Juan 10:34 - Yaminahua

³⁴ Jesús ato kemani iskafakĩ: “Mã iskai: ‘Anã ano Nios fetsama,’ mã imis. Akka nã Niospa meka yoimisto kirika keneni iskafakĩ: ‘Ẽ mato yoi mãfi Nios keskarakõifokĩ. Niospa mato nĩchia,’ ixõ kirika keneni, Niospa meka yoikĩ. Akka nã meka tsõa chanĩra fatiroma.

Juan 10:34 ပူးပေါင်းရင်းမြစ်များ

Juan 10:35

Akka Niospa anori yoifiano ¿afeskakĩ mã ea yoimẽ ẽ Nios chakafai? Akka Niospa ea nai mẽraxõ nãmã nĩchini. Nãskakẽ ẽ mato yoitiro ẽfi Niospa Fakeki.

Juan 12:34

Nikakaxõ yorafãfe nãno nixõ yoinifo iskafakakĩ: “Niospa meka sharaõnoa kirikaki kenekĩ yoikĩ iskafanifo: ‘Cristo, nã Niospa nĩchia nĩpanaka nanakama,’ fanifo. Akka, ¿afeskakĩ mĩ noko yoimẽ iskafakĩ?: ‘Na yõra fakekõi retekaxõ ifi cruz ikakĩ mastakaxõ fininĩfofãxikani,’ mĩ noko fai. ¿Akka tsoaõnoa mĩ noko yoimẽ?” fanifo.

Juan 15:25

A Niospa meka yoikĩ kirika kenenifo nẽ askakõi. Niospa meka yoikĩ eõnoa kirika kenenifo iskafakakĩ: ‘Ẽ afara chakafayamafiakẽ ea noikaspakani,’ ixõ eõnoa yoikĩ kirika kenenifo.

Juan 8:17

Moisés mato yoini iskafakĩ: ‘Feronãfake rafeta nãnoris mato yoiaito mã nikatiro,’ ixõ mato Moisés yoini.

1 Corintios 14:21

Isaías Niospa meka yoikĩ keneni iskafakĩ: Nã israelifo ẽ ato yoifiaito ea nikakaspamisfo. Nãskakẽ ẽ ato kaxpakõi yoimis. Nãskaifãfe õikĩ ãto kaifoma ẽ atoki nĩchikẽ, ãto mekapa ato yoiaifãfe ato nikakanima meka fẽtsapamãi yoiafono. Ato yoifiaifonokai ato nikakanima, ixõ Isaías kirika keneni Niospa meka yoikĩ.