Juan 12:50 - Yaminahua

⁵⁰ Mẽ tãpia Epa Niospa yoia keskara chanĩmara faax mã nĩpaxatiro. Nãskakẽ, ‘A ẽ ato yoimis keskara nãnori ato yoife,’ Ẽfe Epa Niospa ea famis,” ixõ Jesús ato yoini.

Juan 12:50 ပူးပေါင်းရင်းမြစ်များ

Juan 17:3

Meres fisti mĩ Nioskõi. Akka ẽfi Jesucristo nã mĩa nĩchini. Nã noko tãpiafo nãfo nipanakafo.

Juan 20:31

Epa Niospa Jesús nĩchini nõko Ifo inõ. Nãfi Niospa Fakeki. Ẽ mato Jesúsnoa kenexoni mã chanĩmara fanõ. Chanĩmara faax mã aõnoax Nios fe nĩpaxanõ.

Juan 5:19

Nãskara shinãifãfe Jesús ato tãpini. Nãskaxõ Jesús ato yoini iskafakĩ: “Chanĩma ẽ mato yoinõ. Ea nikakapo. Ẽ Niospa Fakekõikĩ ẽa ẽ afara afeskarafaima. Ẽfe Epa Niospa akai keskara õixõ ẽri aki. Nã fisti ẽ aki.

Juan 6:63

Akka Niospa Yõshi Sharapa nã fistichi yorafo nimasharapaketiro. Yorafokai yõra nimapaketiroma. Akka ẽfe Epa Niospa Yõshi Sharaõxõ ẽ mato yoimis. Nãskakẽ ẽfe meka chanĩmara faax mã nisharapakexatiro.

Juan 6:68

Pedro kemani: “Ifo, nõ fato fetsakai Ifofatiroma. Mĩ fistichi mĩ noko yoitiro afeskax nõ isharapakexatiromãkĩ.

Juan 8:28

Nãskaifãfe Jesús ato yoini: “Ẽfi yõra fakekõiki. Mã ea ifi cruz ikakĩ mastaxõ mã ea fininĩfofãxõ mã ea õixii ẽ tsoamãki mã ea tãpitiro. Nãskatari eõnoa mã tãpitiro ẽa ẽ mato yoimisma. Epa Niospa ea yoia keskara ẽ mato yoimis.

1 Ti. 1:16

Nãskafiaito õikĩ Jesús ẽfe chaka ea soaxona. Ẽ chakafafiafimiskẽ Jesucristo ea fãsi noi. Ea askafaito õi kakĩ yora fetsafãfe iskatirofo: “¡Õikapo! Na Pablo fãsi chakafafiamiskẽ mã Jesús aõ fãsi noi,” shinãito õikĩ, “Nokori Jesús noikĩ noko ifitiro, na Pablo akai keskafakĩ, nõ afe ĩpaxanõ na Pablo ikai keskai Jesús fe nipanaka, nõri afe nipaxanõ,” ikaxõ anori shinãtirofo.

1 Juan 2:25

Nãskakẽ Jesús noko iskafakĩ yoiyoni: “Ea yafi ẽfe Epa mã Ifofaax, mã nofe nĩpanaka, anã mã nanakama,” ixõ noko yoini.

1 Juan 5:20

Niospa Fake nokoki oni. Noko tãpimaniyoi ãfe Apa nõ tãpisharakõinõ. Ãfe Apafi mẽstekõi ikaki. Akka nõ Jesús fe rafeax ãfe Apa feri nõ rafetiro. Nã Jesucristo Niospa Fake. Nãri Nioskõi. Nãskakẽ noko nimapakexatiro.