õiti mato inimamasharaxonõ. Keyokõi mato tãpimani. Nã ẽ mato yoia keskara mato shinãmani.

Juan 15:26

“Matori noikaspaifono ẽfe Epa Nios arixõ ãfe Yõshi Shara ẽ matoki nĩchixii. Nãato mato õiti fepeaxosharanõ. Nãfi chanĩmakõikĩ eõnoa mato yoixii.

Juan 16:22

Nãskarifiai ẽ mato makinoax kaino mã oiai omiskõixii. Nãskax ẽ anã chipo matoki oaino mã inimakõixii. Tsõakai mato xatematiroma mã ekeki inimaito.

Juan 17:15

“Akka ẽ mia yoima na mai anoa mĩ ato ifinõ. Akka ẽ mia yoi na mai anoa mĩ ato kexesharanõ Satanás chakata ato afeska fanõma.

Juan 17:20

“Ẽkai ato fistiõxõ kĩfifafãinima. Nã ea Ifofaafãfe ato yoiaifono nikakaxõ ea Ifofaxikani. Nãskakẽ ẽ mia ato kĩfixõfafãini nã nõ shinãi keskara fisti shinãnõfo. Mĩ efe imis keskai nãfori nofe inõfo. Nõ ato fe tanaima niaito õikakĩ a ea chanĩmara faafãfema akairi chanĩmara fanõfo mĩ ea nĩchini.

Juan 4:14

Nãskafixõ na faka ẽ ato ayamani anã nõamãkiyamanõfo. Chanĩmakõi, nã faka ayakanax isharapakexanõfo,” fani.

Juan 7:39

Akka faka ato yoinima, Niospa Yõshi Sharaõnoa ato yoini iskafakĩ: “A ea chanĩmara fai ẽfe Epa Niospa ãfe Yõshi Shara fe rafepakenaka,” ixõ Jesús ato tãpimani Apa Nios ari kayoxoma yorafãfe ãto xanĩfokõi ixikĩ. Nãskakẽ Jesús kayoamano Niospa ãfe Yõshi Shara ato fe rafeama.

Hch. 1:4

Nai mẽra kayoxoma anã pena fetsa aõxõ tãpimisfo yoisharani iskafakĩ: “Nonoax fakifoyoyamakãfe. Ẽ mato yoisharayonõ, mã nikasharanõ. Ẽfe Epa ãfe Yõshi Shara matoki nĩchixii kikĩ a ẽ mato yoimis keskafakĩ. Mã mã nikafafainakĩ ẽ mato yoiaito. Nãskakẽ na Jerusalén anoxõ manayokãfe, ẽfe Epa ãfe Yõshi Shara mato mẽra naneyonõ.

Hch. 13:52

Akka nã Nios Ifofaafo inimakõinifo, Epa Niospa Yõshi Shara ato fe ikano, mã Pablo fe Bernabé foaifono.

Hch. 9:31

Nãskakẽ a Jesús Ifofaafo Judea anoax ita Galilea anoax ita Samãria anoax ita isharakõinifo anã tsõa ato omiskõimanaimano. Anoxõ Nios nikasharakõinifo isharakõikaxõ Niospa Yõshi Sharapa ato axosharaino. Nãskakẽ a Nios Ifofaafo ichapakõi inifo.

Romanos 14:17

A nõ piaito Niospa yora noko imatiroma. Askatari a nõ ayaito Niospa yora noko imatiroma. Akka Nios nõko xanĩfokõino ãfe Yõshi Sharaõnoax nõ sharakõi. Nõko õiti fekaxteima nõ inimakõitiro.

Romanos 15:13

Epa Nios chanĩmara faxõ nõko Ifo oxiaino nõ manai. Epa Niospa noko shinãmani iskafakĩ: “Chanĩma, nõko Ifo oxii noko ifixiki nõ afe ĩpaxanõ,” ixõ noko shinãmani. Nãskakẽ ẽ mato kĩfixomis Niospa mato inimamanõ. Askatari mãto shinã mẽra mato shinãmasharai mã afeskatama mã isharanõ mato axosharai. Mã Nios chanĩmara faano ãfe Yõshi Sharapa mato axosharai mã isharanõ.

