Hch. 5:11 - Yaminahua

¹¹ Askaito nikakani a Jesús Ifofamisfo ratenifo. Yora fetsafori askanifo nikakani akairi ratei fetsenifo.

Hch. 5:11 ပူးပေါင်းရင်းမြစ်များ

Hch. 19:17

Nãato askafaano Efeso anoxõ judeofãfe yora fetsafo feta nikakani ratenifo. Nãskakaxõ, “Nõko Ifo Jesús fãsi sharakõi,” fanifo.

Hch. 2:43

Nãskaxõ anoxõ a Jesúsnoa yoimisfãfe, nã docefãfe, afama mĩshtifo apaonifo, yonaifono ato sharafata, afara fetsafori apaonifo, nãskaxõ afama mĩshti faifãfe ato tãpinõfo. Nãskafaifãfe õikani keyokõi anoax yorafo ratenifo.

Hch. 5:5

Askafaifãfe nikai Ananías koshikõi nani. Askaito nikakani yorafã rasi ratei fetsenifo.

Hch. 9:31

Nãskakẽ a Jesús Ifofaafo Judea anoax ita Galilea anoax ita Samãria anoax ita isharakõinifo anã tsõa ato omiskõimanaimano. Anoxõ Nios nikasharakõinifo isharakõikaxõ Niospa Yõshi Sharapa ato axosharaino. Nãskakẽ a Nios Ifofaafo ichapakõi inifo.

Filipenses 2:12

Nãskakẽ ẽfe yora mĩshtichi, ẽ mato fe ixõ ẽ mato yoiaito mẽxotaima mã ea nikapaoni keskafakĩ, ea nikakĩ finakõikãfe iskaratĩa ẽ chai ikakĩ nono karaxa mẽra. Jesús mãto chaka mato soaxonõ isharakõita shinãsharakõikãfe afe ĩpaxakakĩ kachikiri fakakĩma. Nãskakẽ meseyanã nikakĩ finakõifafãikãfe Niospa mãto chaka mato soaxonõ.

Hebreos 11:7

Nõko xini Noéri Nios chanĩmara fakõipaoni. Nãskakẽ Niospa Noé yoikĩ iskafani: “Ẽ oi kaya imai faka faipafanõ ãsai fetsenõfo. Nãskakẽ kanõanãfã pexeya fafe. Mĩ fakefo fe mĩ ãfinõ ano ikanax ãsaxikanima. Nã ẽ mia yoiai keskafafe,” ixõ Niospa Noé yoini. Akka tsõa askara õiyomisma nãskakẽ Noé chanĩmara fakĩ kanõanãfã fani ãfe fakefo fe ãsaxikakima. Nã Noé Nios chanĩmara faax isharakõipaoni. Akka nã nikakaspaifo askapaonifoma, afãfe afara chakafapaonifo. Nãskakẽ Niospa ato omiskõimani ãsanõfo. Nãskakẽ Nios fe Noé rafeaito akiki inimakõini.

Hebreos 12:15

Epa Niospa noko noikõikĩ ãfe Fakeoxõ noko sharafa fafafãimis. Nãskakẽ a Niospa noko amapaiyai keskara akãfe fenoxikakima. Askatari mãto shinãmã afaa shinãyamakãfe. Akka mãto shinãmã mã afara shinãkĩ fetsafori mã ato afara chakafamatiro akairi askara anõfo.

Hebreos 12:28

Nãskatari a Nios ika ariax mai naya naya itiroma. Nãskakẽ nãno nõ afe isharapakexatiro. Nãskakẽ aõnoa nõ shinãsharayanã nõ kĩfifafãinõ. Nãskaxõ a noko amapaiyai keskara nõ axõaino nokoki Epa Nios inima sharakõixii.

Hebreos 4:1

Akka Epa Niospa noko yoiyoni iskafakĩ: “Mã ea Ifofaino ẽ mato anã inimamatiro. Akka mã ea Ifofayamakẽ ẽ mato inimamatiroma,” ixõ noko yoiniki. Nãskakẽ keyokõichi nõ Ifofanõkãfe.

1 Pedro 1:17

Shinãkapo. Mã Epa Nios kĩfikĩ Epa mã famis. Nãskax nõ ãfe fakefokẽ noko õi. Akka a ãfe meka nikamisfo Niospa ato shara fai. Akka a nikamisfoma ato omiskõimatiro. Ares fisti Epa Niospa noko õimis mẽstekõi. Nãskakẽ isharakõikãfe nono nãmãnoax. Nãskaxõ Nios shinãsharakãfe meseyanã.

Apocalipsis 15:4

Ifo, keyokõi mikiki mesekakĩ mia nikasharapainõfo. Mĩ afama mĩshti tsõa õiyomisma mĩ atiro. Keyokõi maitio anoafãfe anori yoipakexanõfo. Mĩ fistichikai afaa chakafamisma. Mĩ shara fisti famis. Afetĩara mĩ ato apaiyaitĩa mĩ ato omiskõimaxii a chakafamisfo. Chanĩmakõi mĩ ato askafaxii. Keyokõichi mã fẽkaxõ mia shinãkani inimayanã fanãikani, ixõ yoiaifãfe ẽ nika.