Hch. 8:3 - Yaminahua

³ Akka nã Saulo Jesús Ifofamisfo ato omiskõimani pexefo tii mẽra ikikafãkakãini ato achixõ karaxa mẽra ato ikimaxiki, kẽrofoya feronãfakefo.

Hch. 8:3 ပူးပေါင်းရင်းမြစ်များ

Hch. 16:19

Pablo askafaito õikakĩ, akka a xomayato ãfe ifofãfe shinãchakakõinifo anã afaakema, anãkairoko aõxõ kori fikani. Nãskakaxõ akiki õitifishkikakĩ Pablo yafi Silas achikaxõ xanĩfo finakõia ano iyonifo.

Hch. 22:19

Ea askafaito ẽ kemakĩ iskafani: ‘Ifo, mã ea tãpiafo nã ichanãti pexe mẽranoafo kaxõ ẽ ato achixõ karaxa mẽra ẽ ato ikimapaoni a mia Ifofaifo. Askatari ẽ ato koshaketsapaoni.

Hch. 7:58

mã achikaxõ pexe rasi pasotai iyokaxõ nã Esteban yõaitafãfe feronãfake naetapa ãfe ane Saulo rapati inãnifo ato kexexonõ. Nãskakaxõ chipo Esteban tokirinĩ tsakaketsanifo.

Hch. 8:2

Atiri yorafãfe a Nios Ifofamisfãfe Esteban maifakani oiai finakõinifo aõ noikani.

Hch. 9:21

Ato askafaito nikakani ratei fetsenifo. Nãskaxõ yoinifo iskafakakĩ: “Akka, ¿nato Jerusalén anoxõ a Jesús Ifofamisfo ato omiskõimamismamẽ? Akka, ¿naamamẽ? Mã nono oa nonoafo ato achiyoi, a Nios kĩfixomisfãfe ãto xanĩfofo ato iyoxoni axiki.”

1 Corintios 15:9

Akka ẽ chakafayopaoni keskara Jesús Ifofaa fetsafãfe chakafamisfoma. Akka ẽ afara chakafakĩ finayopaoni. A Jesús Ifofaafo ẽ ato omiskõimayopaoni. A afe yorafo ẽ chakafayopaonifikẽ Jesús ea noikĩ ea nĩchini aõnoa ẽ ato yoinõ.

Gálatas 1:13

A ẽ ipaoni keskara mã mã nikapaoni. Ẽmãi judeoxõ a nõko xinifãfe yoipaoni keskara ẽ nikayopaoni. Mã mã tãpia mitsisipakõikai a Nios Ifofaafo ẽ ato omiskõimapaoni, anã Nios Ifofayamanõfora ixõ.

Filipenses 3:6

Askatari Niospa meka nikasharapaikõikĩ a Nios Ifofaafo ẽ ato chakafapaoni. Askatari ẽ isharapaikõikĩ Moisés yoini keskara ẽ nikasharakõipaoni. Nãskakẽ eõnoa yoikĩ tsõa iskafatiroma: “Na Pablokai Moisés yoini keskara nikakõipaonima,” ixõ tsõa yoitiroma.

Stg. 2:6

Askafixõ a afaamaisfoya mã ato ĩkisharakõima, mã ato chakafai ato õikaspayanã. Akka shinãkapo afe keskarafomãkĩ kori ichapayafo. Nã kori ichapayafãfe mato omiskõimakani. Mã ato nimikẽ xanĩfo ano mato iyokaxõ mato karaxa mẽra ikimapaikani. Askarafãfe nõko Ifo chakafakĩ mekafamisfo. Akka a kori ichapayafãfe mato noikanima ato kori fisti noi kakĩ. Akka, ¿afeskakĩ a kori ichapayafo mã ato ifisharapaimẽ mato chakafafiaifono? Akka a afaamaisfo mã ato noikaspamis.