Juan 13:34 - Yaminahua

³⁴ Ẽfe meka fenashara ẽ mato yoikai, noinãi finakãfe. Nã ẽ mato noiai keskariai mãri noinã faatanãsharakãfe.

Juan 13:34 ပူးပေါင်းရင်းမြစ်များ

Mateo 5:44

Anori yoifinifono, akka ẽ mato yoi a mato noikaspaifo ato kopikima ato noikãfe. Askatari ato axosharakãfe. Askatari a mato omiskõimamisfo Epa Nios ato kĩfixokãfe.

Juan 15:17

Nã ẽ mato yoiai keskai noinãkãfe,” ixõ Jesús ato yoini.

Romanos 12:10

Nã mã Nios chanĩmara faafo tii noinãkãfe. Mato fe yorakõifo fe mã noinãmis keskariai noinõnãkãfe. A mã mã nõimeai keskariai fetsafori ato noisharakãfe. “Fetsafo finakõiaki, ẽ finakõiyamaki,” ixõ ato sharafakãfe.

Romanos 13:10

Nõ fetsafo noikõixõ nõ ato chakafatiroma. Akka nõ ato noikõikĩ Niospa yoini keskara nõ aki. Nõ ãto ãfi fe nõ ipaima. Askatari nõ ato noikõixõ nõ atoki yometsoima. Askatari nõ ato pãraima. Akka nõ ato noiaiõxõ Niospa noko yoia keskara nõ atiro.

Romanos 13:8

Tsoa nimiyamakãfe. Askatamaroko noinãkãfe. Noinãi eneyamakãfe. Nã nõ yorafo noiaiõxõ Epa Niospa yoini keskarakõi nõ amis.

Gálatas 5:22

Akka Niospa Yõshi Sharapa noko ĩkinãno fetsafo nõ noikõitiro inimakõiyanã, askatari nõ isharakõita nõ fekaxtetiroma, askatari fena fenakima nõ manasharakõiyotiro, askatari nõ fetsafo chakafamisma itiro, askatari nã nõ yoimis keskara nõ atiro isharakõita.

Gálatas 5:6

Nõ foshki repa xateano, askayamãkĩ nõ xateamano, afãfekai nõko chaka noko soaxotiroma. Akka nõ Jesucristo Ifofakõinaino fetsafo noko ato noimasharakõitiro nõ ato noisharakõinõ. Nã fisti nõ fichipai, chanĩmara fasharakõixii.

Gálatas 6:10

Nãskakẽ afeskaraifãfe õikĩ keyokõi ato axosharafafãikãfe. Nãskatari a Nios Ifofaafo ato noisharayanã ato axosharafafãikãfe.

Gálatas 6:2

Nãskakẽ fetsafo fe afara axonõnã faatanãsharakãfe. Mã ranã Nios kĩfinõnã faatanãkãfe. Fetsa omiskõiaito aõ noikĩ inimamakãfe, nãskakẽ kexenõnã faatanãsharakãfe. Fetsa omiskõiaito Nios kĩfixokãfe Jesúsnoa shinãmasharayanã Ifo sharafanõ. Mã askakĩ nã Cristo yoini keskara keyokõi mã akikai.

Efesios 5:2

Cristo noko shinãkĩ finakõi nokoõnoax nani. Nõko chaka noko soaxoni. Nãskakẽ noko nãxoni, aakõi nanima. Nãskaito xafakĩa Epa Niospa õini nõko chakaõnoax nani, anã nõko chaka nokoõ neenõma. Nãskakẽ mã ranãri nõinãi finasharakõikãfe.

1 Tesalonicenses 3:12

Nõko Ifãfe mato shinãmasharaino mã noinãi finakõinõ, fetsafori mã noisharanõ, nõ mato noiai keskafakĩ mãri keyokõi yorafo noisharakõinõ.

2 Tesalonicenses 1:3

Efe yora mĩshtichi, mã taefakĩ mã Nios chanĩmara fani. Nãskakẽ iskaratĩa mã chanĩmara fakĩ finakõia. Askatari mã rama Nios Ifofaax mã nõinãsharakõini. Nãskakẽ iskaratĩa mã nõinãifinakõi. Nãskakẽ nõ matoõxõ Nios kĩfikĩ iskafa fafafãini: “Aicho Epa Niosi, mefe yorafãfe Tesalónica anoafãfe mia Ifokõi faafoki,” ixõ ẽ mato kĩfixõfafãini.

Hebreos 13:1

Mãfi Cristo afe yorafokĩ. Nãskakẽ mã ranã nõinãi xateyamakãfe.

Stg. 2:8

Akka kirikaki Niospa meka kenekĩ iskafanifo: “Nã mã noimekõiai keskariakĩ fetsafori noikõikãfe,” ixõ yoinifo. Nã Niospa yoini keskara mã nikakõiax mã isharakõikai.

1 Pedro 1:22

Akka mã mã Jesucristoõnoa meka shara nikakõixõ anã afaa chaka shinãyamakĩ. Mã mã isharakõixõ mã fetsafo noikõi. Nãskakẽ mãa ranã nõinã faatanãsharakõikãfe mãto shinã sharafoyaxõ shinãsharakõita.

2 Pe. 1:7

Askatari keyokõi yorafo sharafata oitsifaxõ ato noifafãikãfe.

1 Juan 3:11

Nãskakẽ taefakĩ mã Nios Ifofaxõ mã mã nikamiskĩ mato yoiaito: “Nõa ranã nõ noinãsharanõ,” ixõ mato yoiaito mã mã nikamis.

1 Juan 3:23

Iskafakĩ noko yoini: “Ẽfe Fake Jesucristo nikasharakõikãfe,” ixõ noko yoini. Nãskatari a noko yoini keskai nõa ranã nõ noinãsharai.

1 Juan 4:21

Niospa noko yoimis: “Ea noixõ nã ea Ifofaafori noikãfe,” noko famis.

2 Juan 1:5

Ea nikakãfe ẽ mato yoisharanõ, mã ranã noinãkãfe. Mã mã nikamiskĩ nã mã Jesús Ifofakĩ taefanitĩa. Akka ẽa shinãxõ ẽ mato meka fena kenexonima, mã mã nikamis. Nãskakẽ mã ranã noinãsharakãfe.