Romanos 5:5

Nõ askara shinãi nõ rãfitiroma Niospamãi a yoia keskara noko axõaino. Akka noko Niospa noikõikĩ ãfe Yõshi Shara nõko shinã mẽra noko nanexotiro.

Romanos 8:34

Jesucristo noko nãxokẽ Ãpa otofani. Iskaratĩa Apa Nios ika ano ika Apa feta ato keyokõi ĩkinã. Epa Nios noko kĩfixõfafãini. Nã chanĩmakõikẽ tsõa, “Mĩ afara chakafamiski. Nãskax mĩ omiskõipakenaka,” noko tsõa fatiroma.

Gálatas 5:22

Akka Niospa Yõshi Sharapa noko ĩkinãno fetsafo nõ noikõitiro inimakõiyanã, askatari nõ isharakõita nõ fekaxtetiroma, askatari fena fenakima nõ manasharakõiyotiro, askatari nõ fetsafo chakafamisma itiro, askatari nã nõ yoimis keskara nõ atiro isharakõita.

Filipenses 2:1

Nãskakẽ Cristo mato inimama mato noikĩ mato inimamashara ãfe Yõshi Shara mato fe ika. Chanĩma, Cristo mato noikĩ mato inimamashara mã mã meemis.

2 Tesalonicenses 2:16

Nõko Ifo Jesucristo feta nõko Epa Niospa noko noikĩ, nõko õiti mẽraxõ noko inimamakõinõ. Nãskakẽ nõ tãpitiro noko potanakama nõ afe ipaxanõ.

Hebreos 7:25

Nãskakẽ Apa Niosxõ noko ifitiro nõ afe ipaiyaito nokoõxõ Apa Nios yoifafãini iskafakĩ: “Epa Niosi, ẽ ato nãxoniki, ato chaka soaxõfe. Nãskaxõ a mĩ ika ano ato imafe,” ixõ nokoõxõ Apa yoimis. Nãskakẽ a nokoõnoa Apa yoia keskafakĩ noko nãskakõi faxoxii nõ afe ĩpaxanõ. Nãskaxkai nõ fenopakenakama.

1 Juan 2:1

Efe yora mĩshtichi, ẽ mato shinãi. Mẽ mato Jesús Ifofamaxõ ẽ mato fakefai. Mato fakefaxõ ẽ mato kirika kene fomai, mã anã afarafo chakafanõma, shinãsharata mã inõ. Askara Niospa fichipai. Akka nõ chakafaino Niospa fichipaima. Nãskakẽ nõ anã afara chakafaxõ nõ nõko Ifo Jesucristo nõ yoitiro anã nõko chaka nõ soapaikĩ, nokomãi nikaito. Noko nikaxõ Apa Nios noko yoixoni iskafakĩ: “Epa, ẽ ato nãxoni. Eõxõ ato chaka soaxõfe, ãto chaka soapaikani kiki,” Apa fatiro. Nã fistimãi mẽstekõi ixõ, afaa chakafamisma. Nãskaxõ Apa Nios noko yoixotiro.

1 Juan 2:27

Akka Epa Niospa ãfe Yõshi Shara mato inãni mato fe rafekõinõ. Nãskakẽ aõxõ mã mã tãpikõia. Mã anã tsoa yopaima mato tãpimanõ, ãfe Yõshi Sharapamãi keyokõi mato tãpimakẽ. A mato tãpimanai keskara chanĩmakõi, mato pãratiroma. Nãskakẽ nikakõiyanã Cristo fe rafesharakõikãfe, a Niospa Yõshi Sharapa mato yoiai keskai. A Niospa Yõshi Sharapa mato yoini keskai shinãmakikakĩma Cristo fe rafesharakãfe enekakĩma.

2 Juan 1:2

Nõ mato noikõi Jesúsmãi nofe rafeano. Akka nã Jesús nofe rafepakenaka.