Hch. 5:39 - Yaminahua

³⁹ Akka Nios ato fe ikano mã ato afeska fatiroma. Mãroko kexemesharakãfe ato chakafayanã Niosri mã chakafatiroki,” ixõ Gamaliel ato yoiaito nikanifo.

Hch. 5:39 ပူးပေါင်းရင်းမြစ်များ

Mateo 16:18

Ẽ mia anã yoinõ. Mĩfi Pedroki,” ixõ Jesús yoini. Akka israeli mekapa Pedro Tokirinĩfã nõ fatiro. Tsõa tokiri efapa pĩtsi itiroma. Nãskaxõ Jesús anã yoikĩ iskafani: “Mĩ ea yoia: ‘Mĩ Cristo, nã Nios nĩpanakato Fakekõi,’ mĩ ea faa. Nã mĩ yoia keskaraõxõ fetsafãfe arifi chanĩmara faxikani. Nãskaifãfe efe yorafo ẽ ato imaxii. Nãskax ichanãxikani ea fanãkani ekeki inimakani. Yõshi chakafãfe Nios noikaspakakĩ ato namapayanã ato xatemapaifiaifono tsoa xatetiroma. Nã ea Ifofaafo xatenakafoma ea fanãkani. Tokiri efapanãfã pĩtsikiki tsõa tararatiroma keskara ixikani.

Lucas 21:15

Akka ẽ mato ato kemamasharaikai fanĩrira mato mekafaifono mã ato kemasharanõ. Nãskakẽ nã mato noikaspaifãfe mato kemakanima, fanĩrira mã noko yoi tsõa mato faima.

Hch. 11:17

Epa Niospa ãfe Yõshi Shara ato mẽra naneita a nõmẽra naneni keskafakĩ, nõko Ifo Jesucristo nõ chanĩmara faito. Akka ẽ, ‘Mĩ Yõshi Shara ato mẽra naneyamafe,’ ẽ Nios fatiroma,” ixõ Pedro ato yoini.

Hch. 23:9

Nãskakanax fãsikõi mekainĩfofãnifo, akka nãno ranãri inifo a Moisés yoikĩ kirika keneni keskara ato tãpimamisfo. Nãfo fariseofo inifo, nãfãfe niinĩfofãkaxõ yoinifo iskafakakĩ: “Na feronãfakekai afaa chakafama. Õitsai, yõshi sharapa yoiyamãki Niospa ãjirinĩ yoia rakikĩa,” ixõ yoinifo.

Hch. 6:10

Meka finõmapaifiaifono Niospa ãfe Yõshi Sharapa Esteban ãfe õiti mẽra shinãmani. Shinãsharakõita ato yoini. Ato askafaito tsõa Esteban kemanima.

Hch. 7:51

“Akka mãfi mãto xinifo keskarakĩ. Mã nikayospakõifo Epa Niospa meka mã nikakaspakõimis, chanĩmarakai mã famisma. Niospa Yõshi Sharapa mato yoimis mã nikakõimisma.

Hch. 9:5

Saulo kemani: “Ifo, ¿mĩ tsoamẽ?” faito kemakĩ iskafani: “Ẽkĩa Jesús, a mĩ ea omiskõimanai.

1 Corintios 1:25

Jesús chanĩmara faafãfema yoikĩ iskafamisfo: “Jesucristo noko nãxoni,” ixõ yoifikakĩ anorima shinãmisfo, ãa chanĩkakĩ. “Akka yora mapo sharayato Cristo chanĩmara fatiro,” ixõ yoimisfo a Jesús chanĩmara faafãfema. Akka anorima yoifiafono Niospa ãfe Fake Jesús noko nĩchixoni noko nãxoyonõ. Nãskax Niospa ãfe shinã a chanĩmara faafãfema ãto shinã keskarama. Aatofi mẽstekõi shinãmis. Akka nã chanĩmara faafãfema yoimisfo iskafakakĩ: “Nõ tãpikõia,” ixõ yoifikakĩ yoisharamisfoma. Anorima shinãmisfo. “Nõ afama mĩshti fatiro,” ifiakakĩ fetsafo nimasharatirofoma. Askafikata aforikai ãa chaka soametirofoma. Akka Epa Nios fistichi afama mĩshti fatiroxakĩ noko chaka soaxotiro.

1 Corintios 10:22

Nõko Ifo Jesús fe rafepaifikĩ nõ niafaka chaka fe rafepaikĩ nõ nõko Ifo Jesús nõ õitifishkimatiro. Nõ askafaito noko omiskõimatiro. Akka, ¿nõ Jesús kerexkai finõtiromẽ noko omiskõimayamanõ? Maa, nõ Jesús finõtiroma. Jesús noko omiskõimanaito tsõa noko timamatiroma.