Juan 12:6 - Yaminahua

⁶ Anori Judaspa yoifikĩ ato kori inãkeranama. Nã Judasfi yometsokõi iniki. Nã Judaspa ãto kori kexexopaoni. Yometsofixõ nãskakẽ tsõa tãpipaonima. Nã kori fixõ a afaamaisfo ato inãkeranama, nã a kori onekerana.

Juan 12:6 ပူးပေါင်းရင်းမြစ်များ

Mateo 21:13

Askafata ato yoini iskafakĩ: “Niospa shinãmanaino Isaías Niospa meka keneni iskafakĩ: ‘Mã ẽfe pexefã mẽraxõ mã ea kĩfitiro,’ ixõ keneni. Akka nã yometsofãfe pexe keskara mã famis,” ixõ Jesús ato yoini.

Lucas 8:3

Nãskata Juanãri ato fe ipaoni, Cuzapa ãfi. Nã Cuzapa Herodes yonoxopaoni. Susanãri ato fe ipaoni. Nãskatari nã kẽro fetsafãferi Jesús yafi aõxõ tãpimisfo ato kori inãpaonifo.

Juan 12:5

“Kee. ¿Afeskakĩ na kẽromã pirofomã shara potaimẽ? Ato minixõ kori ichapa fixõ noko inãkerana a afaamaisfo nõ ato inãpanã. Nãskax shara ikerana,” Judaspa fani.

Juan 13:29

Atirifãfe shinãnifo: “Jesús Judas nĩchiaito Judaspa afara fitanõ Jesús nĩchi fista ayanã pixikĩ,” ixõ shinãnifo. Akka atirifãferi shinãnifo iskafakĩ: “Jesús Judas nĩchia a afaamaisfo kori inãtanõ,” ixõ shinãnifo. Nã Judaspa ãto kori kexexomis ini.

1 Corintios 6:10

Askatari yometsomisfo, atonãma fipaimisfo, pãemisfo, ĩchamitsamisfo, nikayospamisfo, afara fẽtsa fĩatiaxõ ato pãraxõ afara fetsa fĩamisfo. Nãskarafokai Nios xanĩfo ano fotirofoma.

Gálatas 2:10

Akka noko yoikĩ iskafanifo: “A afaamaisfo ato shinãmakiyamakãfe. Afarayaxõ ato inãkãfe,” ixõ noko yoinifo. Askara yoikĩ ea inimamanifo ẽrimãi a afaamaisfo ẽ ato inãsharamiskẽ.

1 Tesalonicenses 5:22

Afara chaka fishtayamakãfe.

Stg. 2:2

Akka mã ichanãino feronãfake kori ichapaya oro anĩcho efapa safefãi rapati sharakõi safeax mato fe ichanãiyoi oaito, mã shinãkĩ iskafatiro: “Nafi afama mĩshtifoyaki, nãskakẽ nõ ifisharai,” ixõ mã shinãtiro. Nãskaxõ, “Nono tsaoyofe keyokõichi mia õinõfo,” mã fatiro. Mã askafaino, feronãfake afaamais rapati chapokõi safeax mato fe ichanãpaiyaito mã iskafatiro: “Onĩ nĩxõ õife,” askafayamakĩ, “Onĩ nãmã tsaoxõ õife,” mã fatiro.

Stg. 2:6

Askafixõ a afaamaisfoya mã ato ĩkisharakõima, mã ato chakafai ato õikaspayanã. Akka shinãkapo afe keskarafomãkĩ kori ichapayafo. Nã kori ichapayafãfe mato omiskõimakani. Mã ato nimikẽ xanĩfo ano mato iyokaxõ mato karaxa mẽra ikimapaikani. Askarafãfe nõko Ifo chakafakĩ mekafamisfo. Akka a kori ichapayafãfe mato noikanima ato kori fisti noi kakĩ. Akka, ¿afeskakĩ a kori ichapayafo mã ato ifisharapaimẽ mato chakafafiaifono? Akka a afaamaisfo mã ato noikaspamis.