Hebreos 5:3 - Yaminahua

³ Nãskaxõ yorafãfe nã yoinã inafo inãino nãato retexõ koofakĩ Epa Nios ato kĩfixomis Epa Niospa ãto chaka ato soaxonõ. Nãskatari ãri ãfe yoinã ina retexõ koofamis ari Epa Niospa chaka soaxonõ, a noko axomis keskafakĩ.

Hebreos 5:3 ပူးပေါင်းရင်းမြစ်များ

1 Corintios 15:3

Yorafãfe ea meka sharafinakõia yoiyonifo. Nãskakẽ ẽri mato yoini iskafakĩ: Cristo noko nãxoni nõko chaka noko soaxoxiki. Akka Cristo tres nia maiyoni. Askata anã otoni. Mã otoax Pedroki nokoi taeni. Nãskatari chipo a aõxõ tãpimisfokiri nokoni. Askatari nã chanĩmara faafoki yorafã rasifokiri nokoni. Akka fisti rasi nãpaifono, akka ranãri nanifoma. Nãskatari chipo Santiagoki nõko Ifo nokoni. Askatari a aõnoa ãfe meka yoimisfoki nokoni.

Hebreos 10:12

Akka Jesucristo mã noko nai fistixoni noko chaka soaxoxiki. Nãskakẽ nõ anã afaa fetsa yopanakama noko chaka soaxonõ. Nãskakẽ mã nokoõnoax naax Apa Nios ari kani ariax afe xanĩfokõi ikikai.

Hebreos 7:27

Akka a ato Nios kĩfixomis xanĩfo fetsafo keskarafoma. Taefakĩ afãfe pena tii yoinã ina retepaonifo Epa Nios inãkakĩ ato chaka soaxonõ. Nãskakẽ Niospa mã ato chaka soaxonano yora fetsafãferi ato yoinã inafo inãnifo, atori Epa Niospa chaka soaxonõ. Akka Jesúskai ato keskarama. Jesús ato finõkõia. Nãskakẽ Jesús nai fistini noko chaka soaxonano Epa Nios fe nõ ipaxatiro.

Hebreos 9:7

Akka a kene fetsa mẽrari tsoa ikitiroma ipaoni. Nã ato Nios kĩfixomis xanĩfo finakõia fisti ikipaoni. Xinia fisti ata ikipaoni. Nãskatari imimais ikipaonima. Yoinã imiya ikipaoni nã imi Epa Nios inãxikĩ ãfe chaka soaxonõ, askatari afe yorafori ato chaka soaxonõ.